1 Kronika 11:16 - ŊMALƐ KRƆŊKRƆŊ LƐ

¹⁶ ni amɛfã ko eŋɔ Betlehem, ni amɛyɛ jɛi; David hu yɛ tɛkplo lɛ mli.

Ṅmãle̱ Kroṅkroṅ Le̱

¹⁶ Ni no mli le̱ David ye̱ te̱kplo le̱ mli, ni Filistibii asrafoi le̱ hũ ye̱ Betlehem;

1 Kronika 11:16 ပူးပေါင်းရင်းမြစ်များ

2 Samuel 5:17

Be ni Filistibii lɛ nu akɛ awo David Israel fɛɛ maŋtsɛ lɛ, Filistibii fɛɛ fã ta akɛ amɛyaamɔ David. Shi David nu he, ni no hewɔ lɛ, etee ehe yɛ mɔɔ lɛ mli.

1 Kronika 11:17

David hiɛ tsɔ̃ shĩa ni ekɛɛ akɛ, “Namɔ po mana ni eya Betlehem eyayɛ nubu lɛ ni yɔɔ maŋ agbo lɛ masɛi lɛ mli nu ebaha mi manu?”

Lalai 142:1

Miiwo migbee nɔ miibolɔ miitsɛ Yehowa, mikɛ migbee miikpa Yehowa fai.

1 Samuel 10:5

No sɛɛ lɛ, obaaya oyashɛ Nyɔŋmɔ Gɔŋ lɛ nɔ yɛ Gibea he ni Filistibii asraafoi yɔɔ lɛ. Kɛji obɛŋkɛ maŋ lɛ, okɛ gbalɔi asafo ku baakpe ni amɛjɛ afɔleshãa latɛ lɛ he yɛ gɔŋ lɛ nɔ amɛmiikpeleke shi, ni akɛ obenta kɛ milɛ kɛ blɛ kɛ saŋku nyiɛ amɛhiɛ, ni asaŋ amɛmiigba.

1 Samuel 13:23

Filistibii lɛ wo asraafoi aku gbɛ kɛtee Mikmash jɔɔ lɛ mli koni amɛyabu jɛi tsɔ̃mɔhe lɛ he.

1 Samuel 13:4

Naa, Saul eyaye Filistibii asraafoi aku ko nɔ kunim, ni no hewɔ lɛ, Filistibii lɛ ekã kɛbaaye wie!” Israelbii here tsɛmɔ lɛ nɔ, ni amɛtiu Saul yɛ Gilgal.

1 Samuel 22:1

David shi Gat maŋ lɛ mli, ni ejo foi kɛtee eyahi Adullam tɛkplo lɛ mli. Be ni enyɛmimɛi lɛ kɛ etsɛ we lɛ fɛɛ na le lɛ, amɛtee eŋɔɔ yɛ jɛi.

1 Samuel 22:4

No hewɔ lɛ, David shi efɔlɔi lɛ ehã Moab maŋtsɛ lɛ, ni efɔlɔi lɛ hi Moab Maŋtsɛ lɛ ŋɔɔ bei abɔ fɛɛ ni David yɔɔ tɛkplo lɛ mli lɛ.

1 Samuel 22:5

Fee sɛɛ lɛ gbalɔ lɛ ni atsɛɔ lɛ Gad lɛ ba, ni ebakɛɛ David akɛ, “Kaahi tɛkplo nɛɛ mli dɔŋŋ. Shi biɛ ni oya Yuda shikpɔŋ lɛ nɔ.” No hewɔ lɛ, David shi tɛkplo lɛ mli ni etee eyahi Heret koo lɛ mli.

1 Samuel 23:25

Be ni Saul kɛ ewebii lɛ yiŋ amɛtee koni amɛyatao David lɛ, abatswa David adafi, ni no hewɔ lɛ, David shi jɔɔ lɛ mli kɛtee Maon tɛsaa lɛ mli yɛ ŋa lɛ nɔ. Saul na ele enɛ, kɛkɛ ni etiu David kɛtee Maon shiaŋa lɛ nɔ.