Bhalooma 8:36 - ULwitikano uLupya

³⁶ Isho shiisho naayugha shili isa muumwo shisimbiighwe mu Masimbo aMeelu ukuti, “Amashiku ghooshi tukughoghighwa ku nongwa iya kukubhombela ughwe. Abhandu bhakutubhombela akabhiibhi ungati bhonangʼooshi bhaabho bhakuya pakughoghighwa.”

Bhalooma 8:36 ပူးပေါင်းရင်းမြစ်များ

Yoohani 16:2

Loole abhandu indibhakabhakiishange umwe mu masinaghoghi ghaabho. Soona, akabhalilo kakwisa kaako abhandu bhaabho bhakubhaghogha umwe, indibhakiinongʼonaghe ukuti ku sila iyo bhali pakubhomba imbombo iya Chaala.

Mbombo isha Bhatumighwa 20:24

Loole indakubhubhelenga ubhwumi bhwangu ukubha kandu aka mutengo. Akandu kaako ka mutengo kukwangu ka kuti injimaliishe imbombo yiiyo uMalafyale uYeesu aambiile iya kulumbilila iNongwa iNyiisa iya chisa icha Chaala ku bhandu bhaake.

Mbombo isha Bhatumighwa 8:32

Usongo yula akabhelengagha aMasimbo aMeelu ghaagho ghasimbiighwe ukuti, “Bhakamutangisha mundaashi isa unangʼooshi yuuyo bhakubhuuka naghwe pakumughogha. Isa muumwo akonangʼooshi kakusumbaashe bhwo bhakukabhegha ameeya ghaake, bhubhuubhwo ghwepe akasumbaashe.

1 Bhakolinti 15:30

Kali, kooni nuutwe tukwibhiika mu ndamyo lyoshi ishiku?

1 Bhakolinti 15:31

Mwe bhiitiki bhanyiitu, lyoshi ishiku ubhufwe bhuli papiipi nuune. Ili lyo liilyo likuumbela ukuti niifunaghe ku nongwa yiinyu paapo muli pamupeene nu Kilisiti uYeesu uMalafyale ghwitu.

1 Bhakolinti 4:9

Loole utwe twe bhatumighwa, ingwagha uChaala atubhiikite ukubha bhandu abha kufuuyighwa ukukinda abhandu bhooshi. Tuli ungati bhandu bhaabho bhalongiighwe ukughoghighwa pandaashi pa bhandu bhooshi. Tubhiikiighwe ukubha ungati bhandu abha kusekighwa pa chiisu, ku bhandumi na ku bhandu bhooshi.

2 Bhakolinti 1:9

Nalooli tukabha isa abhandu bhaabho bhalongiighwe ukughoghighwa. Ilyo likabhombighwa ukuti tuleke ukusubhaalila amaka ghiitu, loole tumusubhaalilaghe uChaala yuuyo akubhashuusha abhafwe.

2 Bhakolinti 11:23

Kali, abheene bhabhombi abha Kilisiti? Une indi mubhombi ughwa Kilisiti ukukinda abheene. Inguyugha ungati ghwa chighili! Une niikaakiile ngaani ukubhomba imbombo ukukinda abheene, imbinyiighwe mu nyumba iya bhapinyighwa akingi, naali papiipi ukufwa, soona ingomiighwe leka.

2 Bhakolinti 6:9

Tukubhoneka tutafumukitwe, loole ngimba tufumukitwe leka. Tukubhoneka ungati tuli bhafwe, loole ngimba tuli bhuumi. Pamupeene nu kuti tukukomighwa leka, poope tutakughoghighwa.

Bhafilipi 3:10

Une ingulonda imumanye uKilisiti na maka ghala ghala ghaagho ghakamushuusha. Ingulonda indaamighwe isa muumwo ghwepe akataamighwa nu kubha ungati indi pamupeene naghwe mu bhufwe bhwake.