1 Kronika 15:2 - ŊMALƐ KRƆŊKRƆŊ LƐ

² Kɛkɛ ni David kɛɛ akɛ, “Levibii lɛ pɛ ji mɛi ni baatere Nyɔŋmɔ Kpãŋmɔ Adeka lɛ ejaakɛ amɛ ji mɛi pɛ ni Yehowa ŋɔ̃ akɛ amɛ amɛta Yehowa Kpãŋmɔ Adeka lɛ he, asaŋ akɛ amɛsɔmɔ lɛ kɛya naanɔ.”

Ṅmãle̱ Kroṅkroṅ Le̱

² No mli David kē̱ ake̱ mokomoko akawó Nyoṅmo̱ adeka le̱, ake̱ dša Levibii le̱ ke̱ke̱; edšake̱ ame̱dši mei ni Iehowa ehala ake̱ ame̱wó Nyoṅmo̱ adeka le̱, ní ame̱súmo̱le̱ ke̱-ya nāno̱.

1 Kronika 15:2 ပူးပေါင်းရင်းမြစ်များ

2 Samuel 6:13

Kɛji mɛi ni tere Kpãŋmɔ Adeka lɛ famɔ amɛnaji shii ekpaa lɛ, David gbeɔ tsina kɛ too ni ewo fɔ ekɛshãa afɔle.

2 Kronika 35:3

Ekɛɛ Levibii lɛ ni amɛ ji Israel muu fɛɛ tsɔɔlɔi lɛ, ni asaŋ amɛjɔɔ amɛhe nɔ amɛhã Yehowa sɔɔmɔ lɛ akɛ, “Nyɛkɛ Kpãŋmɔ Adeka lɛ ayamaa Sɔlemɔ we lɛ ni Maŋtsɛ Solomon, Israel Maŋtsɛ David bi lɛ, ma lɛ mli. Ehiaaa akɛ nyɛaatere adeka lɛ kɛya kɛba. Agbɛnɛ nyɛsɔmɔa Yehowa, nyɛNyɔŋmɔ lɛ, kɛ emaŋ Israel.

2 Mose 25:14

Akɛ tsei nɛɛ ahɔlɔ gai ni yɔɔ adeka lɛ ŋmawuiaŋ biɛ kɛ biɛ lɛ amli koni akɛwo.

Yesaia 66:21

“Maŋɔ amɛteŋ mɛi komɛi mafee osɔfoi kɛ Levibii,” Yehowa kɛɛ.

4 Mose 3:6

“Ŋɔɔ Levi akutso lɛ kɛba ni owo amɛ yelikɛbualɔi, mɛi ni baawa Osɔfo Aaron yɛ esɔfoyeli nitsumɔ lɛ mli.

4 Mose 3:9

Ojɔɔ Levibii lɛ anɔ ohã Aaron kɛ ebihii lɛ. Oŋɔ amɛ yɛ Israelbii lɛ ateŋ, ni ojɔɔ amɛnɔ kwraa ohã koni amɛsɔ̃mɔ Aaron kɛ ebihii osɔfoi lɛ.

4 Mose 7:9

Shi Kohatbii lɛ shwiili jio, tsina jio, Mose hãaa amɛ eko ejaakɛ nibii krɔŋkrɔŋi ni amɛkwɛɔ nɔ lɛ, kɔ̃ŋ nɔ atereɔ yɛ.

5 Mose 10:8

Be ni ayɔɔ gɔŋ lɛ he lɛ, Yehowa ŋɔ Levi akutso lɛ akɛ amɛ amɛtere Kpãŋmɔ Adeka lɛ. Asaŋ amɛ amɛdamɔ ehiɛ amɛsɔmɔ lɛ, ni amɛ pɛ amɛkɛ egbɛi ajɔɔ mɛi. Nitsumɔi nɛɛ amli amɛhiɛ kɛbashi ŋmɛnɛ gbi nɛɛ.

5 Mose 31:9

Kɛkɛ ni Mose ŋma mla lɛ ewo wolo mli, ni ekɛhã osɔfoi lɛ, ni ji Levi shwiei, mɛi ni tereɔ Yehowa Kpãŋmɔ Adeka lɛ, kɛ Israelbii lɛ amaŋ onukpai lɛ fɛɛ.

Yoshua 3:3

ni amɛwo maŋbii lɛ shi amɛkɛɛ, “Kɛji nyɛna osɔfoi lɛ, ni ji Levibii lɛ, tere Yehowa, nyɛNyɔŋmɔ lɛ, Kpãŋmɔ Adeka lɛ kɛho pɛ, nyɛ hu nyɛfãa kɛjɛa hei ni nyɛyɔɔ lɛ koni nyɛnyiɛa sɛɛ, bɔ ni afee ni nyɛna he ni gbɛ lɛ kã, ejaakɛ nyɛtsɔ̃ko gbɛ nɛɛ nɔ dã.

Yoshua 6:6

Yoshua, Nun bi lɛ, tsɛ osɔfoi lɛ, ni ekɛɛ amɛ akɛ, “Nyɛwoa Kpãŋmɔ Adeka lɛ, ni nyɛhãa osɔfoi kpawo ahiɛa ojwɛni akloŋto bɛji kɛnyiɛa Yehowa Kpãŋmɔ Adeka lɛ hiɛ.”