Bhusetuli 18:15 - ULwitikano uLupya

¹⁵ Abhachulushi bhaabho bhakabhwagha ubhukabhi kukwake, indibhakiime kubhutali ku nongwa iya kwoghopa indamyo isho. Indibhakalilaghe nu kuswimaana,

Bhusetuli 18:15 ပူးပေါင်းရင်းမြစ်များ

Maalika 11:17

Po akabhamanyisha, akabhabhuusha akati, “Kali, mutameenye ukuti shisimbiighwe mu Masimbo aMeelu, uChaala akuti, ‘Inyumba yangu indiyikabhe nyumba iya nyipuuto ku fyisu fyoshi’? Loole umwe muyibhiikite ukubha mbako iya bhapoka ifya bhandu.”

Mbombo isha Bhatumighwa 16:19

Bhwo abhosongo abha mulindu yula bhaamanya ukuti isila yiiyo bhakakabhilagha indalama yaafulughanika, bhakabhakola uPaabhuli nu Siila, bhakaanda ukubhaghwesania ukufika pa munaalo, bhakabhabhiika pandaashi pa bhalongi abha kaaya kala.

Bhusetuli 18:12

Ataliipo soona umundu ughwa kughula utundu twabho utwa sahabhu, utwa ndalama, amayondo agha mutengo na mambo agha mutengo ghaagho ghakungʼangʼa ngaani. Soona ataliipo umundu ughwa kughula abhokamba abhiisa, imyenda iya langi iya mandongomela pamu imikesamu ni myenda iya saatini. Ataliipo umundu ughwa kughula amakokwe agha lunuushi ulwisa, ifiliilo ifya matapwa agha mutengo, ifiliilo fiifyo fitendekeshiighwe ni mbembe, icheela pamu imalumalu.

Bhusetuli 18:13

Ataliipo umundu ughwa kughula umundalasini, iliki, ifyakufuukisha ulunuushi ulwisa pamu inyemba isha kunuukila, soona ataliipo ughwa kughula indifaayi, inyemba isha mishunguti, ubhufu ubhwisa pamu ingano. Soona ataliipo ughwa kughula ingʼombe, abhonangʼooshi, ifalaasi, amaghali agha kughuusighwa ni falaasi pamu ughwa kughula abhatumwa.

Bhusetuli 18:14

Po abhachulushi abho indibhakatingi, “Ifindu fiifyo ukafinyonywanga leka, fisobhite. Ubhukabhi nu lughindiko lwako fisobhite bhwila na bhwila.”

Bhusetuli 18:19

Abhandu abho indibhakiikupulile ulufumbi pa mitu yaabho bhwo bhakulila ku ishu ilya pamwanya nu kuswimaana bhakuti, “Lwako, lwako kaaya akakulu! Akaaya kaako kakabhapelela abha ngalabha ubhukabhi ku nongwa iya bhukabhi bhwake. Loole akaaya ako kooshi kaakomanika ku sala yimoyeene.”

Bhusetuli 18:3

Paapo abhandu abha fyisu fyoshi bhangʼwile ubhwalwa ubhukali nu kubhomba ubhushipani naghwe. Bhoope abhomalafyale abha pa chiisu bhabhombite ubhushipani naghwe. Soona bhoope abhachulushi abha pa chiisu bhabhwaghite ubhukabhi ku nongwa iya bhushipani bhwake bhuubhwo bhukindiliile.”