Yekile 7:17 - BAEBOLO ANZƐƐ BULUKU NWUANZANWUANZA

¹⁷ Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”

Yekile 7:17 ပူးပေါင်းရင်းမြစ်များ

Edwɛndolɛ Buluku ne 22:26

Ehyianli bali ɔ ko ayi, bɛdabɛ mɔɔ bɛkpondɛ Ɛdɛnkɛma la baye ye ayɛlɛ. Ɛdɛnkɛma ɛmaa bɛnyi bɛhyɛ!

Edwɛndolɛ Buluku ne 23:5

Ɛto me ɛkponle wɔ me kpɔvolɛma anyunlu; ɛkpokpa me nwole, me kɔpo yi bulu zo.

Edwɛndolɛ Buluku ne 28:9

O die wɔ menli ne na yila wɔ agyadeɛ; yɛ bɛ neavolɛ na nea bɛ boɛ dahuu.

Ayezaya Buluku ne 12:3

Ɛbava fɛlɛkolilɛ wɔado nzule wɔavi ngoanelielɛ bula ne mɔ anu.

Ayezaya Buluku ne 25:6

Zayɔn Boka ye azo yɛɛ Tumivolɛ Ɛdɛnkɛma bava nane mɔɔ ɛlɔ nee nwanye mɔɔ ɛbe kpalɛ la ado ɛkponle amaa maanle maanle ne mɔ a.

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Ayezaya Buluku ne 30:19

O Zayɔnoma mɔɔ de Gyɛlusalɛm, bɛnrɛzu bieko. Nɔhalɛ, saa bɛsu bɛfɛlɛ ye a, ɔbanwu bɛ anwunvɔne. Saa ɔte bɛ ne a, ɔbalie bɛ zo.

Ayezaya Buluku ne 30:25

Azudenle bazenze awoka mgbole nee ngyikyi zo wɔ mekɛ mɔɔ bɛbahu bɛ kpɔvolɛma ne, bɛabubu bɛ tawa ne mɔ bɛagua la.

Ayezaya Buluku ne 35:10

Bɛdabɛ mɔɔ Ɛdɛnkɛma ɛkpɔne bɛ la bava edwɛndolɛ azia ara Gyɛlusalɛm. Bɛbali fɛlɛko mɔɔ ɛnlɛ awieleɛ; bɛ nye balie, bɛali fɛlɛko, na nyane nee alɔbɔlɛ baminliminli.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 49:9

mebaha meahile pilizama kɛ, ‘Bɛraze bɛhɔ’ mebaze menli mɔɔ de awozinli nu la kɛ, ‘Bɛrɛla wienyi nu.’ Bɛbadidi adehane ne mɔ, yɛɛ awoka ne mɔ azo bayɛ bɛ adidileka.

Ayezaya Buluku ne 51:11

Menli mɔɔ Ɛdɛnkɛma ɛkpɔne bɛ la bazia ara, bɛbava edwɛndolɛ bɛara Gyɛlusalɛm. Bɛ nye balie dahuu; bɛbali fɛlɛko na bɛ nye alie, na bɛnrɛnwu nyane, yɛɛ alɔbɔlɛ ɛnrɛhu bɛ bieko.

Ayezaya Buluku ne 60:20

Bɛ sɛnzɛne ne ɛnrɛdɔ ɛlɛ, Yɛɛ siane ne ɛnrɛwu ɛlɛ, Ɔluakɛ Ɛdɛnkɛma bayɛ bɛ wienyi mɔɔ ɛnnu ɛlɛ, Na bɛ nyanelilɛ muala abo bapɛ.

Ayezaya Buluku ne 65:19

Me nye balie Gyɛlusalɛm anwo, na meali fɛlɛko wɔ me menli ne ati. Bɛnrɛde ɛzunlɛ bieko wɔ ɛkɛ, yɛɛ bɛnrɛde nyanenwunlɛ ɛnelɛ wɔ ɛkɛ.

Gyɛlɛmaya Buluku ne 2:13

Ɔluakɛ me menli ne ɛyɛ ɛtane nwiɔ: bɛkpo me, bɛ ngoane nzubula ne, na bɛdabɛ bɛhɔbɔ bɛ bula ɛdeɛ, bula mɔɔ ɛbolo, mɔɔ ngoane nzule ɛngola ɛngyinla nu.

Gyɛlɛmaya Buluku ne 31:9

Yizilayɛma bava ɛzunlɛ ara, mebakyekye bɛ rɛle, meava bɛ meazia meara sua nu, mebava bɛ measianle azudenle nloa, bɛbalua ademgbole fɔɔnwo mɔɔ bɛnrɛdu koti nu la anu, ɔluakɛ mele selɛ memaa Yizilayɛ, yɛɛ me belamunli ralɛ nrenya a le Yifelaem.

