Yekile 7:9 - BAEBOLO ANZƐƐ BULUKU NWUANZANWUANZA

⁹ Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.

Yekile 7:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:16

Mebamaa ɛ bo zo amra azo kɛ ɛnwea, mɔɔ bɛnrɛhola bɛ tia a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Edwɛndolɛ Buluku ne 2:8

Biza me, na mebamaa maanle maanle kɔsɔɔti ayɛ wɔ ɛdeɛ, azɛlɛ ye amuala bayɛ wɔ ɛdeɛ.

Edwɛndolɛ Buluku ne 22:27

Ewiade amra amuala bahakye Ɛdɛnkɛma na bɛazia bɛara ɔ nwo ɛkɛ; maanle maanle kɔsɔɔti badu agua ɔ nyunlu azonle ye.

Edwɛndolɛ Buluku ne 76:4

Wɔ anyunlunyia le kpole, wɔ belemgbunlililɛ le kpole; ɔtɛla awoka mgbole kɔsɔɔti!

Edwɛndolɛ Buluku ne 77:2

Mekpondɛ Awulae wɔ me amaneɛnwunlɛ mekɛ nu; aledwolɛ nu metɛlɛdɛlɛ me sa nu mesɛlɛ, menvɛ fee; me ɛkɛla ɛmkponle kɛ bɛkɛkyekye ɔ rɛle.

Edwɛndolɛ Buluku ne 98:3

Yehakye ye ɛhulolɛ kpundii ne nee ye nɔhalɛlilɛ ne mɔɔ ɔlɛ ye wɔ Yizilayɛma anwo la. Ewiade amra amuala ɛnwu yɛ Nyamenle ne konimlilɛ ne.

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Gyɛlɛmaya Buluku ne 3:17

Saa mekɛ zɔhane dwu a, bɛbavɛlɛ Gyɛlusalɛm “Ɛdɛnkɛma Belemgbunli Ebia.” Maanle maanle kɔsɔɔti bara me nyunlu arazonle me; bɛnrɛli bɛ ahonle ɛtane ne mɔ anzi bieko.

Yizikeɛle Buluku ne 47:5

Ɔzuzule mita ɛya nnu bieko la meangola azule ne wudwu pɛ, ɔluakɛ ɛnee akee azule ne ɛyi; yeyi bonrabonra mɔɔ kyesɛ bɛweɛ na bɛapɛ, bɛngola bɛnwudwu bɛmpɛ.

Daneɛle Buluku ne 4:1

Belemgbunli Nɛbukadenɛza vale nrɛlaleɛ hɔmanle maanle maanle ne mɔ anu amra mɔɔ ka aneɛ ngakyile la kɛ, “Anzonudwolɛ kpole ɛha bɛ!

Daneɛle Buluku ne 6:25

Belemgbunli Dalayɛse hɛlɛle hɔmanle maanle maanle nee menli ngakyile mɔɔ bɛ aneɛ le ngakyile la kɛ, “Anzonudwolɛ dɔɔnwo ɛha bɛ!

Hozia Buluku ne 1:10

Yizilayɛma bazo kɛ ɛnweazo anwea mɔɔ bɛngola bɛnzuzu anzɛɛ bɛngola bɛndia la, na ɛleka ne mɔɔ bɛzele bɛ kɛ, “Bɛnle me menli” la, ɛkɛ ne a bɛbaha bɛahile bɛ kɛ, “Bɛle tease Nyamenle ne amra” a,

Sɛlɛ 23:40

Kenle ne mɔɔ lumua la bɛva bɛ mbaka kpalɛ ne mɔ azo ma, bɛpepɛ mrɛlakɛ, bɛbubu mbaka mɔɔ lɛ nya kpalɛ la ngane nee azule nloa mbaka buzubuzu ne mɔ nya ne bie bɛli ɛvoyia ne na bɛmaa bɛ nye ɛlie toonwo kenle nsuu wɔ Ɛdɛnkɛma anyunlu.

Zɛkalaya Buluku ne 10:8

“Mebavɛlɛ bɛ na meaboɔboa bɛ nloa, ɔluakɛ melie bɛ, na bɛ nwo bazo kɛ dɛba ne la.

Zɛkalaya Buluku ne 2:11

Mekɛ ne anu maanle maanle dɔɔnwo bava bɛ nwo amaa Ɛdɛnkɛma, na bɛayɛ ye menli. Ɛdɛnkɛma badɛnla bɛ avinli na bɛanwu kɛ Tumivolɛ Ɛdɛnkɛma a ɛzoa me a.

