Bhusetuli 19:6 - ULwitikano uLupya

⁶ Po ingapulika ishu isa ilya chilundilo ichikulu icha bhandu, soona isa ilya miishi amingi ghaagho ghakughenda ku maka, soona likabha isa ishu ilya pamwanya ilya kupaya ukwa fula likati, “Apaalighwange uChaala! Paapo uMalafyale uChaala ghwitu ughwa Maka Ghooshi akulongosha.

Bhusetuli 19:6 ပူးပေါင်းရင်းမြစ်များ

Mataayi 6:13

Manye utubhiike mu ngelo, loole utupoke ku Mubhiibhi yula. [Paapo ubhunyafyale, amaka nu bhukulumba fyako bhwila na bhwila. Ameni.]’ ”

Bhusetuli 1:15

Utulundi twake tukangʼangʼagha ngaani ungati cheela chiicho chikasukighwa mu mulilo umukali ngaani. Ishu lyake likabha ungati miishi amingi ghaagho ghakughenda pa saato.

Bhusetuli 1:8

UMalafyale uChaala yuuyo aliipo, akabhaapo, indiakabheepo, soona yuuyo ghwi Chaala ughwa Maka Ghooshi akuyugha ukuti, “Une nee Aalufa soona nee Omegha.”

Bhusetuli 12:10

Ingapulika ishu ilya pamwanya ukufuma kumwanya likuti ulu, “Ulu, uChaala ghwitu aabhapoka abhandu bhaake. Aabhombela amaka ghaake ukulangisha ubhunyafyale bhwake! Ghwepe uMesiiya ghwake aalangisha amaka ghaake. Paapo uMikaeli na bhandumi bhaake bhaamutaagha paase yuuyo akubhasitaaka abhiitiki abhanyiitu, yuuyo akubhasitaaka pandaashi pa Chaala pabhushiku na pamuusi.

Bhusetuli 14:2

Ingapulika ishu ukufuma kumwanya ungati lishu ilya saato iya miishi amingi, pamu ungati lishu ilya kughuluma ukwa kupaya ifula. Soona, ishu ilyo liilyo ingalipulika likabha ungati lya bhakoma finanda bhaabho bhakukoma ifinanda fyabho pamupeene.

Bhusetuli 19:1

Bhwo isho shaakinda, ingapulika ishu ungati lishu ilya chilundilo ichikulu kumwanya ukwo likuti, “Apaalighwange uChaala! Ubhupoki, ubhukulumba na maka fikufuma kwa Chaala ghwitu,

Bhusetuli 19:4

Abhosongo amalongo mabhili na bhanna (24) bhala ni fipelighwa ifya bhwumi finna fila, bhakafughamila, bhakamwipuuta uChaala yuuyo iikiile pa chitengu icha bhunyafyale bhakati, “Ameni! Apaalighwange uChaala!”

Bhusetuli 21:22

Indakayibhona iNyumba iya Chaala mu kaaya ako, paapo uMalafyale uChaala ughwa Maka Ghooshi na Konangʼooshi bho bhaabho Nyumba iya Chaala.

Bhusetuli 4:5

Pa chitengu icha bhunyafyale icho pakafumagha akalabhi ni ishu ilya kupaya. Pandaashi yaake pakabha ni nyaale ihaano na shibhili (7) shiisho shikaakagha. Inyaale isho, Mbepo ihaano na shibhili (7) isha Chaala.

Bhusetuli 6:1

Po ingakabhona aKonangʼooshi kakughambula ingolya iya chindindo chimo mu fihaano na fibhili (7) fila. Po ichipelighwa chimo mu fipelighwa finna fila chikakuuta ku ishu liilyo likabha ungati kupaya ukwa fula, chikati, “Isagha!”

Bhusetuli 8:5

Po ughwandumi uyo akeegha ibhakuli lyake, akiisusha ingalashibhwe ukufuma pa chighemo, akashitaagha pa chiisu. Po ingapulika ukupaya ukwa fula, ingakabhona akalabhi, soona choope ichiisu chikayingiya.