1 Kronika 15:16 - ŊMALƐ KRƆŊKRƆŊ LƐ

¹⁶ David fã Levibii lɛ anukpai lɛ akɛ amɛhala amɛnyɛmimɛi lɛ ateŋ jooshwɛlɔi lɛ ateŋ mɛi komɛi koni amɛla, kɛ mɛi komɛi hu koni amɛkɛ obentai kɛ saŋkui kɛ ŋmɛji ashwɛ joo kɛwo nifeemɔ lɛ he sɔlɛ.

Ṅmãle̱ Kroṅkroṅ Le̱

¹⁶ Ni David kē̱ Levibii le̱ alumei le̱ ake̱ ame̱hã ame̱nyemimei ní dši lalatše̱mei le̱ ahĩe ame̱lamo̱ nibii, ní dši be̱dši ke̱ saṅkũi ke̱ ṅme̱dši ní gbē̱o̱ le̱ ke̱-damo̱ ši, koni ame̱wó ame̱gbẽ no̱ ke̱ nyã́mo̱.

1 Kronika 15:16 ပူးပေါင်းရင်းမြစ်များ

1 Kronika 13:8

Ni David kɛ Israel muu fɛɛ nya kɛ amɛnyɛmɔ fɛɛ kɛ lalai kɛ saŋkui kɛ bɛji kɛ miji kɛ ŋmɛji kɛ tɛtɛrɛmantɛrɛi amɛkɛwo Nyɔŋmɔ hiɛ nyam.

1 Kronika 15:12

ni ekɛɛ amɛ akɛ, “Nyɛ nyɛ ji Levibii lɛ atsɛmɛi lɛ ashĩai lɛ amli onukpai, no hewɔ lɛ, nyɛ kɛ nyɛnyɛmimɛi Levibii lɛ fɛɛ, nyɛtsuua nyɛhe nyɛfea nyɛhe krɔŋkrɔŋ koni nyɛyawo Yehowa, Israel Nyɔŋmɔ lɛ, Kpãŋmɔ Adeka lɛ kɛba he ni misaa mito lɛ lɛ.

1 Kronika 16:42

Heman kɛ Yedutun ji mɛi ni kwɛɔ tɛtɛrɛmantɛrɛi kɛ ŋmɛji kɛ amɛgbee ŋlɛ̃ŋlɛ̃ lɛ kɛ jooshwɛmɔ nibii krokomɛi fɛɛ ni akɛshwɛɔ joo kɛji aala yijiemɔ lala krɔŋkrɔŋ lɛ. Ni Yedutun bii lɛ ji mɛi ni afee amɛ agbonaabulɔi.

1 Kronika 16:5

Asaf ji gbɔmɛi nɛɛ anukpa, ni esɛɛmɔ ji Zakaria. Yehiel kɛ Shemiramot kɛ Yehiel kɛ Matitia kɛ Eliab kɛ Benaia kɛ Obed-Edom kɛ Yehiel baatswa saŋkui kɛ obentai lɛ, ni Asaf baatswa ŋmɛlɛ kɛ egbee ŋlɛ̃ŋlɛ̃ lɛ.

1 Kronika 23:5

Eto mɛi akpei ejwɛ akɛ agbonaabulɔi, ni eto mɛi akpei ejwɛ hu akɛ amɛ jie Yehowa yi kɛ jooshwɛmɔ nibii ni esaa eto koni akɛjie Yehowa yi lɛ.

1 Kronika 6:16

Levi fɔ bihii etɛ̃: Gershon kɛ Kohat kɛ Merari.

2 Kronika 20:19

Ni Levibii ni jɛ Kohat shwiei lɛ kɛ Kora shwiei lɛ hu ateŋ lɛ ho amɛdamɔ shi, ni amɛla kɛ gbee ni wa kɛkafo Yehowa, Israel Nyɔŋmɔ lɛ.

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

2 Kronika 5:12

asaŋ Levibii lalatsɛmɛi, ni ji Asaf kɛ Heman kɛ Yedutun kɛ amɛshishibii lɛ kɛ amɛwekumɛi lɛ ewula kɛ klala atadei fɛɛfɛji, ni amɛhiɛhiɛ ŋmɛji kɛ bɛji kɛ saŋkui kɛdamɔ afɔleshãa latɛ lɛ bokãgbɛ. Osɔfoi oha kɛ nyɔŋmai enyɔ ni ji tɛtɛrɛmantɛrɛkpãlɔi fata lalɔi lɛ ahe.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

2 Kronika 7:6

Osɔfoi lɛ damɔ amɛgbɛhe ni ato ahã amɛ lɛ, ni Levibii lɛ damɔ shi amɛmiikwɛ osɔfoi lɛ ahiɛ, ni amɛmiikpã bɛji ni Maŋtsɛ David kɛwo jamɔ lɛ mli koni akɛjie Yehowa yi lɛ akɛ, “Yehowa, esuɔmɔ sɛɛ efooo kɛmiiya naanɔ” lɛ. Nakai be mli lɛ Israel muu lɛ fɛɛ eho edamɔ shi.

