1 Kronika 10:4 - ŊMALƐ KRƆŊKRƆŊ LƐ

⁴ Kɛkɛ ni Saul kɛɛ oblanyo ni hiɛɔ etawuu nii lɛ akɛ, “Gbalamɔ oklante lɛ ni okɛdu mi bɔ ni afee ni foolɔi nɛɛ akaba amɛbagbe mi, ni amɛye mihe fɛo.” Shi oblanyo lɛ emiii nakai feemɔ, ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ ni eho egbee nɔ.

Ṅmãle̱ Kroṅkroṅ Le̱

⁴ Ke̱ke̱ ni Saul kē̱ etawūniihĩelo̱ le̱ ake̱: Gblamo̱ oklante ni oke̱-dũmi, koni ne̱ke̱ fõlo̱i ne̱ akaba ni ame̱bafemi niseniianii. Ši etawūniihĩelo̱ le̱ ekplẽẽ; edšake̱ ēše gbeyei naakpa dientše̱. Nohewo le̱ Saul ko̱ eklante ni eho egbẽ no̱.

1 Kronika 10:4 ပူးပေါင်းရင်းမြစ်များ

2 Samuel 1:20

Nyɛkayagbaa enɛ yɛ Gat; akatsi enɛ tã yɛ Ashkelon blohuiaŋ koni Filistibii lɛ abiyei lɛ akanya, ni foolɔi lɛ abiyei lɛ miitumɔ.

2 Samuel 1:6

Oblanyo lɛ hã David hetoo ni ekɛɛ, “Heniianaa ni miyaje Gilboa Gɔŋ lɛ nɔ, ni miyanina Saul ni ebu ekpɔlɔ lɛ nɔ, be mli ni henyɛlɔi lɛ ashwiilii lɛ kɛ okpɔŋɔnɔtalɔi lɛ miibɛŋkɛ lɛ waa lɛ.

2 Samuel 17:23

Be ni Ahitofel na akɛ ayeee ŋaa ni ewo lɛ nɔ lɛ, ewo eteji nɔ nii, kɛkɛ ni eshi kɛtee emaŋ; ni be ni eto enibii fɛɛ gbɛjianɔ lɛ, eyawo esɛ̃ kpãa, ni egbe ehe. Afu lɛ yɛ etsɛ gbonyo fuuhe lɛ mli.

1 Maŋtsɛmɛi 16:18

Be ni Zimri na akɛ aŋɔ maŋ lɛ, eyabote maŋtsɛwe lɛ mɔɔ lɛ mli kɛkɛ ni ema maŋtsɛwe lɛ naa la, ni eshã shĩa lɛ eshwie enɔ, ni egbo.

1 Kronika 10:3

Akɛ ta lɛ nina Saul kpaakpa. Henyɛlɔi lɛ ateŋ gãitsɛ̃lɔi lɛ ateŋ mɔ ko yoo Saul, ni etsɛ̃ lɛ gãi, ni epila lɛ ablaŋ.

1 Kronika 10:5

Be ni oblanyo lɛ na akɛ Saul egbo lɛ, lɛ hu eho egbee eklante lɛ nɔ, ni egbo.

Bɔfoi 1:18

Shi nɛkɛ nuu nɛɛ ŋɔ enɔsha ni efee lɛ mli nyɔmɔwoo lɛ ehe abɔɔ, ni eyama eyi shi, ni emli gba enyɔ ni emlinii fɛɛ tue shwie shi.

Bɔfoi 16:27

Be ni gboklɛfoiakwɛlɔ lɛ hɛle shi kɛjɛ wɔ mli ni ena akɛ tsu lɛ naa shinai lɛ fɛɛ kãmɔ lɛ, egbala eklante ni kulɛ ebaagbe ehe, ejaakɛ esusu akɛ gboklɛfoi lɛ ejo foi.

Kojolɔi 15:18

Kɛkɛ ni kumai ye Samson waa naakpa. Ebo etsɛ Yehowa ekɛɛ, “Otsɔ̃ otsulɔ nine nɔ otsu yiwalaheremɔ nitsumɔ kpele nɛɛ; ni mɛɛba ni magbo kɛ kumai moŋ ni magbee foolɔi nɛɛ adɛŋ?”

Kojolɔi 16:21

Kɛkɛ ni Filistibii lɛ mɔ lɛ ni amɛfamɔ ehiŋmɛii. Amɛkɛ lɛ tee Gaza. Amɛkɛ akɔɔble gboklɛi enyɔ wo lɛ, ni amɛhãa ewiɛɔ yɛ wiɛ sɛɛ yɛ gboklɛfoi atsu lɛ mli.

Kojolɔi 9:54

Oya nɔŋŋ ni Abimelek tsɛ oblanyo ni hiɛ lɛ Abimelek lɛ etawuunii lɛ, ni efã oblanyo lɛ akɛ, “Gbalamɔ oklante ni ogbe mi, koni akakɛɛ yɛ mihe akɛ, ‘Yoo po gbe lɛ.’ ” No hewɔ lɛ, oblanyo lɛ tsu Abimelek nɔ, ni egbo.

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.

1 Samuel 31:4

Kɛkɛ ni Saul kɛɛ oblanyo ni hiɛɔ etawuunii lɛ akɛ, “Gbalamɔ oklante lɛ, ni okɛdu mi bɔ ni afee ni foolɔi nɛɛ akaba amɛbagbe mi, ni amɛfee mi niseniianii.” Shi oblanyo lɛ emiii nakai feemɔ ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ, ni eho egbee nɔ.