Maalika 5:6 - ULwitikano uLupya

⁶ Bhwo aamubhona uYeesu pabhutali, akamukindilila nu kufughamila pandaashi papaake.

Maalika 5:6 ပူးပေါင်းရင်းမြစ်များ

Maalika 5:5

Amashiku ghooshi pamuusi na pabhushiku, umundu ughwa mbepo yula akashunguulilagha ku mapumba na mu tughamba, akayweghagha leka, soona akiibheghanianga na mayondo.

Maalika 5:7

Bhwo uYeesu aamubhona, akayibhuula imbepo imbiibhi yila akati, “Ghwe mbepo imbiibhi ughwe, tiilaamwo mu mundu uyu!” Imbepo yila yikakuuta ku ishu ilya pamwanya yikati, “Ghwe Yeesu, Mwana ghwa Chaala Yuuyo Ali Pamwanya Ngaani, kali, indi ni nongwa yiki nuughwe? Ingukusuuma mu ngamu iya Chaala, manye ghuufulashange.”

Luuka 4:41

Soona akashikiishanga imbepo imbiibhi, shoope shikafumagha mu bhandu abhingi bhwo shikuywegha shikuti, “Ughwe ghwe Mwana ghwa Chaala!” Loole uYeesu akashikemela nu kushikaanisha ukuti manye sheendelelaghe ukumuyugha ku nongwa iya kuti shikamumanya ukuti ghwi Mesiiya.

Mbombo isha Bhatumighwa 16:17

Umulindu uyo akatukongagha utwe nu Paabhuli, akayweghagha akatingi, “Abhandu abha bhabhombi abha Chaala Yuuyo Ali Pamwanya Ngaani, bhiisile pakubhabhuula isila yiiyo mubhaghiile ukupokighwa!”

Yaakobhu 2:19

Kali, kwitika ukuti uChaala ali yumoyweneeshe? Kubhomba akiisa ukwitika ulwo, loole umanye ukuti ni mbepo imbiibhi shoope shikwitika ulwo nu kutetema ku nongwa iya bhwogha.