Bhusetuli 18:3 - ULwitikano uLupya

³ Paapo abhandu abha fyisu fyoshi bhangʼwile ubhwalwa ubhukali nu kubhomba ubhushipani naghwe. Bhoope abhomalafyale abha pa chiisu bhabhombite ubhushipani naghwe. Soona bhoope abhachulushi abha pa chiisu bhabhwaghite ubhukabhi ku nongwa iya bhushipani bhwake bhuubhwo bhukindiliile.”

Bhusetuli 18:3 ပူးပေါင်းရင်းမြစ်များ

Luuka 7:25

Po kali, mukabhuukagha pakutesha kooni? Kali, mukabhuukagha pakumutesha umundu yuuyo afwalite imyenda iya mutengo umukulu? Pulikisha, abhandu bhaabho bhakufwala imyenda iya mutengo umukulu na bhaabho bhakwikala pabhwisa, bhakwikala mu nyumba ingulu isha bhomalafyale!

1 Tiimoti 5:11

Loole manye ubhabhiikaghe abhalindu abhafwile mu lubhaatiko ulwo. Paapo ifinyonywa ifya mibhili yaabho fibhaghiile ukubhashighila ukwifumya kwa Kilisiti, po bhabhaghiile ukunyonywa ukweghighwa soona.

Bhusetuli 14:8

Ughwandumi umunine ughwa bhubhili akakonga, akayugha ku ishu ilya pamwanya akati, “Kaghwile! Kaghwile lwoshi akaaya akakulu aka Bhaabheli! Paapo kakabhangʼweshanga ubhwalwa ubhukali abhandu abha fyisu fyoshi, ukuti bhanyonywange ngaani ukubhomba ubhushipani pamupeene nako.”

Bhusetuli 17:2

Abhomalafyale abha pa chiisu bhabhombite ubhushipani naghwe, soona bhoope abhandu abha pa chiisu abhaghaashishe ubhwalwa ubhukali ukuti bhabhombaghe ubhushipani pamupeene naghwe.”

Bhusetuli 18:19

Abhandu abho indibhakiikupulile ulufumbi pa mitu yaabho bhwo bhakulila ku ishu ilya pamwanya nu kuswimaana bhakuti, “Lwako, lwako kaaya akakulu! Akaaya kaako kakabhapelela abha ngalabha ubhukabhi ku nongwa iya bhukabhi bhwake. Loole akaaya ako kooshi kaakomanika ku sala yimoyeene.”

Bhusetuli 18:23

Kutaakukabheepo soona ukubhalisha ukwa bhwelu ubhwa nyaale. Lutaalukabheepo ulusekelo ulwa kweghana, paapo kutaakukabheepo soona ukweghana. Paapo abhachulushi bhaake bhakabha bhosongo abha chiisu, soona ku nongwa iya bhuloshi bhwake, akabhashimbula abhandu abha fyisu fyoshi.

Bhusetuli 18:7

Mupange ulufundo nu kumufulasha mu ndumbula yaake ukukongana na muumwo akiipaalagha nu kukongana nu bhukabhi bhwake. Umwene akiipaalagha mu ndumbula yaake akatingi, ‘Niikiile ungati ghwi malafyale umukolo, indiikiile ungati mukolo umufwile!’ Ku nongwa iya kuti indali nu mulume, indaaingaswimaane naalumo.

Bhusetuli 18:9

Abhomalafyale abha pa chiisu bhaabho bhakabhombagha ubhushipani pamupeene naghwe nu kubha bhakabhi ku nongwa iya bhushipani bhwake, indibhakalile nu kukalilila akaaya ako bhwo bhakutesha ilyoshi ilya kulungula kwake.