1 Kronika 12:18 - ŊMALƐ KRƆŊKRƆŊ LƐ

¹⁸ Kɛkɛ ni Nyɔŋmɔ Mumɔ lɛ ba mɛi ni ba lɛ ateŋ mɔ kome nɔ. Egbɛi ji Amasai, mɔ ni fee sɛɛ ni etsɔ̃ hii Kakabãi Nyɔŋmai etɛ̃ lɛ asafoiatsɛnukpa lɛ. Ekɛɛ akɛ, “Bo onii ji wɔ, David, ni ogbɛfaŋ wɔyɔɔ, Yeshai bi. Omanye! Hɛɛ, omanye aaabla bo; ni obualɔi lɛ anɔ̃ ji omanye: Ejaakɛ oNyɔŋmɔ lɛ yeɔ ebuaa bo!” David here amɛ atuu, ni ewo amɛ asafoiatsɛmɛi yɛ etabilɔi lɛ anɔ.

Ṅmãle̱ Kroṅkroṅ Le̱

¹⁸ Ke̱ke̱ ni mumo̱ le̱ yi Amasai, mei nyoṅmai-etẽ le̱ no̱ asafoiatše̱ le̱ no̱, ni ekē̱: Onii dšiwo̱, David, ni ogbe̱fãṅ wo̱yo̱, Išai bi! tſa omanye aba, onõ dši omanye; obualo̱i le̱ anõ dši omanye; edšake̱ o-Nyoṅmo̱ le̱ yeo̱ buaäo! Ke̱ke̱ ni David here-ame̱, ni ewoame̱ asafo le̱ no̱ asafoiatše̱mei.

1 Kronika 12:18 ပူးပေါင်းရင်းမြစ်များ

2 Samuel 15:21

Shi Itai here Maŋtsɛ David nɔ, ni ekɛɛ, “Mina Yehowa, ni mina minuŋtsɔ maŋtsɛ nane hu akɛ he fɛɛ he ni oyaa lɛ, gbele mli jio, wala mli jio, mi kɛ bo aaatee.”

2 Samuel 17:25

Agbɛnɛ Absalom efee Amasa etatsɛ yɛ Yoab najiaŋ. Amasa nɛɛ Ishmaelnyo ko ni atsɛɔ lɛ Yeter lɛ kɛ Yoabnyo Zeruia nyɛmi yoo Nahash biyoo Abigail fɔ lɛ.

2 Samuel 19:13

Asaŋ David shɛ amɛ koni amɛyakɛɛ Amasa akɛ, “Miwekunyo ji bo, kɛji mitooo bo mitatsɛ yɛ Yoab najiaŋ lɛ, Nyɔŋmɔ awo mi nyɔmɔ.”

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

1 Maŋtsɛmɛi 9:22

Shi Israelbii lɛ Solomon eŋɔɔɔ amɛteŋ mɔ ko mɔ ko efeee enyɔŋ, ejaakɛ amɛ amɛ ji esraafoi kɛ elumɛi kɛ esafoiatsɛmɛi kɛ eshwiiliiatsɛmɛi kɛ ekpɔŋɔianɔtralɔi.

2 Maŋtsɛmɛi 10:15

Ni be ni eje jɛi eŋɔ shwie nɔ lɛ, ena Yehonadab, Rekab bi lɛ, ni eeba ni ekɛ lɛ abakpe. Yehu ŋa lɛ, ni ekɛɛ lɛ akɛ, “Ani otsui mli tse hã mi tamɔ bɔ ni mitsui mli tse hã bo lɛ?” Ni Yohanadab hã lɛ hetoo akɛ, “Hɛɛ, nakai ni.” Yehu kɛɛ akɛ, “Kɛji nakai ni lɛ, no lɛ taa midɛ̃.” Kɛkɛ ni eta edɛ̃; kɛkɛ ni Yehu hã ekwɔ shwiili lɛ kɛba eŋɔɔ.

2 Maŋtsɛmɛi 10:5

No hewɔ lɛ, mɔ ni kwɛɔ maŋtsɛ we lɛ kɛ mɔ ni kwɛɔ maŋ lɛ kɛ bii lɛ atsɔselɔi lɛ hu tsu Yehu ŋɔɔ akɛ, “Otsuji ji wɔ, ni nɔ fɛɛ nɔ ni oookɛɛ wɔ lɛ wɔɔfee. Wɔwooo mɔ ko mɔ ko maŋtsɛ. Nɔ fɛɛ nɔ ni hi yɛ ohiɛ lɛ, feemɔ kɛkɛ.”

2 Maŋtsɛmɛi 9:32

Yehu wo ehiɛ nɔ ekwɛ samflɛ lɛ naa, ni ekɛɛ, “Namɔ yɔɔ migbɛfaŋ?” Namɔ? Ni piafoi enyɔ loo piafoi etɛ̃ ko gbo amɛyi naa shi amɛkwɛ lɛ.

1 Kronika 11:11

Klɛŋklɛŋ mɔ lɛ ji Yashobeam, Hakemonnyo lɛ, mɔ hu ni ji hii kãkãlɔi etɛ̃ fe fɛɛ lɛ ateŋ onukpa lɛ. Ewo ekpɔlɔ nɔ lɛ, ekɛgbe mɛi ohai kpaanyɔ yɛ ta kome mli.

1 Kronika 12:17

Ni David je kpo kɛba, ni ekɛɛ amɛ akɛ, “Kɛji hejɔlɛ nyiɛmɔ nyɛnyiɛ kɛba koni nyɛbaye nyɛbua mi lɛ, no lɛ miyɛ he tsui akɛ mi kɛ nyɛ aaafee ekome. Shi kɛji nyɛba koni nyɛbatsɔ̃ɔ mihenyɛlɔi lɛ misɛɛgbɛ lɛ, akɛni miyeko mɔ ko sane fɔŋ ko lɛ, wɔtsɛmɛi aNyɔŋmɔ lɛ aaaye misane lɛ eha mi.”

