1 Kronika 11:6 - ŊMALƐ KRƆŊKRƆŊ LƐ

⁶ David kɛɛ etabilɔi lɛ akɛ, “Mɔ tsuutsu ni aaayatswia Yebusbii lɛ nii lɛ, eeetsɔ̃ asafoiatsɛnukpa kɛ lumɔ fɛɛ.” Kɛkɛ ni Yoab, ni atsɛɔ enyɛ akɛ Zeruia lɛ, tsuutsu fã kɛtee eyatua Yebusbii lɛ, ni no hewɔ lɛ, etsɔ̃ asafoiatsɛnukpa.

Ṅmãle̱ Kroṅkroṅ Le̱

⁶ Ni David kē̱: Mo tšutšu ní aayatſia Iebusbii le̱ anii le̱, eetšṍ asafoiatše̱nukpa ke̱ lumo̱! Ke̱ke̱ ni Ioab, Zeruia bi le̱, tšutšu fã ke̱-te, ni etšṍ asafoiatše̱nukpa.

1 Kronika 11:6 ပူးပေါင်းရင်းမြစ်များ

2 Samuel 2:13

Yoab, Zeruia bi lɛ, hu kɛ David tsuji lɛ fã, ni amɛkɛ Ishboshet tsuji lɛ yakpe yɛ Gibeon kpaakpo lɛ naa. Mɛnɛɛmɛi bua kpaakpo lɛ he afã kome nɛɛ, ni Mɛnɛɛmɛi hu bua kpaakpo lɛ he afã kome nɛɛ hu.

2 Samuel 2:18

Zeruia bihii etɛ̃, Yoab kɛ Abishai kɛ Asahel, yɛ ta lɛ naa gbi lɛ. Ni Asahel, amɛteŋ mɔ ni joɔ foi tamɔ ŋa nɔ soŋai lɛ,

2 Samuel 20:23

Agbɛnɛ Yoab ji Israel fɛɛ tatsɛnukpa, ni Benaia, Yehoiada bi lɛ, ji Keretifoi kɛ Peletifoi ni ji maŋtsɛ hebulɔi lɛ atsɛ.

2 Samuel 3:27

Be ni Abner ku esɛɛ ebashɛ Hebron lɛ, Yoab tsɛ lɛ kɛtee afãgbɛ yɛ maŋ koi lɛ shi akɛ ekɛ lɛ yaato ajina. Kɛkɛ ni Yoab du Abner musuŋ kakla ni enyɔ yɛ enajiaŋ, ni Yoab kɛtɔ enyɛminuu Asahel lá lɛ he owele.

2 Samuel 8:16

Yoab, ni atsɛɔ enyɛ akɛ Zeruia lɛ, ji David tatsɛnukpa fe fɛɛ; ni Yehoshafat, Ahilud bi lɛ, ji maŋtsɛ woloŋmalɔ;

1 Maŋtsɛmɛi 1:7

Adonia kɛ Yoab, Zeruia bi lɛ, kɛ Osɔfo Abiatar kpãŋ he. No hewɔ lɛ, Yoab kɛ Abiatar kpɛlɛ̃ nɔ akɛ amɛaaye amɛbua lɛ koni eye maŋtsɛ lɛ.

1 Kronika 11:5

Yebusbii lɛ tswa David mpoa akɛ, “Onyɛŋ biɛ oshɛ!” Shi David na eshɔ̃ Zion mɔɔ ni ji Yerusalɛm maŋ lɛ kɛ̃; ni fee sɛɛ lɛ maŋ lɛ gbɛi batsɔ David Maŋ.

1 Kronika 11:7

Ni akɛni Maŋtsɛ David etee eyahi Zion Mɔɔ lɛ mli hewɔ lɛ, mɔɔ lɛ gbɛi batsɔ David Maŋ.

1 Kronika 18:15

Yoab, ni atsɛɔ enyɛ Zeruia lɛ, ji etatsɛnukpa fe fɛɛ; ni Yehoshafat, Ahilud bi lɛ, ji maŋtsɛ tuuŋtu woloŋmalɔ;

1 Kronika 27:34

Ahitofel gbele sɛɛ lɛ, Yehoiada, Benaia bi lɛ, kɛ Abiatar baye esɛɛ akɛ maŋtsɛ ŋaawolɔi. Ni Yoab ji maŋtsɛ lɛ tatsɛnukpa fe fɛɛ.

Lalai 60:9

Namɔ aaaŋɔ mi kɛaatee maŋ ni awaje lɛ lɛ mli? Namɔ aaanyiɛ mihiɛ kɛaaya Edom?

1 Samuel 17:25

Wiemɔ fo shi fee sɛɛ yɛ Israelbii lɛ ateŋ akɛ, “Bɛ nyɛmiina nuu lɛ ni efã kpo lɛ, eeba ebabɔ Israel ahora. Naa, mɔ ni baanyɛ lɛ egbe lɛ maŋtsɛ baahã mɔ lɛ atsɔ̃ niiatsɛ wulu, asaŋ maŋtsɛ kɛ ebiyoo baahã lɛ gbãlã; no sɛɛ hu lɛ abaahã lɛ kɛ eweku fɛɛ akpa toowoo yɛ Israel.”