1 Kronika 12:8 - ŊMALƐ KRƆŊKRƆŊ LƐ

⁸ Gadbii lɛ ateŋ hii tabilɔi kãkãlɔi komɛi tse amɛhe kɛtee amɛyafata mɛi ni nyiɛ David sɛɛ lɛ tabilɔi lɛ ahe be mli ni David yɔɔ shiaŋa lɛ nɔ mɔɔ lɛ mli lɛ. Hii nɛɛ ahe esa kɛ tsɛŋ kɛ akplɔ kɛ nɔmɔ, ni amɛhiɛ yɛ kramakrama tamɔ jata hiɛ, ni amɛhe yɛ oya tamɔ gɔji anɔ soŋai.

Ṅmãle̱ Kroṅkroṅ Le̱

⁸ Ni Gadbii le̱ ateṅ mei ni tše amehe ke̱-ba David ṅõ ye̱ te̱kplo ní yo̱ ṅã le̱ no̱ le̱ṅ, ní dši hĩĩ kãkãlo̱i ní le tawũ ní le tše̱ṅ ke̱ akplo̱ hĩemo̱, ni ame̱hĩe tamo̱ dšatai ahĩe, ní amehe ye̱ *oyá tamo̱ soṅăi ní yo̱ gõdši ano̱ le̱ ne̱: *2 Sam. 2,18.

1 Kronika 12:8 ပူးပေါင်းရင်းမြစ်များ

2 Samuel 1:23

“Asumɔ Saul kɛ Yonatan amɛwala be mli, ni amɛhe yɛ fɛo. Amɛgbele mli tete, amɛmli gbalaaa; amɛhe yɛ oya fe okropɔŋ po, ni amɛhe wa hu fe jata.

2 Samuel 17:10

Kɛ eba lɛ nakai lɛ mɔ po ni eji kãkãlɔ, ni etsui wa tamɔ jata tsui lɛ, etsui baafã, ni ehe baajɔ, ejaakɛ Israel fɛɛ le akɛ otsɛ lɛ nuu kakabãa ji lɛ, ni hii ni fata ehe lɛ hu kãkãlɔi ni.

2 Samuel 2:18

Zeruia bihii etɛ̃, Yoab kɛ Abishai kɛ Asahel, yɛ ta lɛ naa gbi lɛ. Ni Asahel, amɛteŋ mɔ ni joɔ foi tamɔ ŋa nɔ soŋai lɛ,

2 Samuel 23:20

Benaia, Yehoiada bi lɛ, ni jɛ Kabzeel lɛ, lɛ hu hii kakabãi lɛ eko ni; ni efee ekãa naa nibii srɔtoi wuji babaoo. Eko ji akɛ egbe Moabbii tabilɔi enyɔ komɛi. Be ko hu lɛ ekpeleke shi kɛtee, ni eyagbe jata yɛ bu ko mli yɛ snoo be mli.

1 Kronika 11:16

ni amɛfã ko eŋɔ Betlehem, ni amɛyɛ jɛi; David hu yɛ tɛkplo lɛ mli.

1 Kronika 11:22

Benaia, Yehoiada bi lɛ, ni jɛ Kabzeel lɛ, hu hii kãkãlɔi lɛ eko ni; ni efee ekãa naa nibii wuji srɔtoi babaoo. Eko ji akɛ egbe Moabbii tabilɔi kpanakpanai enyɔ komɛi be ko. Be ko hu lɛ ekpeleke shi kɛtee ni eyagbe jata yɛ bu ko mli yɛ snoo be mli.

1 Kronika 12:16

Asaŋ Benyaminbii kɛ Yudabii lɛ ateŋ mɛi krokomɛi hu ba David ŋɔɔ yɛ mɔɔ lɛ mli he ni eyɔɔ lɛ.

1 Kronika 12:7

kɛ Yoela kɛ Zebadia, Yeroham ni jɛ Gedor lɛ bii lɛ.

1 Kronika 12:9

Amɛnukpa ni kɛ amɛba ji Ezer; esɛɛmɔ ji Obadia; ni mɔ ni ji etɛ̃ lɛ ji Eliab.

2 Kronika 25:5

Maŋtsɛ Amazia bua Yuda akutsei lɛ kɛ Benyamin hu akutsei lɛ amli hii lɛ fɛɛ anaa kuikui yɛ amɛtsɛmɛi awei lɛ anaa. Kɛkɛ ni eto asafoiatsɛmɛi ehã hii oha akui lɛ kɛ hii akpei akui lɛ hu. Hii ni eye afii nyɔŋmai enyɔ kɛ esɛɛ sɔŋŋ ni yɔɔ kui lɛ amli; ni be ni akpa amɛnaa lɛ ana hii akpei ohai etɛ̃, ni ji mɛi ni aje gbɛ atsɔse ahã tawuu, ni asaŋ amɛhe esa jogbaŋŋ yɛ akplɔ kɛ tsɛŋ kɛ nɔmɔ mli.

Abe̱i 28:1

Mɛi fɔ̃ji joɔ foi be mli ni mɔ ko enyiɛɛɛ amɛsɛɛ, shi jalɔi lɛ amɛfeɔ ekãa tamɔ jata.

Abe̱i 6:5

Jiemɔ ohe kɛjɛ edɛŋ tamɔ soŋai jieɔ ehe yɛ gbɔbilɔ dɛŋ, aloo tamɔ loofɔlɔ jieɔ ehe yɛ loofɔlɔdulɔ dɛŋ lɛ.

Salomo Lalai 8:14

Ohe afee oya, misuɔlɔ, ofoi awa tamɔ soŋai, tamɔ ofrote oblanyo yɛ tsofakɛŋma gɔji lɛ anɔ.

Yeremia 46:9

Okpɔŋɔi, nyɛfãa kɛyaa, Ta shwiilii, nyɛwoa foi kɛyaa! Nyɛhãa kãkãlɔi lɛ afã; Etiopiabii kɛ Libiabii ni hiɛɔ tsɛŋi, kɛ Ludiabii ni le gãitsɛ̃mɔ, nyɛfãa.”

1 Samuel 23:14

Sane nɛɛ sɛɛ lɛ David yabɔ ehe agwaa yɛ ŋa lɛ nɔ tɛkploi lɛ amli yɛ Zif Ŋa lɛ nɔ gɔji lɛ anɔ. Gbi fɛɛ gbi lɛ Saul miitao David, shi Nyɔŋmɔ hãaa enine ashɛ David nɔ.

1 Samuel 23:29

Kɛkɛ ni David shi Maon, ni etee eyahi En-Gedi tɛkploi lɛ amli.

1 Samuel 24:22

David kã Saul kitã ni ebi lɛ lɛ, kɛkɛ ni Saul yiŋ etee ewe; shi David kɛ esɛɛbii lɛ ku amɛsɛɛ kɛtee tɛkplo lɛ mli.