Bhusetuli 16:5 - ULwitikano uLupya

⁵ Po ingapulika ughwandumi yuuyo akwimilila amiishi akati, “Ghwe Mwelu, ghwe uliipo ulu, soona ghwe ukabhaapo! Ughwe ghwe ghwanalooli, soona ubhulongi bhwako ubhu bhwa nalooli.

Bhusetuli 16:5 ပူးပေါင်းရင်းမြစ်များ

Yoohani 17:25

Ghwe Taata, ghwe ghwanalooli, pamupeene nu kuti abhandu bhaabho bhatakuunyiitika bhatakumeenye, une ingumeenye na bhamanyili bhangu bhameenye ukuti ghweghwe ukaanduma.

Bhalooma 2:5

Loole ku nongwa iya kuti indumbula yaako ngafu, soona utakulonda ukwilaata imbiibhi shaako, kwibhiikila yughweghwe ulufundo ulukulu pi ishiku liilyo uChaala indiakalangishe ilyoyo lyake nu kubhalonga abhandu bhooshi mu bhwanalooli.

Bhalooma 3:5

Loole injughe ishi ungati munduushe. Linga imbiibhi shiitu shikulangisha ukuti uChaala akubhomba ubhwanalooli, kali, tuyughe kooni? Kali, tuyughe ukuti uChaala atakubhomba ubhwanalooli linga akutulonga?

Bhusetuli 1:4

Ukalata uyu akufuma kukwangu une ni Yoohani. Ingubhasimbila umwe mwe bhakongi abha Yeesu mwe muli mu fipanga fihaano na fibhili ifya mu chiisu icha Aasiya. Ingusuuma ukuti ichisa nu lutengaano ukufuma kwa Chaala yuuyo aliipo, akabhaapo, soona indiakabheepo, nu kufuma ku Mbepo ihaano na shibhili (7) shiisho shili pandaashi pa chitengu chaake icha bhunyafyale, fibhange nuumwe mweshi.

Bhusetuli 1:8

UMalafyale uChaala yuuyo aliipo, akabhaapo, indiakabheepo, soona yuuyo ghwi Chaala ughwa Maka Ghooshi akuyugha ukuti, “Une nee Aalufa soona nee Omegha.”

Bhusetuli 11:17

Bhakamupaalisha bhakati, “Tukukupaalisha Malafyale Chaala ughwa Maka Ghooshi, ughwe ghwe uliipo, soona ukabhaapo, paapo ghweghite amaka ghaako amakulu nu kwanda ukulongosha.

Bhusetuli 16:4

Po ughwandumi ughwa bhutatu ghwepe akabhuuka nu kukupula mu sooko na mu mbwibhwi ilyoyo ilya Chaala liilyo likabha mu ibhakuli lyake. Amiishi ghakasanuka ukubha libhanda.

Bhusetuli 16:7

Po ingapulika ishu ukufuma pa chighemo likuti, “Nalooli! Ghwe Malafyale Chaala ughwa Maka Ghooshi, ubhulongi bhwako bhubhaghile soona bhwa nalooli.”

Bhusetuli 19:2

paapo ubhulongi bhwake bhwa nalooli soona bhwa bhugholofu. Aamulongite umalaya usongo yuuyo akachikomanianga ichiisu ku bhushipani bhwake. UChaala amuhombite ubhubhiibhi ku nongwa iya libhanda ilya bhabhombi bhaake.”

Bhusetuli 4:8

Mu fipelighwa finna ifyo, chooshi ichipelighwa chikabha ni fipapande fihaano na chimo (6). Fyope ifipapande ifyo fikabha na maaso bhwoshi ubhuyo. Ifipelighwa ifyo fikiimbagha pabhushiku na pamuusi chishita kutuusha. Ulwimbo luulwo fikiimbagha lwo ulu, “Mwelu, Mwelu, Mwelu, ghwi Malafyale uChaala ughwa Maka Ghooshi, yuuyo akabhaapo, aliipo, soona indiakabheepo.”

Bhusetuli 6:10

Po abhandu abho bhakalila ku ishu ilya pamwanya bhakati, “Ghwe Malafyale ughwa Maka Ghooshi, ghwe Mwelu, soona ghwa nalooli, kali, kooni kukaabha? Kali, indiukabhalonge liighi abhandu abha mu chiisu nu kutaanisha ku nongwa iya kutughogha?”