1 Kronika 11:2 - ŊMALƐ KRƆŊKRƆŊ LƐ

² Nyɛsɛɛ ko be ni Maŋtsɛ Saul yeɔ wɔnɔ lɛ, bo ji tatsɛ ni nyiɛ Israelbii ahiɛ kɛtee kɛba, asaŋ Yehowa oNyɔŋmɔ lɛ wo bo shi akɛ, ‘Bo oootsɔ̃ mimaŋ Israelbii lɛ hiɛnyiɛlɔ kɛ amɛlumɔ.’ ”

Ṅmãle̱ Kroṅkroṅ Le̱

² Asaṅ nyese̱ ne̱, beni Saul yeo̱ wo̱no̱ maṅtše̱ le̱, bo noṅṅ dši moni ke̱ Israel yaä ni oke̱ame̱ baä; ni Iehowa, o-Nyoṅmo̱ le̱, hũ kē̱o ake̱: Bo oolē̱ mimaṅ Israel, ni bo noṅṅ ooye mimaṅ Israel no̱ lumo̱.

1 Kronika 11:2 ပူးပေါင်းရင်းမြစ်များ

2 Samuel 5:2

Nyɛsɛɛ nɛɛ be ni Saul yeɔ wɔmaŋtsɛ lɛ, bo ji tatsɛ ni nyiɛ Israelbii lɛ ahiɛ kɛtee kɛba, asaŋ Yehowa wo bo shi akɛ ‘Bo oootsɔ̃ mimaŋ Israelbii lɛ ahiɛnyiɛlɔ kɛ amɛlumɔ.’ ”

2 Samuel 7:7

Hei fɛɛ ni mikɛ Israel fɛɛ enyiɛnyiɛ lɛ, mibiko Israel maŋ hiɛnyiɛlɔi ni mifãa amɛ akɛ amɛkura mimaŋ Israel lɛ ateŋ mɔ ko yɛ he ko pɛŋ akɛ mɛɛba po ni nyɛmako tsenedru tsu nyɛhãko mi lɛ?’

1 Maŋtsɛmɛi 14:7

Yaa, ni oyakɛɛ Yeroboam akɛ, bɔ ni Yehowa, Israel Nyɔŋmɔ lɛ kɛɛ nɛ, ‘Mikɔ bo pɛ yɛ mimaŋ Israelbii lɛ ateŋ, ni miwo bo maŋtsɛ.

1 Maŋtsɛmɛi 3:9

No hewɔ lɛ, dromɔ mi, otsulɔ, nilee koni mikɛye omaŋ lɛ nɔ yɛ jalɛ mli. Hã mayoo srɔto ni yɔɔ nɔ ni hi kɛ nɔ ni ehiii teŋ; kɛjeee nakai lɛ te mafee tɛŋŋ manyɛ maye omaŋ kpeteŋkple nɛɛ nɔ hu?”

Lalai 78:71

Ekpala lɛ kɛjɛ toi yei ni hãa fufɔ lɛ asɛɛ, koni ebakpala emaŋ Israelbii, Israelbii ni ji egbɛfaŋnɔ lɛ.

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Yesaia 55:4

Naa, mifee lɛ majimaji lɛ ahiɛnyiɛlɔ kɛ tatsɛ, koni etsɔ̃ mihe odaseyelɔ ehã majimaji lɛ.

Yeremia 3:15

Ni mahã nyɛ mi diɛŋtsɛ mitsui naa nɔkwɛlɔi. Amɛbaalɛ nyɛ kɛ nilee kɛ jwɛŋmɔ.

Mika 5:2

Yehowa kɛɛ, “Betlehem Efrata, maji bibii fe fɛɛ ni yɔɔ Yuda shikpɔŋ lɛ nɔ lɛ ateŋ ekome ji bo, shi omli majie Israel nɔyelɔ kɛaajɛ. Nɔyelɔ nɛɛ weku kpãa aaajɛ blema beebe.”

Mika 5:4

Kɛ nɔyelɔ lɛ ba lɛ, eeeye emaŋ lɛ nɔ, ni eeelɛ amɛ kɛ hewalɛ ni jɛ Yehowa dɛŋ; eeeye nɔ kɛ agbojee hu ni ji Yehowa, eNyɔŋmɔ lɛ diɛŋtsɛ agbojee. Nɔyelɔ lɛ kɛ maŋbii lɛ aaahi shi shweshweeshwe, ejaakɛ aaakpɛ̃lɛ nɔ akɛ eje agbo yɛ je lɛ mli he fɛɛ he;

4 Mose 27:17

mɔ ni baanyɛ amɛnɔ ekwɛ, asaŋ ni enyiɛ amɛhiɛ kɛya ta kɛba bɔ ni afee ni Yehowa asafo lɛ akatsɔ̃ tamɔ toi ni bɛ kwɛlɔ.”

Mateo 2:6

‘Ni bo, Betlehem ni oyɔɔ Yuda shikpɔŋ lɛ nɔ lɛ, jeee bo ji bibioo fe fɛɛ yɛ Yuda lumɛi lɛ ateŋ kwraa, shi omli lumɔ ni aaakwɛ mimaŋ Israel lɛ aaajɛ!’ ”

Yohane 10:4

Ni kɛ ejie toi lɛ fɛɛ lɛ, enyiɛɔ amɛhiɛ, ni toi lɛ nyiɛɔ esɛɛ, ejaakɛ amɛle egbee.

1 Samuel 16:1

Yehowa kɛɛ Samuel akɛ, “Mɛɛ beyinɔ nɔŋŋ ni oooye Saul he ŋkɔmɔ kɛyashi, be mli ni ona ole akɛ mikwa lɛ Israel maŋtsɛyeli? Wo okoŋ lɛ mli mu obɔ̃; mibatsu bo Yeshai, Betlehemnyo lɛ, ŋɔɔ ejaakɛ miŋɔ maŋtsɛ yɛ ebihii lɛ ateŋ mihã mihe.”

1 Samuel 16:13

Samuel wo mu kɛ koŋ lɛ, ni efɔ David mu yɛ enyɛmimɛi lɛ ateŋ. Kɛjɛ nakai gbi lɛ nɔ lɛ, Yehowa mumɔ lɛ yi David nɔ! Kɛkɛ ni Samuel te shi, ni eyiŋ etee Rama.

1 Samuel 18:13

Enɛ hã Saul jie David yɛ emasɛi, ni ewo lɛ tabilɔi akpe atsɛ. David nyiɛ tabilɔi lɛ ahiɛ kɛtee taitai kɛba;