1 Kronika 13:6 - ŊMALƐ KRƆŊKRƆŊ LƐ

⁶ Kɛkɛ ni David kɛ Israel muu lɛ fɛɛ yiŋ kɛtee Baala maŋ lɛ mli ni ji Kiriat-Yearim yɛ Yuda shikpɔŋ lɛ nɔ, koni amɛyawo Nyɔŋmɔ Kpãŋmɔ Adeka lɛ ni akɛ Yehowa, mɔ ni elumɔyeli sɛ̃i lɛ ma kerubim lɛ anɔ lɛ, gbɛi ewo lɛ lɛ yɛ jɛi kɛba.

Ṅmãle̱ Kroṅkroṅ Le̱

⁶ Ni David ke̱ Israel mū le̱ fẽ yiṅ ke̱-te *Baal ni dši Kiriat-Iearim ni yo̱ Iuda le̱, koni ame̱yawó Nyoṅmo̱ Iehowa ní hĩo̱ kerubim le̱ ateṅ le̱ adeka ní atšé̱o̱ egbe̱i ye̱ no̱ le̱ ke̱-dše̱ dše̱i ke̱-ba. *Ios. 15,9.

1 Kronika 13:6 ပူးပေါင်းရင်းမြစ်များ

1 Maŋtsɛmɛi 8:16

Nɔ ni ekɛɛ akɛ, ‘Kɛjɛ gbi nɔ ni miyajie mimaŋ Israel kɛjɛ Ijipt kɛba nɛɛ, mihalako maŋ ko maŋ ko yɛ Israel akutsei lɛ fɛɛ ateŋ ni emã tsu koni aja mi yɛ mli. Shi mikɔ bo David pɛ koni oye mimaŋ Israel nɔ.’

2 Maŋtsɛmɛi 19:15

Ni Hezekia yasɔle ekpa Yehowa fai akɛ, “Ao, Yehowa Israel Nyɔŋmɔ, bo mɔ ni oyeɔ lumɔ yɛ kerubim lɛ anɔ, bo okome too ji Nyɔŋmɔ yɛ shikpɔŋ lɛ nɔ maŋtsɛmɛi lɛ fɛɛ nɔ. Bo obɔ ŋwɛi kɛ shikpɔŋ.

Lalai 80:1

Oo Israel Kpalalɔ, bo toi! Bo ni okpala Yosef tamɔ tooku, Bo ni ota kerubim anɔ, baajie ohe shi faŋŋ otsɔ̃ɔ.

Lalai 99:1

Yehowa miiye maŋtsɛ; maji lɛ ahe akpokpo! Eta maŋtsɛ sɛi nɔ yɛ kerubim anɔ. Shikpɔŋ lɛ ahoso!

2 Mose 20:24

Nyɛshɔ̃a su afɔleshãa latɛ nyɛhãa mi, ni no nɔ nyɛshãa afɔlei yɛ, shãa afɔlei kɛ shidaa afɔlei kɛ gwantɛŋi kɛ tsinai lɛ yɛ. He fɛɛ he ni mato mahã nyɛ akɛ aja mi yɛ lɛ, maba nyɛŋɔɔ yɛ jɛi ni majɔɔ nyɛ.

2 Mose 23:21

Nyɛkwɛa ni ahia yɛ egbɛfaŋ, ni nyɛyea ewiemɔ nɔ. Nyɛkatsea ehiɛ atua; ekɛ ewiemɔ lɛ nɔtɔmɔ ekeŋ nyɛ, ejaakɛ ehiɛ mihewalɛ.

2 Mose 25:22

Gbɛ ni kã kerubim enyɔ lɛ ateŋ yɛ Kpãŋmɔ Adeka lɛ naanɔ lɛ nɔ lɛ baatsɔ̃ mi kɛ bo kpeehe, ni jɛi majɛ mi kɛ bo aaawie nibii fɛɛ ni mifã bo akɛ okɛɛ Israelbii lɛ.

Yesaia 37:16

“Ao Yehowa, Taiatsɛ, Israel Nyɔŋmɔ ni omaŋtsɛ sɛi lɛ ma kerubim anɔ, bo ji Nyɔŋmɔ hã maŋtsɛyelii fɛɛ, bo okoome pɛ obɔ ŋwɛi kɛ shikpɔŋ.

4 Mose 6:27

“Kɛji amɛtsɛ migbɛi nɛkɛ amɛkɛjɔɔ Israelbii lɛ, mibajɔɔ maŋbii lɛ.”

4 Mose 7:89

Be ni Mose bote Kpee Buu lɛ mli koni ekɛ Yehowa ayawie lɛ, enu Yehowa gbee ni ekɛ lɛ, Mose lɛ, miiwie kɛjɛ Kpãŋmɔ Adeka lɛ naanɔ lɛ nɔ gbɛ yɛ kerubim enyɔ lɛ ateŋ.

Yoshua 15:60

Maji komɛi hu ji Kiriat-Baal, ni ji Kiriat-Yearim kɛ Raba: maji enyɔ kɛ amɛhe akrowai.

Yoshua 15:9

Agbɛnɛ husu lɛ kã shi kɛjɛ gɔŋ lɛ yiteŋ kɛtee Neftoa Nuhiŋmɛii lɛ ahe. Kɛjɛ jɛi lɛ etse mli kɛtsɔ̃ Efrom Gɔŋ lɛ nɔ maji lɛ ahe, ni edɔ eyi kɛtee Baala, ni ji Kiriat-Yearim.

Yoshua 9:17

No hewɔ lɛ, Israelbii lɛ fã nyiɛmɔ, ni gbi ni ji etɛ̃ lɛ nɔ lɛ amɛyanina amɛmaji lɛ ni ji Gibeon kɛ Kefira kɛ Beerot kɛ Kiriat Yearim.

1 Samuel 4:4

No hewɔ lɛ, atsu atee Shilo, ni ayawo Yehowa Kpãŋmɔ Adeka lɛ kɛ enɔ kerubim lɛ, ni ji Yehowa sɛ̃i lɛ, kɛba. Hofni kɛ Finehas, ni ji Eli bihii enyɔ lɛ, fata he ni akɛ Nyɔŋmɔ Kpãŋmɔ Adeka lɛ ba lɛ.

1 Samuel 6:21

Kɛkɛ ni Bet-Shemeshbii lɛ tsu bɔfoi kɛtee Kiriat-Yearimbii lɛ aŋɔɔ, ni amɛyakɛɛ amɛ akɛ, “Naa, Filistibii lɛ ekpale Yehowa Kpãŋmɔ Adeka lɛ amɛkɛbahã wɔ. Nyɛbaŋɔa kɛyaa.”