1 Kronika 2:17

Ebiyoo Abigail kɛ Yeter, Ishmaelnyo, lɛ hi shi ni ekɛ lɛ fɔ Amasa.

Yesaia 59:17

Jalɛ aaatsɔ dama ni eeewo, ni yiwalaheremɔ aaatsɔ dade fai ni eeebu, ni oweletɔɔ aaatsɔ bo ni eeeha, ni hiɛdɔɔ ni naa wa ekɛaafee emama.

Zakaria 8:23

Bɔ ni Yehowa, Taiatsɛ lɛ kɛɛ ekoŋŋ nɛ, “Nakai be lɛ mli lɛ mɛi nyɔŋma ni jɛ majimaji ni wieɔ wiemɔi srɔtoi anɔ baamɔ Yudanyo kome atade mli, ni amɛaakɛɛ lɛ akɛ, ‘Ha wɔkɛ bo aya, ejaakɛ wɔnu akɛ Nyɔŋmɔ kɛ nyɛ yɛ.’ ”

Mateo 12:30

Mɔ ni bɛ migbɛfaŋ lɛ, shi ete ewo mi; ni mɔ ni kɛ mi buaaa naa lɛ, gbɛ egbɛɔ eshwãa.

Galatabii 6:16

Ni mɛi abɔ ni aaanyiɛ yɛ nɛkɛ jeŋba he mla nɛɛ naa lɛ, hejɔlɛ kɛ mɔbɔnalɛ aba amɛ kɛ “Nyɔŋmɔ Israel” lɛ nɔ.

Kojolɔi 13:25

Yehowa Mumɔ bɔ̃i Samson nɔ baa be ni eyɔɔ Dan Shitoohe lɛ, yɛ Zora kɛ Eshtaol teŋ lɛ.

Kojolɔi 3:10

Yehowa Mumɔ lɛ bayi Otniel nɔ, ni etsɔ̃ Israelbii lɛ ahiɛnyiɛlɔ. Efã ta, ni Yehowa hã enine tsɔ̃ Mesopotamia maŋtsɛ Kushan Rishataim lɛ nɔ ni eye enɔ kunim.

Kojolɔi 6:34

Shi Yehowa Mumɔ lɛ bayi Gideon nɔ. Gideon kpã tɛtɛrɛmantɛrɛ ekɛtsɛ Abiezerbii lɛ koni amɛbanyiɛ esɛɛ.

Rut Wolo Lɛ 1:16

Shi Rut to he akɛ, “Kaahiɛ mi doo akɛ mishi bo, ni miku misɛɛ ni mifɔ̃ɔ osɛɛnyiɛmɔ! Shi he fɛɛ he ni oyaa lɛ matee, ni he ni oooyahi lɛ jɛi mahi. Omaŋ aaatsɔ̃ mimaŋ, ni oNyɔŋmɔ aaatsɔ mi hu miNyɔŋmɔ.

1 Samuel 16:4

Samuel fee nɔ ni Yehowa kɛɛ lɛ lɛ. Be ni eshɛ Betlehem lɛ, maŋ lɛ mli onukpai lɛ kɛ Samuel bakpe kɛ hekpokpomɔ, ni amɛbi lɛ akɛ, “Hejɔlɛ baa oba nɛɛ lo?”

1 Samuel 16:5

Samuel jie naa ekɛɛ akɛ, “Hejɔlɛ baa miba! Miba mibashã afɔle mahã Yehowa. Nyɛtsuua nyɛhe, ni nyɛ kɛ mi ayaa afɔle lɛ shãa.” Etsuu Yeshai kɛ ebihii lɛ ahe, ni ekpee amɛ kɛtee afɔleshãahe lɛ.

1 Samuel 22:7

Kɛkɛ ni abakɛɛ lɛ akɛ ayana he ni David kɛ esɛɛbii lɛ yɔɔ lɛ. Kɛkɛ ni Saul kɛɛ etsuji ni damɔ ehe lɛ akɛ, “Nyɛmiibo toi, nyɛ Benyaminbii! Ani Yeshai bi lɛ baahã nyɛteŋ mɔ fɛɛ mɔ ŋmɔji kɛ waintromii hu; aloo eeewo nyɛ mɛi akpekpe akui kɛ mɛi ohaohai akui asafoiatsɛmɛi hu,

1 Samuel 24:12

Mikɛ misane lɛ fɛɛ ehã Yehowa koni eye ehã mi; ni lɛ nɔŋŋ ebaatɔ mihe owele yɛ onɔ; shi mi ni ji mi lɛ, mikɛ minine esaŋ ohe kɔkɔɔkɔ.

1 Samuel 24:13

Onukpai buɔ abɛ akɛ ‘Mɛi fɔ̃ji adɛŋ nɔ fɔŋ jɛɔ, shi mi lɛ minine esaŋ ohe.

1 Samuel 24:16

Be ni David kɛ Saul wie nɛkɛ egbe naa lɛ, Saul bi lɛ akɛ, “Bo nɔŋŋ ogbee minuɔ nɛɛ, mibi David?” Kɛkɛ ni Saul jwa yaafo,

1 Samuel 8:12

Ebaawo mɛi komɛi asafoiatsɛmɛi ehã mɛi akpekpei kui kɛ mɛi nyɔŋmai enumɔenumɔ kui ehã ehe. Ebaahã mɛi komɛi ahu eŋmɔji amɛhã lɛ, ni mɛi komɛi hu akpa eŋmɔshinii, ni mɛi komɛi atswia etawuunii kɛ eshwiilii ahe nii.