Yekile 8:7 - BAEBOLO ANZƐƐ BULUKU NWUANZANWUANZA

⁷ Nyamenle soanvolɛ ne mɔɔ lumua la bɔle ye aweɛne tendenle ne anu. Na bɛwolale ezuawolɛ nee senle, mɔɔ bɛva mogya bɛfonla ye la bɛguale azɛlɛ ye azo. Azɛlɛ ye anu hyɛle nsa, na ko yelale bɔkɔɔ manle mbaka nee ndile mɔɔ wɔ zolɛ la dɔle nzonle.

Yekile 8:7 ပူးပေါင်းရင်းမြစ်များ

Edwɛndolɛ Buluku ne 105:32

Ɔmanle ezuawolɛ dɔle, na ɛsɛnlɛmanye kpakyele maanle ne anu amuala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:33

Yemɔti Mosisi vi belemgbunli ne anwo ɛkɛ hɔle na ɔyele ɔ nwo suakpole ne azo. Ɔdɛlɛle ɔ sa nu ɔzɛlɛle Ɛdɛnkɛma na maanle nu ɛhululɛ ne gyakyile, ezuawolɛ ne gyakyile ɛdɔlɛ, na ezule ɛdɔlɛ bilididi andɔ azɛlɛ ne azo bieko.

Ayezaya Buluku ne 28:2

Bɛnlea, Awulae lɛ awie mɔɔ le katakyie na ɔ nwo yɛ se la; ahenle zɔhane le kɛ ahumu mɔɔ ɛlɛtu atete ezuawolɛ agua la, ahumu kpole mɔɔ sɛkye ninyɛne, ahumu anloa ɛsesebɛ mɔɔ maa azule yi bu aze la; ɔbava ɛzɛkyelɛ kpole yeara, yeadudu debie biala yeagua.

Ayezaya Buluku ne 29:6

Tumivolɛ Ɛdɛnkɛma bava ɛnelɛ kpole, ɛhululɛ nee azɛlɛkpusulɛ aralie wɔ. Ɔbara kɛ ahumuakyima nee ahumu kpole, yɛɛ sendɔlɔra senle la.

Ayezaya Buluku ne 30:30

Ɛdɛnkɛma bamaa bɛade ɔ ne ɛzulolɛ ne na bɛanwu ye tumi kpole ne wɔ ɛyavalɛ kpole nee sendɔlɔra kpole nu, ahumu nee ezuawolɛ ɛdɔlɛ nu.

Ayezaya Buluku ne 32:19

(Saa bɛso kpɔkɛ ne bɔbɔ a, ezuawolɛ badɔ kpole, na suakpole ne azo ayɛ alɔbɔlɛ.)

Yizikeɛle Buluku ne 38:22

Mebava ewulenzane nee mogya ɛhanlɛ a meadea ye a. Mebamaa ezuawolɛ, senle nee sɔlefe adɔ bilididi agua ye nee ye ɛlɔnema nee maanle maanle mɔɔ yehwe bɛ yeli ɔ nzi la anwo zo.

Dwowɛle Buluku ne 2:30

“Mebahile kenle ne anwo sɛkɛlɛneɛ wɔ anwomanyunlu nee azɛlɛ ye azo; bɛbaha mogya bɛagua, senle nee esike mungumungu bavinde.

Gyemise Kɛlata ne 1:11

Sɛnzɛne ne tudu a ɔfi ye ewia wuluwulu ne ɔbɔ ndile ɔmaa ɔkyengye, ye ndotolo ne kpolo gua, na ɔminle ye kɛnlɛma ne. Zɔhane ala yɛɛ sukoavolɛ mɔɔ anye wɔ ye gyima nwo ala la baminli a.

Dwɔhyua Buluku ne 10:11

Mekɛ mɔɔ Amɔlema nriandi Yizilayɛma wɔ Bɛte Hɔlɔn Boka ne ndololeɛ nu la, Ɛdɛnkɛma manle ezuawolɛ mgbole dɔle guale bɛ nwo zo toonwo bɛdwule Azika. Ezuawolɛ mgbole zɔhane mɔɔ dɔle la hunle Amɔlema dɔɔnwo dɛlale mɔɔ Yizilayɛma mumua ne hunle bɛ la.

1 Pit 1:24

Nyamenle Edwɛkɛ ne se, “Menli kɔsɔɔti le kɛ ndile, bɛ anyunlunyia le kɛ ndotolo. Ndile ne nwoso na ndotolo ne kpolo,

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 16:2

Nyamenle soanvolɛ ne mɔɔ lumua la hɔle na ɔhɔwolale ye dwora ɛdeɛ ne anu ɛya ne ɔguale azɛlɛ ne azo. Na nganlɛ mgbole mɔɔ fofo na ɔbɔ la vindele bɛdabɛ mɔɔ bɛlɛ nane ne sɛkɛlɛneɛ ne wɔ bɛ nwo nee bɛdabɛ mɔɔ bɛzonlenle ye ananze ne la anwo.

Yekile 16:21

Ezuawolɛ mgbole mɔɔ ko to tone nu tɔno ɛya la dɔle bilididi guale menli nwo zo. Yemɔti menli bɔle Nyamenle sasa, ɔboalekɛ nyane ɛhye bole zolɛ.

Yekile 6:8

Meneanle, na menwunle sonla bie mɔɔ bɛfɛlɛ ye Ewule, kɛ ɔde ɛkpɔnwɔ nzonle bie azo ɔlɛba. Ɛbolɔ li ɔ nzi ɛkɛ ne ala. Bɛhyɛle azɛlɛ ye anu nna na bɛmanle bɛ tumi kɛ bɛva dadeɛ, ɛhɔne, anwonyane nee nanemgbole bɛhu menli mɔɔ wɔ ko azo la amuala.

Yekile 7:1

Ɛhye anzi menwunle Nyamenle soanvolɛma nna kɛ bɛgyigyi azɛlɛ ye muleɛ nna ne mɔ azo na bɛdedɛ ewiade anwoma ngakyile nna ne anu, amaa anwoma biala ambɔ azɛlɛ ye azo, nyevile nye anzɛɛ baka nwo.

Yekile 9:15

Bɛzianyinle bɛ, ɔluakɛ bɛvale bɛ bɛziele ɛkɛ ne kɛ dɔnehwele ne ala anu, kenle ko ne ala, siane ne ala anu, wɔ ɛvolɛ ne ala anu, bɛhyɛ menli mɔɔ wɔ ewiade la anu nsa na bɛhu nuhua ko.

Yekile 9:18

Bɛvale senle ne, esike ne, yɛɛ sɔlefa ne mɔɔ vi mgbɔnwɔ ne mɔ anloa anu finde la bɛhyɛle aleɛabo amra anu nsa na bɛhunle nuhua ko.

Yekile 9:4

Bɛzele bɛ kɛ bɛmmasɛkye ndile anzɛɛ mbaka nee nya amolɛ biala, na bɛkeka menli mɔɔ ɛnlɛ Nyamenle nzonlɛ ne bie bɛ nwoma azo la.