Yekile 9:6 - BAEBOLO ANZƐƐ BULUKU NWUANZANWUANZA

⁶ Mekɛ zɔhane menli bakpondɛ ewule abo zo, na bɛnrɛnwu ye; bɛbahulo kɛ bɛkɛwu, na ewule banriandi bɛ.

Yekile 9:6 ပူးပေါင်းရင်းမြစ်များ

2 Sam 1:9

Na ɔzele me kɛ, ‘Twe bikye me na ku me. Meboda kpole somaa; me nye gyi ɛbolɔ.’

Ayezaya Buluku ne 2:19

Mekɛ mɔɔ Ɛdɛnkɛma kɛmaa ɔ nwo zo kɛ ɔ nee azɛlɛ ye azo amra di la, menli banriandi ahɔvea awolɛ mbɔne nu nee azɛlɛ bo ahuma nu, bɛavi ye ɛya kpole anu ɛzulolɛ ne nee ye belemgbunlililɛ anyunlunyia ne anwo.

Gyɛlɛmaya Buluku ne 8:3

Menli mɔɔ baha munzule abusua ekpulike ɛhye anu, mɔɔ wɔ ɛleka biala mɔɔ mevoa bɛ mehɔgua la bahulo kɛ bɛkɛwu tɛla kɛ bɛkɛdɛnla ngoane nu. Medame Tumivolɛ Ɛdɛnkɛma a mese a.”

Hozia Buluku ne 10:8

Bɛbazɛkye awoka zo ɛzonlenlɛ ɛleka ne mɔ mɔɔ wɔ Evɛn mɔɔ Yizilayɛma kɔ ɛkɛ kɔsonle na bɛyɛ ɛtane la. Mbowule nee ndile bafifi bɛ azukponle ne mɔ azo. Na bɛbaha bɛahile awoka ne mɔ kɛ, “Bɛheda yɛ nwo zo!” na bɛaha bɛahile awoka ngyikyi kɛ, “Bɛdu bɛgua yɛ nwo zo.”

Edwɛkpa ne kɛmɔ Luku hɛlɛle la 23:30

Mekɛ ne anu, menli baze awoka mgbole kɛ, ‘Bɛdu bɛgua yɛ nwo zo!’ Na bɛaze awoka ngyikyi kɛ, ‘Bɛva yɛ bɛvea!’

Yekile 6:16

Na bɛdeanle bɛvɛlɛle awoka nee awolɛ ne mɔ kɛ, “Bɛragua yɛ nwo zo na bɛva yɛ bɛvea bɛmaa yɛvi mɔɔ de belemgbunli ebia kpole ne azo la anye zo, na bɛye yɛ bɛvi Boaneralɛ ne ɛya ne anu!