1 Kronika 13:8 - ŊMALƐ KRƆŊKRƆŊ LƐ

⁸ Ni David kɛ Israel muu fɛɛ nya kɛ amɛnyɛmɔ fɛɛ kɛ lalai kɛ saŋkui kɛ bɛji kɛ miji kɛ ŋmɛji kɛ tɛtɛrɛmantɛrɛi amɛkɛwo Nyɔŋmɔ hiɛ nyam.

Ṅmãle̱ Kroṅkroṅ Le̱

⁸ Ni David ke̱ Israel mū le̱ fẽ ſe̱ ye̱ Nyoṅme̱ hĩe ke̱ ame̱hewale̱ fẽ ke̱ lalai ke̱ saṅkũi ke̱ be̱dši ke̱ mĩdši ke̱ ṅme̱dši ke̱ te̱tre̱mantre̱i.

1 Kronika 13:8 ပူးပေါင်းရင်းမြစ်များ

2 Maŋtsɛmɛi 3:15

Shi agbɛnɛ nyɛyaŋɔa saŋkutswalɔ ko nyɛbahãa mi”. Agbɛnɛ be ni saŋkutswalɔ lɛ tswaa esaŋku lɛ, Yehowa hewalɛ bayi Elisha nɔ;

1 Kronika 15:28

Israel muu fɛɛ wo Yehowa Kpãŋmɔ Adeka lɛ kɛba Yerusalɛm be mli ni aabɔ oshe hoo ni aakpã koŋ bɛji kɛ tɛtɛrɛmantɛrɛ, ni aatswia ŋmɛji kɛ saŋkui hu waa diɛŋtsɛ lɛ.

1 Kronika 16:42

Heman kɛ Yedutun ji mɛi ni kwɛɔ tɛtɛrɛmantɛrɛi kɛ ŋmɛji kɛ amɛgbee ŋlɛ̃ŋlɛ̃ lɛ kɛ jooshwɛmɔ nibii krokomɛi fɛɛ ni akɛshwɛɔ joo kɛji aala yijiemɔ lala krɔŋkrɔŋ lɛ. Ni Yedutun bii lɛ ji mɛi ni afee amɛ agbonaabulɔi.

1 Kronika 16:5

Asaf ji gbɔmɛi nɛɛ anukpa, ni esɛɛmɔ ji Zakaria. Yehiel kɛ Shemiramot kɛ Yehiel kɛ Matitia kɛ Eliab kɛ Benaia kɛ Obed-Edom kɛ Yehiel baatswa saŋkui kɛ obentai lɛ, ni Asaf baatswa ŋmɛlɛ kɛ egbee ŋlɛ̃ŋlɛ̃ lɛ.

1 Kronika 23:5

Eto mɛi akpei ejwɛ akɛ agbonaabulɔi, ni eto mɛi akpei ejwɛ hu akɛ amɛ jie Yehowa yi kɛ jooshwɛmɔ nibii ni esaa eto koni akɛjie Yehowa yi lɛ.

2 Kronika 20:28

Be ni amɛshɛ Yerusalɛm lɛ, amɛtee Yehowa Sɔlemɔ we lɛ kɛ bɛji kɛ saŋkui kɛ tɛtɛrɛmantɛrɛi.

2 Kronika 5:12

asaŋ Levibii lalatsɛmɛi, ni ji Asaf kɛ Heman kɛ Yedutun kɛ amɛshishibii lɛ kɛ amɛwekumɛi lɛ ewula kɛ klala atadei fɛɛfɛji, ni amɛhiɛhiɛ ŋmɛji kɛ bɛji kɛ saŋkui kɛdamɔ afɔleshãa latɛ lɛ bokãgbɛ. Osɔfoi oha kɛ nyɔŋmai enyɔ ni ji tɛtɛrɛmantɛrɛkpãlɔi fata lalɔi lɛ ahe.

Lalai 47:5

Nyɔŋmɔ etee ŋwɛi kɛ oshebɔɔ. Yehowa kɛ tɛtɛrɛmantɛrɛ jijemɔ etee ŋwɛi.

Lalai 92:3

kɛ kpãa saŋku kɛ obenta.

Amos 5:23

Nyɛkɛ nyɛlalai lɛ ajea minɔ; mitaooo nyɛsaŋkui lɛ agbɛɛmɔ hu toi mabo.

Amos 6:5

Mɛi ni kɛ saŋku laa yakayaka lalai, ni amɛsɔ̃ɔ saŋkui tamɔ David nɔ lɛ amɛhãa amɛhe.

1 Samuel 10:5

No sɛɛ lɛ, obaaya oyashɛ Nyɔŋmɔ Gɔŋ lɛ nɔ yɛ Gibea he ni Filistibii asraafoi yɔɔ lɛ. Kɛji obɛŋkɛ maŋ lɛ, okɛ gbalɔi asafo ku baakpe ni amɛjɛ afɔleshãa latɛ lɛ he yɛ gɔŋ lɛ nɔ amɛmiikpeleke shi, ni akɛ obenta kɛ milɛ kɛ blɛ kɛ saŋku nyiɛ amɛhiɛ, ni asaŋ amɛmiigba.