Yekile 8:2 - BAEBOLO ANZƐƐ BULUKU NWUANZANWUANZA

² Akee menwunle Nyamenle soanvolɛma nsuu ne mɔɔ gyigyi Nyamenle anyunlu ɛkɛ ne la, na bɛvale aweɛne ndendenle nsuu bɛmanle bɛ.

Yekile 8:2 ပူးပေါင်းရင်းမြစ်များ

Zɛkalaya Buluku ne 4:10

Awie biala mɔɔ ɛkpo mekɛ mɔɔ ɛnee bɛlɛyɛ ninyɛne ngyikyi ngyikyi la bali fɛlɛko, na ɔbanwu kɛ Zɛlubabɛle gua zolɛ ɛlɛsi sua ne. “Ahɛnlaneɛ nsuu ɛhye mɔ a le Ɛdɛnkɛma anye ne mɔɔ ɔfa ɔnea ewiade amuala la.”

Edwɛkpa ne kɛmɔ Mateyu hɛlɛle la 18:10

“Bɛnlea na bɛambu ngakula ɛhye mɔ anu biala, kɛ ɔle mgbane, ɔluakɛ anwuma lɔ, bɛ soanvolɛma nwu Egya mɔɔ wɔ anwuma la anyunlu dahuu. [

Edwɛkpa ne kɛmɔ Mateyu hɛlɛle la 24:31

Bɛbabɔ aweɛne kpole ne anu, na mebamaa me soanvolɛma ahɔ ewiade muleɛ ne amuala azo, bɛahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔdwu ɔ bo.

Edwɛkpa ne kɛmɔ Luku hɛlɛle la 1:19

Nyamenle soanvolɛ ne buale kɛ, “Mame a mele Nyamenle soanvolɛ kpanyinli ne mɔɔ bɛfɛlɛ ye Geebeleɛle la. Mame a megyi Nyamenle anyunlu a, yɛɛ yezoa me kɛ menva nrɛlaleɛ fɛlɛko ɛhye membɛlɛ wɔ a.

Edwɛkpa ne kɛmɔ Luku hɛlɛle la 21:36

Zɔhane ati bɛzinza na bɛzɛlɛ dahuu na bɛanyia anwosesebɛ bɛali ninyɛne ɛhye mɔ mɔɔ basisi la anwo zo konim, na bɛahola medame Sonla Ra, me nyunlu gyinla.”

1 Tɛs 4:16

Yɛbade kɛ bɛha tumi edwɛkɛ ne wɔ anwuma lɔ, yɛbade Nyamenle soanvolɛ kpanyinli ne ane, bɛbabɔ Nyamenle aweɛne tendenle ne anu, na Awulae ɔdaye mumua ne ɔvi anwuma lɔ ɔbadwu aze. Bɛdabɛ mɔɔ bɛdie Kelaese bɛdi na bɛwu la balumua adwazo avi ewule nu;

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

Yekile 16:1

Akee mendele ɛnelɛ kpole bie wɔ Ɛzonlenlɛ Sua ne anu kɛ ɔlɛka yeahile Nyamenle soanvolɛma nsuu ne kɛ, “Bɛhɔ, bɛhɔwola Nyamenle ɛya ne mɔɔ wɔ dwora ne mɔ anu la bɛgua azɛlɛ ne azo!”

Yekile 8:13

Na memanle me ti zo la, mendele kɔleɛ kpole bie mɔɔ ɛdu faa la ane wɔ nyamenle ne ako abo nehane kɛ ɔlɛtea nu yeaha kɛ, “Bɛ gyakɔ! Bɛ gyakɔ! Bɛ gyakɔ! Saa Nyamenle soanvolɛma nsa ne mɔɔ ɛha la bɔ bɛ aweɛne ndendenle ne mɔ anu a, bɛdabɛ mɔɔ bɛde azɛlɛ ye azo la, bɛ gyakɔ!”

Yekile 8:6

Akee Nyamenle soanvolɛma nsuu ne boɔboale bɛ nwo kɛ bɛbɔ bɛ aweɛne ndendenle nsuu ne mɔ anu.

Yekile 9:1

Akee Nyamenle soanvolɛ ne mɔɔ tɔ zolɛ nnu la bɔle ye aweɛne tendenle ne anu. Na menwunle kɛ ɛwɔlɔra bie vi anwuma ɛdu ɛradɔ azɛlɛ ye azo, na bɛva azɛlɛ kuma ne mɔɔ ɛnlɛ ɔ bo la sanvɛ ne bɛwula ɔ sa nu.