Luuka 1:38 - ULwitikano uLupya

³⁸ Po uMaliiya akamwamula akati, “Tesha, une nee mubhombi ughwa Malafyale, ingusuuma shibhombighwe kukwangu isa muumwo ghwayughila.” Pabhumalilo ughwandumi yula akatiilaapo pabhuyo bhula nu kumuleka uMaliiya.

Luuka 1:38 ပူးပေါင်းရင်းမြစ်များ

Luuka 1:37

Shooshi isho naayugha indishibhombighwe ku nongwa iya kuti uChaala abhaghiile ukushibhomba shooshi.”

Luuka 1:39

Bhwo amashiku manandi ghaakinda, uMaliiya akatiila nu kubhuuka lubhilo ku kaaya kamu kaako kakabha mu chiisu icha tughamba utwa Yuuta.

Luuka 1:48

ku nongwa iya kuti aambelela ichisa nu kuunyaafwa une ni mubhombi ghwake. Tesha, ukwandila ulu, abhandu bhooshi abha mbaapo isha chikolo ni chikolo indibhakayughaghe ukuti uChaala aasayite.

Bhaghalatiiya 4:22

Shisimbiighwe mu Masimbo aMeelu ukuti uAbhulahamu akabha na bhaana bhabhili. Umwana yumo akapaapa nu mukolo yuuyo akabha mutumwa. Umwana umunine akapaapa nu mukolo yuuyo akabha mwabhuke.