Yekile 8:10 - BAEBOLO ANZƐƐ BULUKU NWUANZANWUANZA

¹⁰ Nyamenle soanvolɛ ne mɔɔ tɔ zolɛ nsa la bɔle ye aweɛne tendenle ne anu. Na ɛwɔlɔra kpole bie, mɔɔ ɛlɛsɔ kɛ tɛkɛ la dule vi anwomanyunlu radɔle azudenle, nzubula nee tandane nu.

Yekile 8:10 ပူးပေါင်းရင်းမြစ်များ

2 Edk 32:3

ɔ nee ye mgbanyima ne mɔ nee menli mɔɔ anwo yɛ se la hɔle kɛ bɛkadua nzubula biala mɔɔ wɔ suakpole ne kandiba la, amaa saa Aseleama bikye Gyɛlusalɛm a bɛannyia nzule bɛanno. Mgbanyima ne mɔ lile menli dɔɔnwo kpalɛ ati na bɛhɔsisile nzubula ne mɔ nee azudenle ne mɔɔ wɔ ɛkɛ ne afoa nu la, yemɔti ɛnee nzule vi nzubula ne mɔ nee azudenle ne anu ɛnze, na bɛhanle kɛ, “Ɔnle kɛ Aselea arelemgbunli banwu kɛ nzule dɔɔnwo wɔ ɛke.”

Ayezaya Buluku ne 12:3

Ɛbava fɛlɛkolilɛ wɔado nzule wɔavi ngoanelielɛ bula ne mɔ anu.

Ayezaya Buluku ne 14:12

“O Alehyenlɛ Ɛwɔlɔra, Aleɛbahye Ralɛ Nrenya, ɛvi anwuma wɔdɔ aze kpole o! Wɔmɔ mɔɔ anrɛɛ ɛka maanle maanle aze fɛɛnye la, nea aze ko mɔɔ bɛvuandi wɔ bɛdo a!

Zɛkalaya Buluku ne 13:8

Medame Ɛdɛnkɛma mese, azɛlɛ ye amuala, mebahyɛ nu nsa na meazɛkye nwiɔ, meaminli bɛ bo zo. Nuhua ɛkpɔ ko ala a baha a.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Edwɛkpa ne kɛmɔ Mateyu hɛlɛle la 25:1

“Mekɛ ne anu Anwuma Belemgbunlililɛ ne bayɛ kɛ mbɛlɛra bulu bie mɔɔ kenle ko vale bɛ ahɛnlaneɛ kɛ bɛkayia atɔfolɛ nrenya ne ade la.

Edwɛkpa ne kɛmɔ Luku hɛlɛle la 10:18

Gyisɛse buale bɛ kɛ, “Menwunle kɛ Seetan vi anwuma kɛ ɛsɛlɛmanye la ɛrade aze.

Dwuudu Kɛlata ne 1:13

Bɛle kɛ nyevile mɔɔ ɛzɛkye la azɛlɛkye, bɛ awubue da bɛ anyiemgba nyɛleɛ ne mɔ ali. Bɛle kɛ nwɔlɔra mɔɔ nwɔnla la. Nyamenle ɛva awozinli kabikabi ne mɔɔ ɛnde ɛlɛ la ɛzie ɛkɛ ɛmaa bɛ.

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 16:4

Nyamenle soanvolɛ ne mɔɔ tɔ zolɛ nsa la wolale ye dwora ɛdeɛ ne anu ɛya ne guale azule nee nzubula nu, na bɛhakyile mogya.

Yekile 6:13

Nwɔlɔra dudule vi anwomanyunlu raguale aze kɛ feege baka ma mɔɔ ahumu kpole bie ɛdu ɛkpolo bɛ ɛgua la.

Yekile 8:7

Nyamenle soanvolɛ ne mɔɔ lumua la bɔle ye aweɛne tendenle ne anu. Na bɛwolale ezuawolɛ nee senle, mɔɔ bɛva mogya bɛfonla ye la bɛguale azɛlɛ ye azo. Azɛlɛ ye anu hyɛle nsa, na ko yelale bɔkɔɔ manle mbaka nee ndile mɔɔ wɔ zolɛ la dɔle nzonle.

Yekile 9:1

Akee Nyamenle soanvolɛ ne mɔɔ tɔ zolɛ nnu la bɔle ye aweɛne tendenle ne anu. Na menwunle kɛ ɛwɔlɔra bie vi anwuma ɛdu ɛradɔ azɛlɛ ye azo, na bɛva azɛlɛ kuma ne mɔɔ ɛnlɛ ɔ bo la sanvɛ ne bɛwula ɔ sa nu.

Yekile 9:15

Bɛzianyinle bɛ, ɔluakɛ bɛvale bɛ bɛziele ɛkɛ ne kɛ dɔnehwele ne ala anu, kenle ko ne ala, siane ne ala anu, wɔ ɛvolɛ ne ala anu, bɛhyɛ menli mɔɔ wɔ ewiade la anu nsa na bɛhu nuhua ko.

Yekile 9:18

Bɛvale senle ne, esike ne, yɛɛ sɔlefa ne mɔɔ vi mgbɔnwɔ ne mɔ anloa anu finde la bɛhyɛle aleɛabo amra anu nsa na bɛhunle nuhua ko.

Maanlebuvolɛma Buluku ne 15:11

Na Dwudama apenle nsa hɔle Yitam bodane ne bɔne ne mɔɔ Samesɛn wɔ nu la anu na bɛzele ye kɛ, “Ɛnze kɛ Filisitiama a sie yɛ ɔ? Na ɛhye noko mɔɔ wɔhɔhwe wɔra la abo a le duzu?” Samesɛn zele bɛ kɛ, “Amaamuo mɔɔ bɛbule bɛmanle me la yɛɛ menlea zolɛ mebu bie memaa bɛ a.”