Edwɛkpa ne kɛmɔ Luku hɛlɛle la 12:1

Menli dɔɔnwo rabɔle yiale ye, mɔɔ ɛnee akee asɛɛ bɛlɛtietia bɛ nwo zo la, Gyisɛse lumuale dendɛle hilele ye ɛdoavolɛma ne mɔ kɛ, “Bɛnlea bɛ nwo boɛ wɔ Falasiima mgbɔvonle ne anwo, meka bɛ adalɛ nabalaba ngilehilelɛ ne

Edwɛkpa ne kɛmɔ Luku hɛlɛle la 21:36

Zɔhane ati bɛzinza na bɛzɛlɛ dahuu na bɛanyia anwosesebɛ bɛali ninyɛne ɛhye mɔ mɔɔ basisi la anwo zo konim, na bɛahola medame Sonla Ra, me nyunlu gyinla.”

Dw 12:13

Yemɔti bɛvale mrɛlakɛ bɛhɔyiale ye adenle, bɛdeɛdeanle nu kɛ, “Bɛye Nyamenle ayɛlɛ! Nyamenle ɛyila mɔɔ lua Awulae duma nu ɛlɛba la! Nyamenle ɛyila Yizilayɛ belemgbunli ne!”

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:13

Zɔhane ati bɛwula Nyamenle konle tɛladeɛ ne amuala, amaa saa kenle ɛtane ne ba a, bɛahola bɛagyinla kpɔvolɛ ne anyunlu, amaa mɔɔ konle ne kawie la ɛnee bɛgyi bɛ gyakɛ anu kpundii.

Kɛlata mɔɔ bɛhɛlɛle bɛhɔmanle Hibuluma la 11:12

Yemɔti ɔlua sonla ko mɔɔ le Ebileham, mɔɔ ɛnee ɔle kɛ asɛɛ yewu, noko ɔtɛwole ralɛ ɛlɛ la anwo zo yɛɛ ɛnɛ nlɔnra dɔɔnwo mɔɔ le kɛ anwuma nwɔlɔra nee ɛnweazo anwea la ɛra a.

Kɛlata mɔɔ bɛhɛlɛle bɛhɔmanle Hibuluma la 12:22

Na bɛmɛ bɛra Boka Zayɔn, wɔ tease Nyamenle ne suakpole ne mɔɔ le anwuma lɔ Gyɛlusalɛm ne, mɔɔ Nyamenle soanvolɛma apenle apenle mɔɔ bɛnze bɛ nloa la ɛyi ye tɛkɛɛ la azo.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 22:3

Debie biala mɔɔ Nyamenle anye ɛnlie nwolɛ la ɛnle suakpole ne azo. Nyamenle nee Boaneralɛ ne belemgbunli ebia kpole ne wɔ suakpole ne azo, na ye sonvolɛma sonle ye.

Yekile 3:18

Ɛhye ati metu wɔ folɛ kɛ badɔ ezukoa nvutuke kpalɛ mɔɔ bɛva senle bɛdu nuhua la fi me ɛkɛ, amaa wɔanyia ɛ nwo. Badɔ adɛladeɛ fufule wula keda wɔ amumuyɛ nee wɔ anyiemgba mɔɔ ɛla ali la azo. Badɔ ayile gua ɛ nye zo, amaa wɔanwu debie.

Yekile 4:4

Mgbanyima abulanwiɔ nee nna noko mɔɔ ɛyɛ fufule na bɛbobɔ ezukoa abɔtile la dede arelemgbunli mbia abulanwiɔ nee nna zo ɛbɔ belemgbunli ebia kpole ɛhye ɛyia.

Yekile 5:11

Mendole me nye bieko, na mendele Nyamenle soanvolɛma apenle apenle nee mgbe mgbe ane. Bɛbɔle bɛyiale belemgbunli ebia kpole ne, tease abɔdeɛ nna ne nee mgbanyima ne mɔ,

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 6:11

Na bɛmanle ko biala tɛladeɛ fufule, na bɛhanle bɛhilele bɛ kɛ bɛlie bɛ ɛnwomenle ekyii, kɔkpula kɛ bɛ gɔnwo mɔ sonvolɛma nee mediema mɔɔ bɛdabɛ noko bɛbahu bɛ kɛ bɛdabɛ la, bɛ muala bɛ nloa kɛdɔ nu la.