Yekile 8:1 - BAEBOLO ANZƐƐ BULUKU NWUANZANWUANZA

¹ Mɔɔ Boaneralɛ ne wayele ɛyɛlɛ ne mɔɔ tɔ zolɛ nsuu mɔɔ bɛvale bɛzɔle nwoma ne anloa la, anwuma lɔ amuala yɛle diinyi kɛyɛ dɔnehwele foa ko.

Yekile 8:1 ပူးပေါင်းရင်းမြစ်များ

Dwobu Buluku ne 4:16

Deɛ ne gyinlanle koonwu, na meannwu ye sɔhovolɛ; ɛnee debie gyi me nyunlu ɛkɛ; ɛkɛ ne yɛle diinyi, akee mendele ɛnelɛ, ɔse:

Edwɛndolɛ Buluku ne 37:7

Gyinla ɛ nwo wɔ Ɛdɛnkɛma anyunlu, na si abotane kendɛ ye; mmafonla ɛ nwo wɔ mɔɔ ɛkpazi la anwo, anzɛɛ wɔ mɔɔ bɔ adwenle ɛtane la anwo.

Edwɛndolɛ Buluku ne 62:1

Nyamenle ala yɛɛ me ɛkɛla yɛ koonwu kendɛ ye a, ye ɛkɛ ne yɛɛ me ngoanelielɛ vi ba a.

Habakɛke Buluku ne 2:20

Ɛdɛnkɛma wɔ ye Ɛzonlenlɛ Sua Nwuanzanwuanza ne anu; bɛmaa aleɛabo amra amuala ɛyɛ koonwu wɔ ɔ nyunlu.

Zɛkalaya Buluku ne 2:13

Awie biala ɛyɛ koonwu wɔ Ɛdɛnkɛma anyunlu, ɔluakɛ yemaa ɔ nwo zo wɔ ye ɛleka nwuanzanwuanza ne.

Edwɛkpa ne kɛmɔ Mateyu hɛlɛle la 27:66

Yemɔti bɛhɔle bɛhɔzɔle nla ne anloa na bɛmanle sogyama zinzale.

Yekile 5:1

Menwunle kɛ ahenle mɔɔ de belemgbunli ebia kpole ne azo la lɛ nwoma ɔ sa fema ne anu; nwoma ne, bɛhɛlɛ ɔ kunlu nee ɔ nzi amuala na bɛva ɛyɛlɛ bɛzɔ ɔ nloa fane nsuu.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 6:1

Akee menwunle kɛ Boaneralɛ ne ɛwaye ɛyɛlɛ ne mɔɔ bɛva bɛsosɔ nwoma ne anloa fane nsuu la anu ko, na mendele kɛ tease abɔdeɛ nna ne anu ko lɛ ɛnelɛ mɔɔ ye kpole le kɛ ezule mɔɔ ɛlɛkulu la hanle kɛ, “Bɛla!”

Yekile 6:12

Eza menwunle kɛ Boaneralɛ ne ɛwaye ɛyɛlɛ ne mɔɔ tɔ zolɛ nsia la. Na nea, azɛlɛ kpusule kpole bie, na sɛnzɛne ne yɛle bile kɛ ɛdanlɛ dokyi anzɛɛ bilizi, na siane ne yɛle kɔkɔlɛ yɔɔnwo kɛ mogya.

Yekile 6:3

Boaneralɛ ne eza wayele ɛyɛlɛ ne mɔɔ bɛva bɛsosɔ nwoma ne anloa la anu mɔɔ tɔ zolɛ nwiɔ la; na mendele kɛ tease abɔdeɛ nna ne anu mɔɔ tɔ zolɛ nwiɔ la se, “Bɛla!”

Yekile 6:5

Boaneralɛ ne akee wayele ɛyɛlɛ ne mɔɔ tɔ zolɛ nsa la, na mendele kɛ tease abɔdeɛ ne mɔɔ tɔ zolɛ nsa la se, “Bɛla!” Na menwunle kɛ sonla lɛ tone ɔ sa nu na ɔde ɛkpɔnwɔ bile bie azo ɔlɛba.

Yekile 6:7

Boaneralɛ ne wayele ɛyɛlɛ ne mɔɔ tɔ zolɛ nna la; na mendele kɛ tease abɔdeɛ ne mɔɔ tɔ zolɛ nna la se, “Bɛla!”

Yekile 6:9

Boaneralɛ ne eza wayele ɛyɛlɛ ne mɔɔ tɔ zolɛ nnu la. Na menwunle kɛ bɛdabɛ mɔɔ Nyamenle edwɛkɛ ne ati, nee bɛdabɛ mɔɔ bɛlile daselɛ nɔhalɛ nu la ati bɛhu bɛ la ɛkɛla ne mɔ dede azukponle ne abo.