Nehemia 12:27

Be ni abaajɔɔ Yerusalɛm gbogbo lɛ nɔ afee lɛ krɔŋkrɔŋ lɛ, ayatao Levibii yɛ hei ni amɛyɔɔ lɛ fɛɛ, ni akɛ amɛ ba Yerusalɛm koni amɛbaye hetsuumɔ gbijurɔ lɛ kɛ nyamɔ kɛ shidaa lalai kɛ ŋoŋoi kɛ kpãa saŋkui.

Nehemia 12:36

Ewekumɛi ji Shemaia kɛ Azarel Malalai kɛ Gilalai kɛ Maai kɛ Netanel kɛ Yuda kɛ Hanani. Amɛ hu amɛnyiɛ sɛɛ, ni amɛhiɛ Nyɔŋmɔ gbɔmɔ David nibii ni akɛtswaa lalai aloo akɛkpãa lalai lɛ. Ezra, woloŋmalɔ kpanaa lɛ nyiɛ ku nɛɛ hiɛ.

Nehemia 12:43

Nakai gbi lɛ amɛshã shãa afɔlei babaoo, ni amɛnyã, ejaakɛ Nyɔŋmɔ ehã amɛmii eshɛ amɛhe waa naakpa. Yei kɛ gbekɛbii lɛ hu nyãnyãa waa bɔ ni anu nyamɔ ni anyãa yɛ Yerusalɛm lɛ he yɛ shɔŋŋ tete.

Nehemia 12:46

Ejaakɛ Maŋtsɛ David kɛ Lalatsɛ Asaf yinɔ beebe ato lalɔi lɛ ahiɛnyiɛlɔ; ni amɛla yijiemɔ kɛ shidaa lalai amɛhã Nyɔŋmɔ.

Lalai 100:1

Shikpɔŋ lɛ fɛɛ, nyɛbɔa oshe nyɛhãa Yehowa!

Lalai 149:3

Hã amɛkɛ joo ajie egbɛi lɛ yi, ni amɛkɛ miji kɛ saŋku ala amɛkɛjie eyi.

Lalai 150:5

Nyɛjiea eyi kɛ ŋoŋo ni naa wa; nyɛjiea eyi kɛ ŋoŋoi ni jijeɔ!

Lalai 81:1

Nyɛlaa waa nyɛhãa Nyɔŋmɔ mɔ ni ji wɔhewalɛ lɛ; nyɛbɔa oshe kɛ nyamɔ nyɛhãa Yakob Nyɔŋmɔ lɛ!

Lalai 81:3

Nyɛkpãa tɛtɛrɛmantɛrɛ yɛ wɔgbijurɔyeli gbi lɛ nɔ, be ni nyɔŋ hee eje, kɛ be hu ni nyɔŋ lɛ eye emuu,

Lalai 87:7

Mɛi ni laa kɛ mɛi ni joɔ fɛɛ aaakɛɛ akɛ: “Wɔjɔmɔi fɛɛ kwa jɛɔ Zion.”

Lalai 95:1

Oo nyɛbaa, nyɛhãa wɔlaa wɔhãa Yehowa! Nyɛhãa wɔbɔa oshe wɔhãa wɔYiwalaheremɔ Tɛsaa lɛ!

2 Mose 15:20

Kɛkɛ ni gbalɔyoo Miriam, Aaron nyɛmiyoo lɛ, kɔ fao ehiɛ edɛ̃, ni yei lɛ fɛɛ kɔlɔ fabii kɛnyiɛ esɛɛ, ni amɛsha ni amɛjo.

Yesaia 49:23

Maŋtsɛmɛi aaatsɔmɔ tamɔ tsɛmɛi aha nyɛ, ni maŋnyɛmɛi aaatsɔmɔ tamɔ yei fufɔhalɔi ahã nyɛ. Amɛkɛ amɛhiɛ aaabumɔ shi, amɛaakoto nyɛ, ni amɛaalɛmɔ nyɛnaji ahe mlu. Kɛkɛ lɛ nyɛaana nyɛle akɛ mi ji Yehowa. Mɛi ni hiɛ kã minɔ lɛ, amɛhiɛ gboiŋ.”

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”

Amos 6:5

Mɛi ni kɛ saŋku laa yakayaka lalai, ni amɛsɔ̃ɔ saŋkui tamɔ David nɔ lɛ amɛhãa amɛhe.

Bɔfoi 14:23

Ni amɛfãmɔ onukpai amɛto asafo fɛɛ asafo nɔ, ni amɛkɛ sɔlemɔ kɛ ŋmaahilɛ tu amɛ amɛwo Nuŋtsɔ, mɔ nɔ ni amɛhe amɛye lɛ dɛŋ.

2 Timoteo 2:2

Ni nii ni onu yɛ minaa yɛ odasefoi pii ahiɛ lɛ, tuu owo gbɔmɛi anɔkwafoi adɛŋ, mɛi ni aaanyɛ atsɔ̃ɔ mɛi krokomɛi hu lɛ.

Tito 1:5

Enɛ hewɔ mishi bo yɛ Kreta, koni oto nii ni eshwɛ lɛ gbɛjianɔ pɛpɛɛpɛ, ni owowoo onukpai yɛ maŋ fɛɛ maŋ mli, tamɔ bɔ ni mikɛɛ bo momo lɛ.