Yekile 8:11 - BAEBOLO ANZƐƐ BULUKU NWUANZANWUANZA

¹¹ Ɛwɔlɔra ne duma a le “Subo.” Na azule, nzubula nee tandane mɔɔ wɔ ewiade la anu hyɛle nsa, na ko yɛle kɛ subo, na ye ɛnwonle manle menli dɔɔnwo mɔɔ nlonle bie la wule.

Yekile 8:11 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:23

Mɔɔ bɛradwule Mɛɛla la, bɛangola ɛkɛ ne nzule no, ɔboalekɛ nzule ne yɛ ɛnwonle; yemɔti bɛvɛlɛle ye Mɛɛla.

Mrɛlɛbulɛ Buluku ne 5:4

noko awieleɛ ne ye ɛnwonle tɛla baka subo, yɛɛ ɔ nloa nlane le kɛ dadeɛ anye nwiɔ.

Gyɛlɛmaya Buluku ne 23:15

“Yemɔti, medame Tumivolɛ Ɛdɛnkɛma, meka ɛhye wɔ Nyamenle kpɔmanvolɛma anwo: Bɛnlea, mebamaa bɛali aleɛ ɛnwonle, meamaa bɛ nzule pɔezen bɛanlo, ɔboalekɛ Gyɛlusalɛm Nyamenle kpɔmanvolɛma ɛmmaa menli ne ɛnzonle Nyamenle wɔ maanle ne anu.”

Gyɛlɛmaya Buluku ne 9:15

Yemɔti bɛdie mɔɔ medame, Tumivolɛ Ɛdɛnkɛma, Yizilayɛ Nyamenle ne mebayɛ la: Mebamaa me menli ne mbaka ɛnwonle meamaa bɛali na meamaa bɛ nzule mɔɔ le pɔezen la bɛanlo.

Gyɛlɛmaya Awolɛyelɛ 3:19

Kakye me nyanelilɛ nee me amaneɛnwunlɛ mɔɔ ɛyɛ me nloa anu kɛ subo nee bɔnyema la.

Gyɛlɛmaya Awolɛyelɛ 3:5

yezie me nyane nee arɛlebɔlɛ kpole nu;

Emɔzo Buluku ne 5:7

Bɛmɛ, bɛmaa pɛlepɛlelilɛ yɛ ɛnwonle, na bɛtietia tenleneyɛlɛ zo.

Emɔzo Buluku ne 6:12

Asoo mgbɔnwɔ kola wuluwulu bodane zo? Asoo menli kola fa nlankɛ nyinli so ɛya wɔ nyevile nye? Noko bɛmɛ, bɛmaa pɛlepɛlelilɛ ɛhakyi pɔezen, yɛɛ bɛmaa tenleneyɛlɛ ɛyɛ ɛnwonle.

Zɛkalaya Buluku ne 13:8

Medame Ɛdɛnkɛma mese, azɛlɛ ye amuala, mebahyɛ nu nsa na meazɛkye nwiɔ, meaminli bɛ bo zo. Nuhua ɛkpɔ ko ala a baha a.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Mɛla 29:18

Bɛnlea boɛ na bɛ bie, raalɛ o, nrenya o, mbusua ekpulike anzɛɛ abusua ekpunli, andwe ɔ nwo anvi Ɛdɛnkɛma yɛ Nyamenle ne anwo angɔnzonle maanle zɔhane mɔ awozonle ne mɔ. Bɛnlea boɛ na bɛ bie anyɛ ɔ nwo ndinli ɛtane mɔɔ fifi so ma ɛnwonle mɔɔ ku sonla la.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 8:7

Nyamenle soanvolɛ ne mɔɔ lumua la bɔle ye aweɛne tendenle ne anu. Na bɛwolale ezuawolɛ nee senle, mɔɔ bɛva mogya bɛfonla ye la bɛguale azɛlɛ ye azo. Azɛlɛ ye anu hyɛle nsa, na ko yelale bɔkɔɔ manle mbaka nee ndile mɔɔ wɔ zolɛ la dɔle nzonle.

Yekile 9:15

Bɛzianyinle bɛ, ɔluakɛ bɛvale bɛ bɛziele ɛkɛ ne kɛ dɔnehwele ne ala anu, kenle ko ne ala, siane ne ala anu, wɔ ɛvolɛ ne ala anu, bɛhyɛ menli mɔɔ wɔ ewiade la anu nsa na bɛhu nuhua ko.

Yekile 9:18

Bɛvale senle ne, esike ne, yɛɛ sɔlefa ne mɔɔ vi mgbɔnwɔ ne mɔ anloa anu finde la bɛhyɛle aleɛabo amra anu nsa na bɛhunle nuhua ko.

Wulu 1:20

Nawome zele bɛ kɛ, “Bɛmmafɛlɛ me Nawome bieko; bɛvɛlɛ me Maala. Ɔluakɛ Ɛdɛnkɛma nee me ɛli ye ɛnwonle zo kpalɛ kpalɛ.