Mataayi 11:3 - ULwitikano uLupya

³ ukuti bhamubhuushe uYeesu ukuti, “Kali, ughwe ghwe yula yuuyo bhakasolola ukuti indiakiise pamu tumulindililaghe umunine?”

Mataayi 11:3 ပူးပေါင်းရင်းမြစ်များ

Mataayi 11:10

Uyu ghwe yuuyo inongwa shaake shisimbiighwe mu Masimbo aMeelu ukuti, ‘Tesha, ingumutuma ughwandumi ghwangu mundaashi yaako yuuyo indiakatendekeshe isila yaako.’

Mataayi 11:4

UYeesu akabhaamula akati, “Bhuuka mumubhuule uYoohani shooshi shiisho mwapulika na shiisho mwashibhona.

Mataayi 21:5

“Bhabhuule abhandu abha mu kaaya aka Siyooni ukuti, ‘Tesha, uMalafyale ghwinyu akwisa kukwinyu, mwoloolo, akwisa bhwo iitoghite pa mbunda. Soona, imbunda iyo nyaanaashe.’ ”

Mataayi 21:9

Abhandu bhala bhaabho bhakatangila kundaashi na bhaabho bhakakongagha kunyuma kwa Yeesu, bhakayugha ku ishu ilya pamwanya bhakati, “Apaalighwange uChaala ku nongwa iya mwana yuuyo akufuma mu chikolo icha malafyale uNdaabhiti! Asayighwange yuuyo akwisa mu ngamu iya Malafyale! Apaalighwange uChaala kumwanya!”

Maalika 11:9

Abhandu bhooshi bhaabho bhakamutangila uYeesu na bhaabho bhakamukongagha, bhakayugha ku ishu ilya pamwanya bhakati, “Apaalighwange uChaala! Asayighwange yuuyo akwisa mu ngamu iya Malafyale!

Luuka 19:38

Bhakamupaala leka bhakati, “Asayighwange uMalafyale yuuyo akwisa mu ngamu iya Malafyale uChaala. Abhandu bhooshi bhabhange nu lutengaano nu Chaala! Apaalighwange uChaala kumwanya.”

Yoohani 11:27

UMaalita akamwamula uYeesu akati, “Nalooli Malafyale, niitika ukuti ughwe ghwe Mesiiya, uMwana ughwa Chaala, ghweghwe twakulindililagha ukuti kwisa pa chiisu ichi ukufuma kwa Chaala.”

Yoohani 12:13

Po bhakeegha utusamba utwa mitende, bhakafuma ukubhuuka pakumupokeela uYeesu. Bhakaanda ukukoolela bhakati, “Apaalighwange uChaala! Asayighwange yuuyo akwisa mu ngamu iya Malafyale! Asayighwange uMalafyale ughwa Isilaeli!”

Yoohani 16:14

UMbepo uyo indiakaangindikaghe une paapo indiakabhabhuulaghe shooshi shiisho indiakapokeelaghe ukufuma kukwangu.

Yoohani 4:21

UYeesu akamwamula akati, “Ghwe nandembwa, itika ukuti shiisho inguyugha sha nalooli, akabhalilo kakwisa kaako mutaamukamwipuutaghe uTaata mu kaghamba aka pamu mu Nyumba iya Chaala iya ku Yelusaleemu.

Yoohani 6:14

Bhwo abhandu bhala bhaachibhona ichiika chiicho uYeesu akachibhomba, bhakayugha bhakati, “Nalooli umundu uyu musololi ukufuma kwa Chaala yuuyo tukasubhaalilagha ukuti akwisa mu chiisu ichi.”

Yoohani 7:31

Loole abhandu abhingi bhaabho bhakabha mu chilundilo chila bhakamwitika uYeesu, bhakabhuusha bhakati, “Kali, linga uMesiiya aaya iisa, indiakabhombe ifyika ifyingi ukukinda fiifyo umundu uyu aafibhomba?”

Bhahibhuli 10:37

Paapo shisimbiighwe mu Masimbo aMeelu ukuti, “Kashaalite akabhalilo akapimba leka, uyo yuuyo akwisa, indiiise, soona ataaakaabhe.