Luuka 22:31 - ULwitikano uLupya

³¹ Po uYeesu akamubhuula uPeeteli akati, “Ghwe Siimoni, ghwe Siimoni! Pulikisha, uSeetano asuumite kwa Chaala amwitikishe ukuti abhapeete umwe mweshi isa muumwo umulimi akupeetela ingano.

Luuka 22:31 ပူးပေါင်းရင်းမြစ်များ

Mataayi 26:30

UYeesu na bhamanyili bhaake bhwo bhiimba inyimbo, po bhakatiila nu kubhuuka ku kaghamba aka Mishunguti.

Mataayi 4:10

UYeesu ghwepe akati, “Tiila panu, ghwe Seetano! Tesha, shisimbiighwe ukuti, ‘Mwipuutaghe uMalafyale uChaala ghwako, soona mubhombelaghe yuuyo mweneeshe.’ ”

Luuka 10:41

Loole uMalafyale uYeesu akamwamula akati, “Ghwe Maalita, ghwe Maalita, kali, kooni kulabha nu kwikolaania ni mbombo inyingi?

Mbombo isha Bhatumighwa 9:4

USaabhuli akaghwa paase. Nakalinga akapulika ishu likuti, “Ghwe Saabhuli! Ghwe Saabhuli! Kali, kooni kuufulasha?”

1 Bhakolinti 5:5

Akabhalilo ako mufumyange umundu uyo pakati papiinyu nu kumubhiika mu tukono utwa Seetano ukuti ubhundu bhwake ubhwa mbiibhi bhufundighwe, loole umwene akapokighwe pi ishiku lila ilya kwisa ulwa bhubhili uMalafyale uYeesu.

2 Bhakolinti 2:11

ukuti uSeetano manye ayaaghe isila iya kubhapoota, paapo tumumeenye ubhuchefu bhwake.

1 Peeteli 5:8

Mubhange maaso ku nongwa iya kuti umulughu ghwinyu uSeetano akushunguulila kuno na kula ukuti amughoghe umundu isa muumwo ingalamu yiiyo yili ni sala yikumulonda umundu ukuti yimulye.

Bhusetuli 12:10

Ingapulika ishu ilya pamwanya ukufuma kumwanya likuti ulu, “Ulu, uChaala ghwitu aabhapoka abhandu bhaake. Aabhombela amaka ghaake ukulangisha ubhunyafyale bhwake! Ghwepe uMesiiya ghwake aalangisha amaka ghaake. Paapo uMikaeli na bhandumi bhaake bhaamutaagha paase yuuyo akubhasitaaka abhiitiki abhanyiitu, yuuyo akubhasitaaka pandaashi pa Chaala pabhushiku na pamuusi.