Yekile 7:2 - BAEBOLO ANZƐƐ BULUKU NWUANZANWUANZA

² Na menwunle Nyamenle soanvolɛ ko kɛ ɔlɛ tease Nyamenle ne nzonlɛyɛlɛ sɛkɛlɛneɛ ne, ɔvi aduduleɛ ɔlɛba. Ɔdeanle nu ɔvɛlɛle Nyamenle soanvolɛma nna ne mɔɔ Nyamenle ɛmaa bɛ tumi kɛ bɛzɛkye azɛlɛ ye nee nyevile la,

Yekile 7:2 ပူးပေါင်းရင်းမြစ်များ

2 Arl 19:4

Aselea belemgbunli ne ɛzoa ye safohyenlema kpanyinli ne yemaa yerabɔ tease Nyamenle ne aholoba. Medie medi kɛ Ɛdɛnkɛma Nyamenle dele mɔɔ ɔhanle la. Yemɔti sɛlɛ Ɛdɛnkɛma wɔ Nyamenle ne kɛ ɔdie zɛhae aholobabɔlɛ ne na ɔdua menli mɔɔ bɔle aholoba ne la kakɛ, na sɛlɛ Nyamenle maa ye menli ekyi ne mɔɔ ɛha la.”

Sɔlɔmɔn Edwɛne 8:6

Fa me yɛ ɛyɛlɛ sɔ wɔ ahonle ne anloa yɛ me nzonlɛyɛdeɛ wɔ ɛ sa anwo. Ɔluakɛ ɛhulolɛ yɛ se kɛ ewule, yɛɛ nungule ati yɛ se kɛ funli kuma. Ɔpɛ fɛlɛ a ɔle senle, na ɔsɔ kɛ sendɔlɔra.

Ayezaya Buluku ne 41:2

“Nwane a hɔhanle konimnli ne mɔɔ vi aduduleɛ, mɔɔ ɛleka biala mɔɔ ɔkɛtia la ɔdi konim a? Yeye maanle maanle kɔsɔɔti yemaa ye, yemɔti ɔdi arelemgbunli nwo zo konim; ɔfa ye konle dadeɛ ne ɔbɔ bɛ asande kɛ munlutu, ɔfa ye ɛda ne ɔpia bɛ ɔkɔ kɛ ewula.

Yizikeɛle Buluku ne 9:4

Na Ɛdɛnkɛma zele ye kɛ, “Kɔ Gyɛlusalɛm suakpole ne azo amuala na fa sɛkɛlɛneɛ to awie biala mɔɔ ɛlɛdi nyane wɔ munzule ɛbɛla mɔɔ bɛbɔ wɔ zolɛ la anwo la anwoma azo.”

Malakae Buluku ne 3:1

Tumivolɛ Ɛdɛnkɛma se, “Nea, mebazoa me ɛbɔfoɔ meamaa yeahɔziezie adenle ne anu yeamaa me. Na arɛlevilɛ nu ala bɛbanwu Awulae ne mɔɔ bɛlɛkpondɛ ye la kɛ ɔlɛkɔ Ɛzonlenlɛ Sua ne anu. Ngyekyeleɛ ne anwo ɛbɔfoɔ ne mɔɔ bɛ nye la ye ade la ɛlɛba.”

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Edwɛkpa ne kɛmɔ Mateyu hɛlɛle la 16:16

Saemɔn Pita buale kɛ, “Wɔmɔ a ɛle Kelaese ne, mɔɔ le tease Nyamenle ne Ara ne.”

Edwɛkpa ne kɛmɔ Mateyu hɛlɛle la 26:63

Na Gyisɛse andɛ ɔ nloa anu. Sɛlɛvolɛ Kpanyinli ne akee zele Gyisɛse kɛ, “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne a.”

Dw 6:27

Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

2 Kɔl 1:22

yeyɛ yɛ nzonlɛ yemaa ɔ nwo, na yeva ye Sunsum Nwuanzanwuanza ne yewula yɛ ahonle nu kɛ ninyɛne mɔɔ kenle bie ɔbava yeamaa yɛ la amuala anwo awoba a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:13

Bɛdabɛ noko, kɛmɔ bɛdele nɔhalɛ edwɛkɛ ne, mɔɔ le Edwɛkpa ne mɔɔ vale ngoanelielɛ rɛlɛle bɛ, na bɛliele Kelaese bɛlile la ati, Nyamenle vale ye Sunsum Nwuanzanwuanza ne, mɔɔ ɔvale ɔbɔle ɛwɔkɛ la ɔmanle bɛ, ɔvale ɔyɛle bɛ nzonlɛ kɛ bɛle ye menli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

Mɛla 5:26

Ɔluakɛ dasanli boni yɛɛ ɛde Nyamenle ane kɛ ɔlɛtendɛ yeavi senle nu na ɔtɛte ngoane nu kɛ yɛdayɛ a?

