1 Kronika 11:22 - ŊMALƐ KRƆŊKRƆŊ LƐ

²² Benaia, Yehoiada bi lɛ, ni jɛ Kabzeel lɛ, hu hii kãkãlɔi lɛ eko ni; ni efee ekãa naa nibii wuji srɔtoi babaoo. Eko ji akɛ egbe Moabbii tabilɔi kpanakpanai enyɔ komɛi be ko. Be ko hu lɛ ekpeleke shi kɛtee ni eyagbe jata yɛ bu ko mli yɛ snoo be mli.

Ṅmãle̱ Kroṅkroṅ Le̱

²² Ni Benaia, nū ekãlo̱ ko ni tšu nibii wudši ní edše̱ Kabzeel le̱ bi Iehoiada bi le̱, le̱ hũ egbe Ariel ni dše̱ Moab le̱ bihĩĩ enyo̱ le̱, ni le̱ noṅṅ ekpleke ši ke̱-te ni eyagbe dšata ye̱ bu ko mli ye̱ anõ be le̱ mli.

1 Kronika 11:22 ပူးပေါင်းရင်းမြစ်များ

2 Samuel 1:23

“Asumɔ Saul kɛ Yonatan amɛwala be mli, ni amɛhe yɛ fɛo. Amɛgbele mli tete, amɛmli gbalaaa; amɛhe yɛ oya fe okropɔŋ po, ni amɛhe wa hu fe jata.

2 Samuel 20:23

Agbɛnɛ Yoab ji Israel fɛɛ tatsɛnukpa, ni Benaia, Yehoiada bi lɛ, ji Keretifoi kɛ Peletifoi ni ji maŋtsɛ hebulɔi lɛ atsɛ.

2 Samuel 8:18

Ni Benaia, Yehoiada bi lɛ, ji tabilɔi ni buɔ David he tuuŋtu lɛ atsɛ, ni David bihii lɛ miisɔmɔ akɛ osɔfoi.

1 Maŋtsɛmɛi 1:38

No hewɔ lɛ, Osɔfo Zadok kɛ gbalɔ Natan kɛ Yehoida bi Benaia kɛ maŋtsɛ hebulɔi lɛ wó Solomon amɛta Maŋtsɛ David tejiokpɔŋɔ lɛ nɔ, ni akɛ lɛ tee Gihon faa lɛ naa.

1 Maŋtsɛmɛi 1:8

Shi Osɔfo Zadok kɛ Yehoida bi Benaia kɛ gbalɔ Natan kɛ Shimei kɛ Rei kɛ hii kakabãi ni buɔ Maŋtsɛ David he lɛ bɛ Adonia sɛɛ.

1 Maŋtsɛmɛi 2:30

Ni Benaia tee Yehowa Buu lɛ mli, ni eyakɛɛ Yoab akɛ, “Bɔ ni maŋtsɛ kɛɛ nɛ, jee kpo.” Shi Yoab kɛɛ, “Dabida, shi biɛ nɛɛ nɔŋŋ magbo yɛ!” Ni Benaia yakɛɛ maŋtsɛ lɛ ekoŋŋ akɛ bɔ ni Yoab kɛɛ nɛ, ni hetoo ni ehã mi nɛ.

1 Kronika 11:21

Egbɛi hehe fe mɔ fɛɛ mɔ yɛ hii Kakabãi Nyɔŋmai Etɛ̃ lɛ ateŋ, ni etsɔ amɛnukpa; shi moŋ ekɛ Kakabãi Etɛ̃ lɛ yeee egbɔ.

1 Kronika 12:28

ni Zadok, oblanyo kãkãlɔ ko kɛ etsɛ we asafoiatsɛmɛi nyɔŋmai enyɔ kɛ enyɔ ba.

1 Kronika 12:8

Gadbii lɛ ateŋ hii tabilɔi kãkãlɔi komɛi tse amɛhe kɛtee amɛyafata mɛi ni nyiɛ David sɛɛ lɛ tabilɔi lɛ ahe be mli ni David yɔɔ shiaŋa lɛ nɔ mɔɔ lɛ mli lɛ. Hii nɛɛ ahe esa kɛ tsɛŋ kɛ akplɔ kɛ nɔmɔ, ni amɛhiɛ yɛ kramakrama tamɔ jata hiɛ, ni amɛhe yɛ oya tamɔ gɔji anɔ soŋai.

Yoshua 15:21

Yudabii lɛ akutso lɛ mli bii lɛ, amɛmaji wuji ni yaye wuoyigbɛ kwraa, kɛyaa Edom husu lɛ naa, ji Kabzeel kɛ Eder kɛ Yagur,