Yekile 8:3 - BAEBOLO ANZƐƐ BULUKU NWUANZANWUANZA

³ Nyamenle soanvolɛ ko noko mɔɔ lɛ ezukoa nvutuke dwora mɔɔ bɛyela ɛyɛlɛ evuanlɛ nu la ragyinlanle azukponle ne anwo. Bɛmanle ye ɛyɛlɛ dɔɔnwo kɛ ɔva ɔboka Nyamenle menli ne nzɛlɛlɛ ne anwo na ɔkpu ye wɔ ezukoa nvutuke azukponle ne mɔɔ gyi belemgbunli ebia kpole ne anyunlu la azo.

Yekile 8:3 ပူးပေါင်းရင်းမြစ်များ

1 Arl 7:50

ahɔpo, dabekɛ, dwora mɔ, kula mɔɔ bɛgua ɛyɛlɛ nu, nee ahyɛnze mɔɔ bɛfa samɛnlakɛ bɛgua nu, yɛɛ akee Nwuanzanwuanza Nu Nwuanzaanwu Ɛleka ne anlenkɛ nee Ɛzonlenlɛ Sua mumua ne nlenkɛ ne mɔ ndɛla. Ɛhye mɔ amuala, bɛvale ezukoa nvutuke a bɛyɛle a.

Edwɛndolɛ Buluku ne 141:2

Maa me nzɛlɛlɛ ɛyɛ kɛ ɛyɛlɛ evuanlɛ wɔ ɛ nyunlu, na fa me sa mɔɔ memaa ye zo la kɛ nɔsolɛ azubɔlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:26

Ɔvale ezukoa nvutuke azukponle ne ɔziele Ndanlɛ Sua ne anu mgbɛnu ɛdanlɛ ne anyunlu

Ayezaya Buluku ne 6:6

Akee tease abɔdeɛ ne mɔ anu ko dule rale me nwo ɛkɛ, ɔlɛ samɛnlankɛ mɔɔ ɛdɔlɔ woonwu wɔ fefadeɛ ti la ɔ sa anu. Ɔvale samɛnlankɛ ne wɔ azukponle ne senle ne anu.

Yizikeɛle Buluku ne 41:22

baka azukponle a. Ye anwumahɔlɛ le mita ko nee foa ko yɛɛ ye tɛtɛlɛ le mita ko. Bɛvale ndaboa a bɛyɛle ye mgbɛnezo ne mɔ, ɔ bo ne nee ye tɛbanu tɛbanu ne mɔ a. Na nrenya ne zele me kɛ, “Ɛkponle ɛhye a gyi Ɛdɛnkɛma anyunlu a.”

Emɔzo Buluku ne 9:1

Menwunle kɛ Ɛdɛnkɛma gyi azukponle ne anwo, na ɔzele me kɛ: “Si Ɛzonlenlɛ Sua ne mpila ndendenle ne mɔ ati ne mɔ ɛsesebɛ maa nwolodo ne mɔ ɛkpusu. Bubu bɛ maa bɛha bɛgua menli ne amuala ati zo. Mebava dadeɛ meahu menli mɔɔ kɛha la; ko bɔbɔ ɛnrɛhola nriandi; kokye bɔbɔ ɛnrɛvi ɛsalɛ.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:11

“Bɛva ɛdanlɛ buluwu bɛheda ezukoa nvutuke azukponle ne anwo, bɛva nwoma kɛnlɛma bɛheda zo na bɛva ye mbaka mɔɔ bɛfa bɛsoa la bɛwulowula ye ngɛba ne mɔ anu.

Edwɛkpa ne kɛmɔ Luku hɛlɛle la 1:10

kɛ ɔkakpu ɛyɛlɛ. Mekɛ ne anu ɛnee menli gua alie nwo nehane na bɛlɛsɛlɛ.

Wulo 8:34

Nwane a kɛhola kɛbua bɛ fɔlɛ a? Asoo Kelaese Gyisɛse, mɔɔ wule, na bɛdwazole ye bɛrale ngoane nu, na ɔde Nyamenle asa fema zo ɛlɛsɛlɛ Nyamenle amaa yɛ la ɔ?

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

Kɛlata mɔɔ bɛhɛlɛle bɛhɔmanle Hibuluma la 9:4

Ɛke yɛɛ ezukoa azukponle ne mɔɔ bɛkpu ɛyɛlɛ zo yɛɛ Ngyekyeleɛ Ɛlɛka ne mɔɔ bɛva ezukoa nvutuke bɛyɛ ye sɔɔnwo la wɔ a. Ezukoa dwora ne mɔɔ mana wɔ nu la gyi Ɛlɛka ne anu. Aalɔn baka ne mɔɔ kpakyele nya, nee awolɛ ndɛbandɛba nwiɔ ne mɔɔ bɛhɛlɛ mɛla ne zolɛ la wɔ Ɛlɛka ne anu.

Yekile 10:1

Akee menwunle Nyamenle soanvolɛ anwo ɛzulolɛ bieko kɛ ɔvi anwuma ɔlɛba. Ɔvea amungu nu na nyangondonle ɛdo ɛbɛnra ɔ ti; ɔ nyunlu ta kɛ sɛnzɛne, na ye ɛnantuo ɛdɔlɔ woonwu kɛ sua sika kpole bie mɔɔ senle la nu la.

Yekile 14:18

Akee Nyamenle soanvolɛ ko, mɔɔ yemɔ a ɔnea senle ne la vi azukponle ne abo vindele. Ɔdeanle nu ɔzele mɔɔ lɛ ɛdedadeɛ nlane ne la kɛ, “Ewiade vanye ma ne ɛbolo na fa wɔ dadeɛ ne te bɛ muala!”

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.

Yekile 6:9

Boaneralɛ ne eza wayele ɛyɛlɛ ne mɔɔ tɔ zolɛ nnu la. Na menwunle kɛ bɛdabɛ mɔɔ Nyamenle edwɛkɛ ne ati, nee bɛdabɛ mɔɔ bɛlile daselɛ nɔhalɛ nu la ati bɛhu bɛ la ɛkɛla ne mɔ dede azukponle ne abo.

Yekile 7:2

Na menwunle Nyamenle soanvolɛ ko kɛ ɔlɛ tease Nyamenle ne nzonlɛyɛlɛ sɛkɛlɛneɛ ne, ɔvi aduduleɛ ɔlɛba. Ɔdeanle nu ɔvɛlɛle Nyamenle soanvolɛma nna ne mɔɔ Nyamenle ɛmaa bɛ tumi kɛ bɛzɛkye azɛlɛ ye nee nyevile la,

Yekile 8:4

Ɛyɛlɛ ne esike ne nee Nyamenle menli ne nzɛlɛlɛ ne vi Nyamenle soanvolɛ ne asa nu hɔle Nyamenle anyunlu wɔ anwuma.

Yekile 8:5

Nyamenle soanvolɛ ne akee vale azu mokyea ne anu samɛnlankɛ ne bie guale ɛyɛlɛ dwora ne anu na ɔvuandinle dwora ne ɔdole azɛlɛ ye azo. Na maanle nu hulule mgbole bie, ɛsɛlɛmanye kpakyele, na azɛlɛ kpusule.

Yekile 9:13

Nyamenle soanvolɛ ne mɔɔ tɔ zolɛ nsia la bɔle ye aweɛne tendenle ne. Na mendele kɛ ɛnelɛ bie vi ezukoa azukponle ne mɔɔ wɔ Nyamenle anyunlu ɛkɛ ne la mgbɛnezo nna ne mɔ anu vindele.