Yekile 8:12 - BAEBOLO ANZƐƐ BULUKU NWUANZANWUANZA

¹² Akee Nyamenle soanvolɛ ne mɔɔ tɔ zolɛ nna la bɔle ye aweɛne tendenle ne. Sɛnzɛne ne anu hyɛle nsa, bɛbɔle ko, na ye ɛdalɛ ne nlunle; siane ne anu hyɛle nsa, yɛɛ nwɔlɔra ne mɔ anu hyɛle nsa na bɛ nuhua ngoko nlunle. Yemɔti alehyenlɛ nu hyɛle nsa mɔɔ sɛnzɛne ɛnvinde ko anu a, yɛɛ aledwolɛ noko anu hyɛle nsa mɔɔ siane nee nwɔlɔra ɛnda ko anu a.

Yekile 8:12 ပူးပေါင်းရင်းမြစ်များ

Ayezaya Buluku ne 13:10

Anwomanyunlu nwɔlɔra nee bɛ sɔsɔkɛ ne amuala, biala ɛnrɛda; sɛnzɛne ne balu wɔ ye ɛdudulɛ nu, yɛɛ siane ne ɛnrɛda.

Ayezaya Buluku ne 24:23

Akee siane ne balu kisii na sɛnzɛne ne ɛnrɛda bieko, ɔluakɛ Tumivolɛ Ɛdɛnkɛma bali belemgbunli wɔ Zayɔn Boka nee Gyɛlusalɛm na yeahile ye anyunlunyia ne wɔ ye mgbanyima ne mɔ anyunlu.

Gyɛlɛmaya Buluku ne 4:23

Meneanle azɛlɛ ye azo, na nea, ɛnee yedɔ mgbane, ɛhwee ɛnle zo; meneanle anwuma, na anwumaneamra anda.

Dwowɛle Buluku ne 2:10

Saa bɛlɛba a azɛlɛ kpusu, anwumaneamra anwo wozo bɛ. Sɛnzɛne ne nee siane ne du, na nwɔlɔra gyakyi ɛdalɛ.

Dwowɛle Buluku ne 2:31

Sɛnzɛne ne balu kisii, na siane ne ayɛ kɔkɔlɛ kɛ mogya kolaa na Ɛdɛnkɛma kenle kpole anu ɛzulolɛ ne ara.

Dwowɛle Buluku ne 3:15

Sɛnzɛne ne nee siane ne balu ayɛ awozinli, yɛɛ nwɔlɔra bagyakyi ɛdalɛ.

Emɔzo Buluku ne 8:9

Kenle zɔhane mebamaa sɛnzɛne ne adɔ ewiazo ketekete, na aleɛ adwo na awozinli ava ewia henlema ne. Medame, Tumivolɛ Ɛdɛnkɛma a mese a.

Edwɛkpa ne kɛmɔ Mateyu hɛlɛle la 24:29

Gyisɛse hɔle zolɛ hilele nu kɛ, “Anwongyelelɛ mekɛ ne anzi, awozinli baheda sɛnzɛne ne azo, siane ne ɛnrɛda, nwɔlɔra badudu agua aze, na bɛbadudu anwumaneamra bɛavi bɛ ndenle ne mɔ azo.

Edwɛkpa ne kɛmɔ Mateyu hɛlɛle la 27:45

Mɔɔ ɔdwule sɛnzɛngyinla la awozinli vale azɛlɛ ye kɔsɔɔti azo toonwo dɔnehwele nsa.

Edwɛkpa ne kɛmɔ Maake hɛlɛle la 13:24

“Mekɛ ne anu, wɔ anwongyelelɛ ne anzi, awozinli baheda sɛnzɛne ne azo, siane ɛnrɛda bieko,

Edwɛkpa ne kɛmɔ Maake hɛlɛle la 15:33

Ɔdwule sɛnzɛngyinla la, awozinli hedale maanle ne azo dedee dɔnehwele nsa.

Edwɛkpa ne kɛmɔ Luku hɛlɛle la 21:25

“Sɛkɛlɛneɛ ɛzulolɛ basisi sɛnzɛne ne, siane ne nee nwɔlɔra ne mɔ anyunlu. Maanle maanle arɛle babɔ, na bɛ ti akunlu azɛkye nyevile ne ɛzɛkyelɛ nee ye ɛhululɛ nwo.

Ɛzoanvolɛma Gyima ne 2:20

Sɛnzɛne ne bayɛ awozinli, na siane ne ayɛ yɔɔnwo kɛ mogya, kolaa na Awulae anyunlunyia kenle kpole ne adwu.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 16:10

Nyamenle soanvolɛ ne mɔɔ tɔ zolɛ nnu la wolale ye dwora ne anu ɛya ne guale nane ne belemgbunli ebia ne azo. Awozinli rahedale nane ne belemgbunlililɛ zo, na menli vale abodelɛ kposale bɛ tafinlima.

Yekile 6:12

Eza menwunle kɛ Boaneralɛ ne ɛwaye ɛyɛlɛ ne mɔɔ tɔ zolɛ nsia la. Na nea, azɛlɛ kpusule kpole bie, na sɛnzɛne ne yɛle bile kɛ ɛdanlɛ dokyi anzɛɛ bilizi, na siane ne yɛle kɔkɔlɛ yɔɔnwo kɛ mogya.

Yekile 9:15

Bɛzianyinle bɛ, ɔluakɛ bɛvale bɛ bɛziele ɛkɛ ne kɛ dɔnehwele ne ala anu, kenle ko ne ala, siane ne ala anu, wɔ ɛvolɛ ne ala anu, bɛhyɛ menli mɔɔ wɔ ewiade la anu nsa na bɛhu nuhua ko.

Yekile 9:18

Bɛvale senle ne, esike ne, yɛɛ sɔlefa ne mɔɔ vi mgbɔnwɔ ne mɔ anloa anu finde la bɛhyɛle aleɛabo amra anu nsa na bɛhunle nuhua ko.