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

Kɛlata mɔɔ bɛhɛlɛle bɛhɔmanle Hibuluma la 12:22

Na bɛmɛ bɛra Boka Zayɔn, wɔ tease Nyamenle ne suakpole ne mɔɔ le anwuma lɔ Gyɛlusalɛm ne, mɔɔ Nyamenle soanvolɛma apenle apenle mɔɔ bɛnze bɛ nloa la ɛyi ye tɛkɛɛ la azo.

Yekile 1:3

Nyilalɛ ɛha sonla ne mɔɔ kɛkpogya ɔ ne zo kɛgenga Nyamenle nrɛlaleɛ ɛhye kɛhile awie mɔ la, yɛɛ nyilalɛ ɛha bɛdabɛ noko mɔɔ bɛkɛdie na bɛkɛva mɔɔ wɔ nu la bɛkɛzie na bɛkɛli zolɛ la! Ɔluakɛ mekɛ mɔɔ ɛhye mɔ basisi la ɛbikye.

Yekile 10:1

Akee menwunle Nyamenle soanvolɛ anwo ɛzulolɛ bieko kɛ ɔvi anwuma ɔlɛba. Ɔvea amungu nu na nyangondonle ɛdo ɛbɛnra ɔ ti; ɔ nyunlu ta kɛ sɛnzɛne, na ye ɛnantuo ɛdɔlɔ woonwu kɛ sua sika kpole bie mɔɔ senle la nu la.

Yekile 10:4

Mɔɔ maanle nu hulule fane nsuu la, menyɛle kɛ mekɛlɛ, na mendele kɛ ɛnelɛ vi anwuma, ɔse, “Mɔɔ ɛdele wɔ ɛhululɛ fane nsuu ne anu la maa ɔha ɛ ti anu, mmakɛlɛ!”

Yekile 16:12

Nyamenle soanvolɛ ne mɔɔ tɔ zolɛ nsia la ɔdaye ɔwolale mɔɔ wɔ ye dwora ɛdeɛ ne anu la ɔguale azukpole “Yufileti” anu. Ɛkɛ ne ala azule ne sesanle, ɔwele resee, amaa arelemgbunli mɔɔ vi aduduleɛ la anyia adenle araze.

Yekile 5:2

Na menwunle Nyamenle soanvolɛ mɔɔ anwo yɛ ɛzulolɛ la ko, na ɔhanle ye kpole kpalɛ kɛ, “Nwane a fɛta na ɔkɛhola ɔkɛwaye ɛyɛlɛ ne na ɔkɛbuke nwoma ne anu a?”

Yekile 8:3

Nyamenle soanvolɛ ko noko mɔɔ lɛ ezukoa nvutuke dwora mɔɔ bɛyela ɛyɛlɛ evuanlɛ nu la ragyinlanle azukponle ne anwo. Bɛmanle ye ɛyɛlɛ dɔɔnwo kɛ ɔva ɔboka Nyamenle menli ne nzɛlɛlɛ ne anwo na ɔkpu ye wɔ ezukoa nvutuke azukponle ne mɔɔ gyi belemgbunli ebia kpole ne anyunlu la azo.

Yekile 9:14

Ɛnelɛ ne zele Nyamenle soanvolɛ ne mɔɔ lɛ aweɛne tendenle ne mɔɔ tɔ zolɛ nsia la kɛ, “Sianyizianyi Nyamenle soanvolɛma nna ne mɔɔ bɛkyekye bɛ wɔ azule kpole ‘Yufileti’ anloa la!”

Yekile 9:4

Bɛzele bɛ kɛ bɛmmasɛkye ndile anzɛɛ mbaka nee nya amolɛ biala, na bɛkeka menli mɔɔ ɛnlɛ Nyamenle nzonlɛ ne bie bɛ nwoma azo la.

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:36

Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.