Bhusetuli 22:12 - ULwitikano uLupya

¹² UYeesu akuti, “Tesha! Ingwisa lubhilo pakumuhomba ghweshi umundu ukukongana ni mbombo shaake.

Bhusetuli 22:12 ပူးပေါင်းရင်းမြစ်များ

Mataayi 16:27

Paapo uMwana ughwa Mundu indiakiise pamupeene na bhandumi bhaake ku bhukulumba ubhwa Taata ghwake. Po indiakamuhombe umundu ghweshi ukukongana ni mbombo shaake.

Bhalooma 14:12

Po ghweshi umundu pakati papiitu indiakalingaanie inongwa shaake yuuyo mwene pandaashi pa Chaala.

1 Bhakolinti 3:14

Po linga imbombo iya mundu uyo yitaalungula mu mulilo, indiakapokeele umufwalo.

1 Bhakolinti 3:8

Umundu yuuyo akubhyala na yuuyo akukungilila amiishi, bhali ni nyango yimoyeene. UChaala indiakamuhombe ghweshi umundu ukukongana ni mbombo yaake.

Bhusetuli 11:18

Abhandu bhaabho bhatakakwitika ughwe bhakakukalalila, loole akabhalilo kaako aka kubhakalalila abheene, kaafika. Aka kabhalilo aka kubhalonga bhaabho bhakafwa, soona kabhalilo aka kubhahomba abhabhombi bhaako abhasololi, abhiitiki na bhaabho bhakayighindikagha ingamu yaako, abhosongo na bhakeke. Aka kabhalilo aka kubhafunda abhandu bhaabho bhakuchikomania ichiisu.”

Bhusetuli 2:23

Soona indiingabhaghoghe abhakongi bhaake. Po abhiitiki bhooshi abha fipanga fyoshi indibhakamanye ukuti une ingushaaghania indumbula ni nyinongʼono isha ghweshi umundu. Soona indiingamuhombe ghweshi umundu pakati papiinyu ukukongana ni mbombo shaake.

Bhusetuli 20:12

Ingabhabhona abhafwe bhooshi, abhosongo na bhakeke bhiimite pandaashi pa chitengu icha bhunyafyale chila. Po abhokalata bhaabho bhakasimbighwa imbombo isha bhandu bhooshi bhakabhaalulighwa. Soona akabhaalulighwa ukalata umunine yuuyo akabha ghwi kalata ughwa bhwumi. Abhafwe abho bhakalongighwa ukukongana ni mbombo shaabho shiisho shikasimbighwa mu bhokalata bhala.

Bhusetuli 22:20

Ghwepe yuuyo akushimikisha inongwa shooshi ishi akuti, “Nalooli, ingwisa lubhilo!” Ameni. Isagha Malafyale Yeesu!

Bhusetuli 22:7

UYeesu akuyugha akuti, “Tesha! Ingwisa lubhilo. Musayighwa umundu yuuyo akupulika nu kukonga amashu agha bhusololi ghaagho ghasimbiighwe mwa kalata uyu.”

Bhusetuli 3:11

Ingwisa lubhilo! Shikolaghe akiisa inyiisa isho shiisho uli nasho ukuti umundu manye iise apoke ingigha iya kupoota kwako.