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Maeka Buluku ne 5:4

Ɔbalua Ɛdɛnkɛma anwosesebɛ zo yeagyinla yeayɛne ye nyɛmoa wɔ Ɛdɛnkɛma ye Nyamenle ne anyunlunyia nu. Na ye menli ne badɛnla bɛ nwo adɔ bɛ, ɔluakɛ ɛnɛ ɛdeɛ, ɔbayɛ sonlakpole wɔ ewiade ɛleka biala.

Maeka Buluku ne 7:14

O Ɛdɛnkɛma, fa wɔ kpɔma ne na nea wɔ menli ne mɔɔ le wɔ agyadeɛ la anwo zo kɛ mboaneneavolɛ ka mboane la. Bɛ ngome bɛwɔ tola bie anu wɔ kpɔkɛ bie anu; maa bɛvinde bɛhɔdidi Beehyan nee Geleade fienemgbole nu, kɛmɔ bɛyɛle ye dɛba ne la.

Edwɛkpa ne kɛmɔ Mateyu hɛlɛle la 2:6

‘Na wɔmɔ Bɛtelɛhɛm, mɔɔ wɔ Dwuda maanle nu, ɛnle ekyi wɔ Dwuda maanle nu azuamgbole avinli; ɔluakɛ wɔ ɛkɛ ne yɛɛ mɔɔ barali Yizilayɛma ati anlea me menli ne anwo zo la vi bara a.’ ”

Edwɛkpa ne kɛmɔ Mateyu hɛlɛle la 5:4

“Nyilalɛ ɛha bɛdabɛ mɔɔ nyane ɛha bɛ la; Nyamenle bakyekye bɛ rɛle!

Dw 10:11

“Mame a mele mboaneneavolɛ kpalɛ ne a. Mboaneneavolɛ kpalɛ ne fa ye ngoane to aze maa ye mboane ne.

Dw 10:14

Mame a mele mboaneneavolɛ kpalɛ ne a. Kɛmɔ Selɛ ne ze me na meze Selɛ ne la, zɔhane ala yɛɛ meze me mboane ne na bɛdabɛ noko bɛze me a; yɛɛ mekponle zolɛ kɛ menwɔwu menwɔmaa bɛ.

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Dw 4:11

Raalɛ ne zele kɛ, “Yɛmenle, na ɛnlɛ bokiti, yɛɛ bula ye noko anu kɔ. Na ɛnee nienwu yɛɛ ɛnyia ngoane nzule ne a?

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.

Yekile 21:22

Meannwu ɛzonlenlɛ sua wɔ suakpole ne azo, ɔboalekɛ ye Ɛzonlenlɛ Sua a le Awulae Nyamenle Bedevinli ne ɔdaye mumua ne nee Boaneralɛ ne.

Yekile 21:23

Suakpole ne azo amra ɛngyia sɛnzɛne anzɛɛ siane nwo, ɔluakɛ Nyamenle anyunlunyia ne a le zolɛ wienyi ne a, yɛɛ Boaneralɛ ne a le ye kɛnlaneɛ a.

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”

Yekile 21:6

Na ɔzele me kɛ, “Bɛwie debie biala yɛ! Mame a mele ‘Alefa’ nee ‘Omiga’ ne a, mɔlebɛbo ne nee awieleɛ ne. Awie mɔɔ nzuhɔne ɛlɛku ye la mebamaa ye nzubula ne mɔɔ maa ngoane la anu nzule ne bie yeanlo mɔɔ ɔndua ɛhwee a.

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,

Yekile 4:11

“Yɛ Awulae nee yɛ Nyamenle! Ɛfɛta anyunlunyia, enililɛ, nee tumi. Ɔluakɛ ɛdawɔ a ɛbɔle ninyɛne kɔsɔɔti a. Wɔ ɛhulolɛ zo yɛɛ ɛbɔle bɛ a. Wɔ ɛhulolɛ zo yɛɛ bɛwɔ ɛkɛ a.”

Yekile 5:6

Na menwunle kɛ Boaneralɛ ne gyi belemgbunli ebia ne mɔɔ tease abɔdeɛ nna ne nee mgbanyima ne mɔ ɛbɔ ɛyia ye la anyunlu. Ɔzɔho Boaneralɛ ne mɔɔ bɛhu ye la. Ɔlɛ mɛne nsuu yɛɛ ɛnyelɛ nsuu, mɔɔ le Nyamenle Sunsum nsuu ne, mɔɔ bɛzoanle bɛ wɔ ewiade ye amuala anu la.