Luuka 17:4 - ULwitikano uLupya

⁴ Nalinga aakutulila inongwa kahaano na kabhili (7) ku ishiku limo, linga akwisa kukwako kahaano na kabhili ku ishiku akuti, ‘Ingukusuuma ghuuhobhokele,’ nuughwe endelelagha ukumuhobhokela!”

Luuka 17:4 ပူးပေါင်းရင်းမြစ်များ

Mataayi 18:16

Loole linga ataakupulika, bhuuka umweghe umundu umunine yumo pamu abhandu bhabhili ukuti ‘bhabheepo abhakeeti bhabhili pamu bhatatu abha kushimikisha kooshi akandu.’

Mataayi 18:35

Pabhumalilo, uYeesu akayugha akati, “UTaata yuuyo ali kumwanya indiakabhabhombele nuumwe isa bhubhuubhwo linga mutabhaghiile ukumuhobhokela umwitiki umunyiinyu ku ndumbula shiinyu shooshi.”

Mataayi 5:44

Loole une ingubhabhuula ukuti bhaghanaghe abhalughu bhiinyu. Soona bhiipuutilaghe kwa Chaala bhooshi bhaabho bhakubhafulasha.

Mataayi 6:12

Utuhobhokele ubhutulanongwa bhwitu, isa muumwo nuutwe tukubhahobhokela bhaabho bhakututulila inongwa.

Luuka 17:5

Po abhatumighwa bhakamubhuula uMalafyale uYeesu bhakati, “Ghwe Malafyale, tukukusuuma utwongeleshe ulwitiko!”

Bhalooma 12:20

Soona shisimbiighwe mu Masimbo aMeelu ukuti, “Linga umulughu ghwako akwipulika isala, mupe ifindu, linga akwipulika inyoota, mungʼweshe. Paapo linga ghwamubhombela umulughu ghwako ulwo, kubha ungati ghwamutwika ingalashibhwe pa mutu ghwake.”