1 Peeteli 2:6 - ULwitikano uLupya

⁶ Paapo shisimbiighwe mu Masimbo aMeelu ukumuyugha uKilisiti, uChaala akuti, “Tesha, mu kaaya aka Siyooni, imbiikite iyondo ikulu ilya pa nguto, soona liyondo lya lughindiko liilyo indisalite. Umundu ghweshi yuuyo akumwitika uKilisiti yuuyo ali ungati liyondo ilya pa nguto, ataaakakoshighwe isoni.”

1 Peeteli 2:6 ပူးပေါင်းရင်းမြစ်များ

Mataayi 12:18

“Tesha, uyu ghwe yuuyo mubhombi ghwangu yuuyo imusalite, mughanighwa ghwangu, yuuyo akuyihobhosha indumbula yangu. Indiingamubhiike uMbepo ghwangu pamwanya papaake, ukuti afumushange ubhwanalooli bhwangu ku fyisu fyoshi.

Maalika 12:10

Kali, umwe mutabhelengite ishi mu Masimbo aMeelu? ‘Iyondo liilyo abhasenga nyumba bhakalikaana, lyo liilyo lyabha liyondo ikulu ilya kukola pa nguto iya lwalilo ulwa nyumba.

Luuka 20:17

Loole uYeesu akabhatesha, akabhabhuusha akati, “Kali, mutabhelengite shiisho shisimbiighwe mu Masimbo aMeelu? Shisimbiighwe ukuti, ‘Iyondo liilyo abhasenga nyumba bhakalikaana, lyo liilyo lyabha liyondo ikulu ilya kukola pa nguto iya lwalilo ulwa nyumba.’

Luuka 23:35

Abhandu bhaabho bhakiima papiipi nu bhuyo bhula, bhakateshanga shiisho bhakamubhombelagha uYeesu. Abhalongoshi abha Bhayuuta bhakamwobhelagha uYeesu bhakatingi, “Akabha mwengo ukubhapoka abhandu abhanine, po iipoke mwene linga umwene ghwi Mesiiya yuuyo uChaala amusalite!”

Yoohani 7:38

Umundu ghweshi yuuyo akwisa pakungʼwa nu kuunyiitika une, indiakabhe isa muumwo shisimbiighwe mu Masimbo aMeelu ukuti, ‘Isooko isha miishi ghaagho ghakubhapa abhandu ubhwumi ubhwa bhwila na bhwila indishikafumaghe mu ndumbula yaake.’ ”

Mbombo isha Bhatumighwa 1:16

akabhabhuula akati, “Mwe bhiitiki bhanyiitu, kubhwandilo uMbepo uMwelu akamulongosha umalafyale uNdaabhiti ukusolola isha Yuuta yuuyo akabhalongosha abhandu bhala bhaabho bhakamukola uYeesu. Po ulu shooshi isho shikulondighwa shibhombighwe isa muumwo shikasimbighwa mu Masimbo aMeelu.

Bhalooma 10:11

Paapo shisimbiighwe mu Masimbo aMeelu ku sha Mesiiya ukuti, “Ghweshi umundu yuuyo akumwitika, ataaakakoshighwe isoni na kaakanandi.”

Bhaefesi 1:4

Bhwo uChaala akaali ukupela ichiisu, akatughana nu kutusala ukuti tubhe bhiitiki bhaake ku sila iya kubha pamupeene nu Yeesu Kilisiti. Akabhomba ulwo ukuti tubhe bheelu, soona bhaabho bhatali nu bhubhiibhi naabhumo pandaashi papaake.

Bhaefesi 2:20

Umwe musengiighwe pa lwalilo ulwa mbombo isha bhatumighwa ni sha bhasololi. UKilisiti uYeesu ghwe yuuyo liyondo ikulu ilya lwalilo ulwo.

2 Tiimoti 3:16

AMasimbo aMeelu ghooshi ghasimbiighwe ku sila iya kulongoshighwa nu Chaala. AMasimbo agho ghakwafwa ukumanyisha ubhwanalooli, ukubhasoka abhandu ubhubhiibhi bhwabho, ukubhagholosha paapo bhakusobha nu kubhalongosha abhandu ukuti bhabhange bhagholofu.

1 Peeteli 2:4

Bhuukagha kwa Malafyale uYeesu yuuyo liyondo ilyumi, liilyo abhandu bhakalikaana, loole uChaala akalisala nu kulighindika ngaani.

1 Peeteli 2:8

Soona shisimbiighwe ukuti, “Ili lyo liilyo liyondo liilyo abhandu indibhiipuutulaghe, soona lyalabhwe liilyo indilibhapelelaghe abhandu ukuti bhaghwange.” Abhandu bhakwipuutula ku nongwa iya kuti bhatakulyitika ishu ilya Chaala isa muumwo akabhabhaatikila ukufuma kubhwandilo.

2 Peeteli 1:20

Loole mukulondighwa mumanye taashi ukuti bhutaliipo ubhusololi mu Masimbo aMeelu bhuubhwo abhasololi abha Chaala bhakabhulingaanianga ukubhombela amahala ghaabho.

2 Peeteli 3:16

UPaabhuli ashisimbite shooshi isho mu bhokalata bhaake bhooshi, loole shimo mbala ukushaaghania, shiisho abhandu bhaabho bhatamanyiile akiisa na bhaabho bhatakalite mu lwitiko bhakushisanushanga akabhiibhi, isa muumwo bhakughasanushanga akabhiibhi na Masimbo aMeelu amanine. Ku nongwa iyo, bhakwipelela ukwipyuta bheene.