Yekile 9:3 - BAEBOLO ANZƐƐ BULUKU NWUANZANWUANZA

³ Abɛbɛ dɔɔnwo vi esike ne anu dwule aze na bɛmanle bɛ bɔlɔ mɔɔ le kɛ nyamenleakɛlɛ ɛdeɛ ne la.

Yekile 9:3 ပူးပေါင်းရင်းမြစ်များ

1 Arl 12:11

Saa egya zoale bɛ adesoa ɛnlomboɛ a, mame, mebazoa bɛ ye molozo. Saa egya vale nɛnemile a bilale bɛ a, mame, mebava empele a meabila bɛ a.’ ”

2 Edk 10:11

Saa egya zoale bɛ adesoa ɛnlomboɛ a, mame, mebazoa bɛ adesoa mɔɔ tɛla egya ɛdeɛ ne. Egya vale nɛnemile a bole bɛ a, na mame, mebava empele mɔɔ anloa yɛ nyane kɛ nyamenleakɛlɛ ɛbɔlɛ la a meabila bɛ a.’ ”

2 Edk 10:14

Belemgbunli Rilihɔbowam dendɛle, kɛmɔ mgbavolɛ ne mɔ zele ye la na ɔhanle kɛ, “Egya zoale bɛ adesoa ɛnlomboɛ, na mame, mebava bie meaboka nwolɛ. Egya vale nɛnemile a bole bɛ a, na mame, mebava empele mɔɔ anloa yɛ nyane kɛ nyamenleakɛlɛ ɛbɔlɛ la a meabila bɛ a.”

Ayezaya Buluku ne 33:4

na menli wuluwulu maanle maanle ne mɔ anu kɛ abɛbɛ, na bɛfe zolɛ ninyɛne kɔsɔɔti kɛ nyangomango di nya la.

Yizikeɛle Buluku ne 2:6

“Na wɔmɔ, sonla ra, mmasulo bɛ, yɛɛ mmasulo mɔɔ bɛkeha la. Ɔbayɛ kɛ ɛla mbowule nu anzɛɛ ɛde nyamenleakɛlɛ avinli. Noko mmasulo bɛ ngehanleɛ yɛɛ mmamaa bɛ anyehoanlɛ ne mɔ tu wɔ ahonle, ɔluakɛ bɛle menli mɔɔ ɛde atua a.

Dwowɛle Buluku ne 1:4

Mɔɔ abɛbɛ mɔɔ pɛ la pɛle na mɔɔ hale la, abɛbɛ tɔka ralile. Mɔɔ abɛbɛ tɔka ne gyakyile la, abɛbɛ bɛnyebɛnye ne mɔ ralile, yɛɛ mɔɔ abɛbɛ bɛnyebɛnye ne mɔ gyakyile la, abɛbɛ sɛkyevolɛma ralile.

Dwowɛle Buluku ne 2:25

Ɛvolɛ dodo ma mɔɔ abɛbɛ ne mɔ lile la mebava ɔ muala meamaa bɛ. Abɛbɛ bɛnyebɛnye, sɛkyera nee mɔɔ pɛ ma ne mɔ la, ɛlɔne kpole ne, medame a menzoanle ɛlɔne ɛhye bɛ nwo zo a.

Nahum Buluku ne 3:15

Senle ne bava bɛ aze wɔ ɛkɛ, bɛbayia dadeɛ na yeali bɛ kɛ abɛbɛ di nya. Bɛmaa bɛ nwo ɛzo, bɛyɛ mɔnwo mɔnwo kɛ abɛbɛ nee kɛlatua!

Nahum Buluku ne 3:17

Wɔ mgbanyima ne mɔ le kɛ kɛlatua, wɔ suakunlu mbɔlɔba le kɛ abɛbɛ kpolane, maanle nu dwo a, bɛtɛnlɛdɛnla bane ti; saa ewia finde a, ɛnee bɛdu bɛhɔ; awie ɛnze ɛleka mɔɔ bɛkɔ a.

Edwɛkpa ne kɛmɔ Luku hɛlɛle la 10:19

Na bɛdie! Memaa bɛ tumi wɔ Kpɔvolɛ ne anwo zo. Eza memaa bɛ tumi kɛ bɛtietia nwɔlɛ nee nyamenleakɛlɛ nwo zo na debie biala ɛnrɛyɛ bɛ.

Mɛla 8:15

Yemɔ yɛɛ ɔvale bɛ gyɛlɛɛnye ɔpɛle ɛsɛlɛ kpole azo ɛzulolɛ ne a. Ɛnee zolɛ le nwɔlɛ anwo ɛzulolɛ nee nyamenleakɛlɛ ngome, yɛɛ eza nzule ɛnle zo, noko ɔmanle nzule vi bodane nu zenle manle bɛ.

Yekile 9:5

Bɛzele abɛbɛ ne mɔ kɛ bɛmmaku menli ɛhye mɔ, na bɛkeka bɛ toonwo siane nnu. Saa bɛka a ye nyane le kɛ nyamenleakɛlɛ ɛbɔ sonla la.

Yekile 9:7

Saa ɛnea abɛbɛ ne mɔ a bɛle kɛ mgbɔnwɔ mɔɔ bɛziezie bɛ kɛ bɛ nee bɛ kɔ konle la. Debie bie mɔɔ le kɛ ezukoa abɔtile la bobɔ bɛ ti, yɛɛ bɛ nyunlu maanle ne le kɛ sonla ɛdeɛ ne la.

Maanlebuvolɛma Buluku ne 7:12

Medeanema, Amalɛkema, yɛɛ Aduduleɛ ɛsɛlɛ ne azo amra ne mɔ ɛyɛ menyemenye kɛ azonlɛ la wɔ bɔnza ne anu, yɛɛ afunlumu mɔɔ bɛlɛ la zonle kɛ ɛnweazo anwea.