Bhusetuli 18:23 - ULwitikano uLupya

²³ Kutaakukabheepo soona ukubhalisha ukwa bhwelu ubhwa nyaale. Lutaalukabheepo ulusekelo ulwa kweghana, paapo kutaakukabheepo soona ukweghana. Paapo abhachulushi bhaake bhakabha bhosongo abha chiisu, soona ku nongwa iya bhuloshi bhwake, akabhashimbula abhandu abha fyisu fyoshi.

Bhusetuli 18:23 ပူးပေါင်းရင်းမြစ်များ

Mbombo isha Bhatumighwa 8:11

Abhandu bhakeendelela ukumupulikisha uSiimoni ku nongwa iya kuti akabhalilo akatali akabhaswighishanga ku mbombo isha bhuloshi bhwake.

Bhusetuli 12:9

UMikaeli na bhandumi bhaake bhakaghutaagha uMuyoka ghula, ghukaghwa pa chiisu pamupeene na bhandumi bhaake. UMuyoka ughwo yo yila njoka iya bhwila yiiyo yikwitishighwa Ibhilisi pamu Seetano, yuuyo akubhashimbula abhandu bhooshi ukuti bhabhombaghe imbiibhi.

Bhusetuli 17:2

Abhomalafyale abha pa chiisu bhabhombite ubhushipani naghwe, soona bhoope abhandu abha pa chiisu abhaghaashishe ubhwalwa ubhukali ukuti bhabhombaghe ubhushipani pamupeene naghwe.”

Bhusetuli 17:5

Pa cheeni chaake akabha ni ngamu iya chiili yiiyo yikuti, Akaaya akakulu aka Bhaabheli, Ungʼina ughwa bhomalaya ni mbombo isha kukalalisha pa chiisu

Bhusetuli 18:22

Mu kaaya mula litaalikapulikighwe naalumo ishu ilya bhandu ukwimba, ukukoma ichinanda, imbiliiti pamu amalongi. Ataaakabheepo umumanyi ughwa luko lwoshi lula yuuyo indiakabhonekaghe mu kaaya ako. Litaalikapulikighwe soona ishu ilya nyaala mu kaaya ako.

Bhusetuli 18:3

Paapo abhandu abha fyisu fyoshi bhangʼwile ubhwalwa ubhukali nu kubhomba ubhushipani naghwe. Bhoope abhomalafyale abha pa chiisu bhabhombite ubhushipani naghwe. Soona bhoope abhachulushi abha pa chiisu bhabhwaghite ubhukabhi ku nongwa iya bhushipani bhwake bhuubhwo bhukindiliile.”

Bhusetuli 18:9

Abhomalafyale abha pa chiisu bhaabho bhakabhombagha ubhushipani pamupeene naghwe nu kubha bhakabhi ku nongwa iya bhushipani bhwake, indibhakalile nu kukalilila akaaya ako bhwo bhakutesha ilyoshi ilya kulungula kwake.

Bhusetuli 21:8

Loole abhoogha, bhaabho bhataa bhiitiki, abhanyali, abhaghoghi, abhashipani, abhaloshi, bhaabho bhakwipuuta abhochaala na bhamyashi bhooshi, ubhuyo bhwabho mwo mwa sumbi yuuyo akwaka umulilo umukali ngaani ghula. Ubhu bhwo bhuubhwo bhufwe ubhwa bhubhili.”

Bhusetuli 22:15

Loole abhaloshi, abhashipani, abhaghoghi, bhaabho bhakwipuuta abhochaala na bhanine bhaabho bhiighanite ukuyugha ubhumyashi, bhooshi abho indibhakabhe kuuse ku kaaya ako ungati bhokabhwa.

Bhusetuli 22:5

Mu kaaya ako pataapakabhe nu bhushiku soona. Abhandu bhataabhakalondaghe ubhwelu ubhwa nyaale pamu isubha, paapo uMalafyale uChaala indiakabhe bhwelu bhwabho, bhoope indibhakalongoshange bhwila na bhwila.

Bhusetuli 6:15

Po abhomalafyale abha chiisu, abhalongoshi, abhosongo abha bhashikali, abhakabhi, abhandu abha bhukulumba pamupeene na bhandu abhanine bhooshi, bhabhe bhatumwa pamu bhaabhuke, bhooshi bhakiimama mu mbako na mu maalabhwe agha mu tughamba.

Bhusetuli 9:21

Soona bhatakapinduka nu kwilaata ku nongwa iya bhughoghi bhwabho, ubhuloshi bhwabho, ubhushipani bhwabho pamu ubhwifi bhwabho.