Yekile 9:16 - BAEBOLO ANZƐƐ BULUKU NWUANZANWUANZA

¹⁶ Mendele kɛ sogyama mɔɔ dede mgbɔnwɔ zo la angome le mgbe ngoko ɛya nwiɔ.

Yekile 9:16 ပူးပေါင်းရင်းမြစ်များ

Edwɛndolɛ Buluku ne 68:17

Ɔvale konle ehwili dɔɔnwo, apenle bulu mɔnwo, apenle apenle kɛyɛ nyɛ, Awulae vi Saenae rale ɛleka nwuanzanwuanza ne.

Yizikeɛle Buluku ne 23:6

Bɛle sogyama mɔɔ wula adɛladeɛ kɔkɔlɛ, amɛnladoma nee safohyenlema mgbanyinli. Bɛ muala bɛle mgbavolɛ mɔɔ anwo yɛ fɛ, yɛɛ bɛka mgbɔnwɔ.

Yizikeɛle Buluku ne 38:4

Mebabɔ wɔ nzɛla na meava koba meabɔ wɔ awudwɔlɛ meava wɔ meara, ɛdawɔ nee wɔ ɛlɔnema amuala, wɔ mgbɔnwɔ nee menli mɔɔ ka mgbɔnwɔ, mɔɔ bɛ muala bɛwulowula konle adɛladeɛ, bɛ nwo zonle kpalɛ na bɛdedɛ bɛ sa nu enyinlike, bɛkola dadeɛ to;

Daneɛle Buluku ne 11:40

“Ɔka ekyii na mekɛ mɔɔ Nyamenle ɛhile la adwu a, Yigyibiti belemgbunli ne bava konle ahɔdoa Selea belemgbunli ne. Selea belemgbunli ne bava ye anwosesebɛ muala, ye konle ehwili ne mɔ, ye mgbɔnwɔ nee ye meli dɔɔnwo ne ara ɔ nwo zo kɛ ahumuakyima. Ɔbahɔ maanle dɔɔnwo anwo zo na yeali bɛ nwo zo konim.

Daneɛle Buluku ne 7:10

Senle mɔɔ se kɛ azule la vi ebia ne anu finde. Menli apenle apenle zonlenle ye, yɛɛ menli apenle bulu mɔnwo apenle bulu gyigyi ɔ nyunlu ɛkɛ. Akee bɛdɛnlanle aze kɛ bɛdi edwɛkɛ na bɛbukebukele mbuluku ne mɔ anu.

Yekile 5:11

Mendole me nye bieko, na mendele Nyamenle soanvolɛma apenle apenle nee mgbe mgbe ane. Bɛbɔle bɛyiale belemgbunli ebia kpole ne, tease abɔdeɛ nna ne nee mgbanyima ne mɔ,

Yekile 7:4

Na mendele menli mɔɔ bɛvale Nyamenle sɛkɛlɛneɛ ne bɛyɛle bɛ nzonlɛ wɔ bɛ nwoma zo la dodo. Menli apenle ngoko ɛya ko, abulanla nee nna (144,000) a bɛyɛle bɛ nzonlɛ a. Bɛ muala bɛvi Yizilayɛ mbusua ekpunli ekpunli bulu nee nwiɔ ne anu.