Yekile 8:5 - BAEBOLO ANZƐƐ BULUKU NWUANZANWUANZA

⁵ Nyamenle soanvolɛ ne akee vale azu mokyea ne anu samɛnlankɛ ne bie guale ɛyɛlɛ dwora ne anu na ɔvuandinle dwora ne ɔdole azɛlɛ ye azo. Na maanle nu hulule mgbole bie, ɛsɛlɛmanye kpakyele, na azɛlɛ kpusule.

Yekile 8:5 ပူးပေါင်းရင်းမြစ်များ

1 Arl 19:11

Ɛdɛnkɛma zele Yilaegya kɛ, “Finde bagyinla me nyunlu wɔ boka ne azo.” Ɛdɛnkɛma akee razenle ɛkɛ, na anwoma bɔle na ahumu dule kpole bie manle awolɛ kpukekpukele, noko ɛnee Ɛdɛnkɛma ɛnle anwoma ne anu; ahumu ne anzi, azɛlɛ kpusule, noko ɛnee Ɛdɛnkɛma ɛnle azɛlɛkpusulɛ ne anu.

Edwɛndolɛ Buluku ne 18:13

Ɛdɛnkɛma hulule anwuma lɔ, Anwuma Anwumanli ne ane lieliele; na ezuawolɛ nee senle samɛnlankɛ dɔle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:16

Kenle nsa ne azo nwonlomɔ ne, ezule hulule na maanle nu vedevedele. Amungu kumɔɔnwo hedale boka ne azo, bɛwule aweɛne tendenle ne anu tendenle bie, na menli ne mɔɔ wɔ azokoɛleɛ ɛkɛ ne la amuala anwo wozole bɛ.

Ayezaya Buluku ne 29:6

Tumivolɛ Ɛdɛnkɛma bava ɛnelɛ kpole, ɛhululɛ nee azɛlɛkpusulɛ aralie wɔ. Ɔbara kɛ ahumuakyima nee ahumu kpole, yɛɛ sendɔlɔra senle la.

Ayezaya Buluku ne 30:30

Ɛdɛnkɛma bamaa bɛade ɔ ne ɛzulolɛ ne na bɛanwu ye tumi kpole ne wɔ ɛyavalɛ kpole nee sendɔlɔra kpole nu, ahumu nee ezuawolɛ ɛdɔlɛ nu.

Ayezaya Buluku ne 66:6

Bɛdie alɛra kpole ne mɔɔ wɔ suakpole ne azo lɔ la! Ɛnelɛ ne vi Ɛzonlenlɛ Sua ne anu! Ɛdɛnkɛma ane ɔ, na ɔlɛtea ye kpɔvolɛma ne!

Gyɛlɛmaya Buluku ne 51:11

“Bɛzi atwɛ ne mɔ! Bɛgyela bɛ enyinlike ne mɔ!” Ɛdɛnkɛma ɛne. Yemaa Medea arelemgbunli anwosesebɛ, ɔluakɛ yeva yezie ɔ nyunlu kɛ ɔsɛkye Babelonia, yeava yeali mɔɔ bɛyɛle bɛtiale ye Ɛzonlenlɛ Sua ne la anwo nzenralɛ.

Sɛlɛ 16:12

Akee ɔbava kyɛnze mɔɔ bɛfa bɛkpu ɛyɛlɛ la yeavula samɛnlankɛ wɔ Ɛdɛnkɛma azukponle ne azo, na eza yeavula ɛyɛlɛ evuanlɛ mɔɔ bɛnlu ye ekyii la ɔ sa nwiɔ yeara mgbɛnu ɛdanlɛ ne akunlu wɔ Nwuanzanwuanza nu Nwuanzaanwu Ɛleka ne.

Zɛkalaya Buluku ne 14:5

Bɛbanriandi bɛahɔ me awoka ne mɔ bɔnza ne anu, ɔluakɛ bɔnza ne anu badɛlɛ toonwo adwu Ezɛle. Bɛbanriandi, kɛmɔ bɛ nlenya mɔ nriandile azɛlɛkpusulɛ mekɛ ne anu wɔ Dwuda Belemgbunli Ɛzaya mekɛ zo la. Akee Ɛdɛnkɛma bɛ Nyamenle ne bara, na ɔ nee Nyamenle menli ne mɔ amuala ara.

Edwɛkpa ne kɛmɔ Mateyu hɛlɛle la 24:7

Maanle nee maanle baho atia bɛ nwo, arelemgbunli badwazo arelemgbunli nwo zo, sane bara, yɛɛ azɛlɛ bakpusu ɛleka muala.

Edwɛkpa ne kɛmɔ Luku hɛlɛle la 12:49

“Membale kɛ mebado senle wɔ azɛlɛ ye azo, yɛɛ me kunlu a anrɛɛ yezɔ dɛbadɛba.

Ɛzoanvolɛma Gyima ne 16:26

Arɛlevilɛ nu ala azɛlɛ kpusule kpole bie na efiade ne adiabo ne kpusule. Na ɛkɛ ne ala efiade ne nlenkɛ ne mɔ amuala bukebukele na nwɔnzɔnwɔnzɔ mɔɔ dedɛ bɛ la amuala kpolokpolole guale.

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Yekile 11:13

Mekɛ ne anu ala, azɛlɛ kpusule kpole bie; suakpole ne anu hyɛle bulu na ko zɛkyele bɔkɔɔ. Menli apenle nsuu wule azɛlɛkpusulɛ ne anu. Na menli mɔɔ hale la ahonle dule kpole na bɛyeyɛle Nyamenle mɔɔ wɔ anwuma la.

Yekile 11:19

Na bɛbukele Nyamenle Ɛzonlenlɛ Sua ne mɔɔ wɔ anwuma lɔ la, na Ngyekyeleɛ Ɛlɛka ne anwo lale ɛkɛ ne wienyi. Na ɛsɛlɛmanye kpakyekpakyele, maanle nu hulule, azɛlɛ kpusule, na ezuawolɛ dɔle kpole bie.

Yekile 4:5

Ɛsɛlɛmanye kpakye fi belemgbunli ebia kpole ne anwo finde, yɛɛ ɛnelɛ mgbole mɔɔ kulu kɛ bokile ezule la vi ebia kpole ne anwo finde. Tɛkɛ nsuu sɔ belemgbunli ebia kpole ne anwo, na bɛmɛ a le Nyamenle Sunsum nsuu ne.

Yekile 6:12

Eza menwunle kɛ Boaneralɛ ne ɛwaye ɛyɛlɛ ne mɔɔ tɔ zolɛ nsia la. Na nea, azɛlɛ kpusule kpole bie, na sɛnzɛne ne yɛle bile kɛ ɛdanlɛ dokyi anzɛɛ bilizi, na siane ne yɛle kɔkɔlɛ yɔɔnwo kɛ mogya.

Yekile 8:3

Nyamenle soanvolɛ ko noko mɔɔ lɛ ezukoa nvutuke dwora mɔɔ bɛyela ɛyɛlɛ evuanlɛ nu la ragyinlanle azukponle ne anwo. Bɛmanle ye ɛyɛlɛ dɔɔnwo kɛ ɔva ɔboka Nyamenle menli ne nzɛlɛlɛ ne anwo na ɔkpu ye wɔ ezukoa nvutuke azukponle ne mɔɔ gyi belemgbunli ebia kpole ne anyunlu la azo.