Luuka 21:31 - ULwitikano uLupya

³¹ Bhubhuubhwo bhwo shili na kukwinyu, linga mukushibhona shooshi isho shikubhombighwa, mukamanye ukuti ichitangalala icha Chaala chili papiipi.

Luuka 21:31 ပူးပေါင်းရင်းမြစ်များ

Yaakobhu 5:9

Mwe bhiitiki bhanyiitu, manye mulumbuusaniange mwibheene-bheene ukuti uChaala manye akabhalonge umwe. Mubhange maaso paapo uMalafyale yuuyo Mulongi ghwitu ali papiipi ukwisa pakulonga ichiisu ichi.

Bhahibhuli 10:37

Paapo shisimbiighwe mu Masimbo aMeelu ukuti, “Kashaalite akabhalilo akapimba leka, uyo yuuyo akwisa, indiiise, soona ataaakaabhe.

1 Peeteli 4:7

Ubhumalilo ubhwa tundu twoshi bhupalamiile. Ku nongwa iyo, mubhange maaso ku shiisho mukubhomba ukuti mwipuutaghe isa muumwo shikulondighwa.

Mataayi 3:2

“Pindukagha nu kwilaata imbiibhi shiinyu, paapo ichitangalala icha kumwanya chipalamiile.”

Luuka 21:32

Nalooli ingubhabhuula, imbaapo iyi yitaayikakinde bhwo ishi shooshi shitabhonekite.