Bhusetuli 21:21 - ULwitikano uLupya

²¹ Yoope imilyango imikulu kalongo na mibhili iyo yikabha yitendekeshiighwe ukubhombela amambo agha mutengo kalongo na mabhili ghaagho ghakungʼangʼa ngaani. Ghwoshi umulyango ghukabha ghutendekeshiighwe ukubhombela ilyambo ilya mutengo limolyene. Isila ingulu iya kaaya ako yikabha yitendekeshiighwe ukubhombela isahabhu inyeelu yiiyo yikungʼangʼa ungati libhonelo.

Bhusetuli 21:21 ပူးပေါင်းရင်းမြစ်များ

Bhusetuli 17:4

Umukolo uyo akabha afwalite umwenda umwisa ughwa langi iya mandongomela ungati ghwa bhunyafyale nu mwenda umwisa ughwa langi ingesamu ungati libhanda. Soona akabha iitendekeshiishe akiisa ukubhombela isahabhu, amayondo agha mutengo agha luko nu luko na mambo ghaagho ghakungʼangʼa ngaani. Ku kakono kaake akabha akolite ichikombe icha sahabhu chiicho chikabha chiiswile imbombo isha kukalalisha nu bhunyali ubhwa bhushipani bhwake.

Bhusetuli 18:16

indibhakatingi, “Lwako, lwako kaaya akakulu. Ukiisubhila ukufwala imyenda iya bhokamba abhiisa, iya mandongomela nu mwenda umukesamu. Ukabha ghwitendekeshiishe akiisa ukubhombela isahabhu na mayondo agha mutengo.

Bhusetuli 21:15

Po ughwandumi yula yuuyo akayughagha nuune, akabha ni ngoomo iya sahabhu iya kupimila ukuti apime akaaya ako, imilyango imikulu nu lubhumba lwake.

Bhusetuli 21:18

Ulubhumba ulwa kaaya ako lukasengighwa ukubhombela amayondo agha mutengo agha yaasipi. Akaaya ako koope kakasengighwa ukubhombela isahabhu inyeelu isha kungʼangʼa ungati libhonelo.

Bhusetuli 22:2

Ulusooko ulwo lukaghendagha pakati pa sila ingulu iya kaaya ako. Lwoshi ulubhafu ulwa lusooko ulwo lukabha ni ikokwe ilya bhwumi liilyo likwela iseke isha luko kalongo na shibhili (12) ku chinja, kwo kuti ghwoshi umweshi likwela iseke isha pashima nu mweshi umunine. Amaani agha makokwe agho, mukota ughwa kubhaposha abhandu abha fyisu fyoshi.

Bhusetuli 4:6

Soona pandaashi pa chitengu icho, pakabha ni nyanja yiiyo yikangʼangʼagha ungati libhonelo. Soona, inyanja iyo yikabha ungati liyondo liilyo likungʼangʼa ngaani. Soona, ifipelighwa ifya bhwumi finna ifyo fikashunguulilagha imbafu shooshi isha chitengu icha bhunyafyale. Ifipelighwa ifyo fikabha na maaso bhwoshi ubhuyo.