Yekile 7:16 - BAEBOLO ANZƐƐ BULUKU NWUANZANWUANZA

¹⁶ Ɛhɔne nee nzuhɔne ɛnrɛhu bɛ bieko, ewia ɛnrɛbɔ bɛ, anzɛɛ wuluwulu kpole biala ɛnrɛhu bɛ bieko.

Yekile 7:16 ပူးပေါင်းရင်းမြစ်များ

Edwɛndolɛ Buluku ne 121:5

Ɛdɛnkɛma le wɔ sinzavolɛ; Ɛdɛnkɛma keda ɛ nwo zo, na ɔmaa wɔ anwosesebɛ.

Edwɛndolɛ Buluku ne 121:6

Sɛnzɛne ne ɛnrɛyela wɔ alehyenlɛ nu, yɛɛ siane ne ɛnrɛyela wɔ aledwolɛ nu.

Edwɛndolɛ Buluku ne 143:6

Metenrɛ me sa memaa wɔ; ɛ nwo nzuhɔne ku me kɛ azɛlɛ mɔɔ ɛwe resee la.

Edwɛndolɛ Buluku ne 42:2

Nyamenle anwo nzuhɔne ku me ɛkɛla, tease Nyamenle ne anwo nzuhɔne ku me. Kenlenzu yɛɛ mebara mearanwu Nyamenle anyunlu a?

Edwɛndolɛ Buluku ne 63:1

O Nyamenle, wɔmɔ a ɛle me Nyamenle a, mekpondɛ wɔ, me ɛkɛla anwo ɛlɛdɔ wɔ; me sonla mumua ne ɛlɛpele akpondɛ wɔ, kɛ azɛlɛ resee mɔɔ ɛhwie na ɔlɛkpondɛ nzule la.

Sɔlɔmɔn Edwɛne 1:6

Mmafa ɛ nye foa ko ɛnea me kɛ medu a, ɔboalekɛ sɛnzɛne ne a ɛmaa melu a. Me mediema mrenya ne mɔ vale me nwo ɛya, bɛmanle menyɛle gyima wɔ bɛ vanye egyinli ne mɔ anu; mengyakyile medame me vanye egyinli ɛdeɛ ne.

Ayezaya Buluku ne 25:4

Ɔluakɛ wɔyɛ ɛvealeka kpundii wɔmaa ehyianvolɛma, ɛvealeka kpundii wɔmaa bɛdabɛ mɔɔ bɛhyia la wɔ bɛ amaneɛnwunlɛ mekɛ nu; wɔyɛ enyinlike wɔwowa bɛ wɔ ahumu nee ewia samɛnlankɛ nu; ɔluakɛ atisesebɛma ɛtetalɛ ne le kɛ ahumu mɔɔ ɛlɛtia bane la;

Ayezaya Buluku ne 32:2

Bɛ nuhua ko biala bayɛ kɛ ɛvealeka, bodane bɔne mɔɔ bɛfea nu wɔ anwoma anzɛɛ ahumudulɛ kpole nu la. Bɛbayɛ kɛ azudenle wɔ ɛleka mɔɔ le resee, bodane kpole bie alubo wɔ azɛlɛ mɔɔ mbaka ɛnle zo la azo.

Ayezaya Buluku ne 41:17

“Saa ehyianli nee mɔɔ ɛhyia la kpondɛ nzule, na bie ɛnle ɛkɛ, na nzuhɔne maa bɛ kɔmenzia we resee a, medame Ɛdɛnkɛma, mebadie bɛ nzɛlɛlɛ; medame Yizilayɛ Nyamenle, menrɛkpo bɛ.

Ayezaya Buluku ne 49:10

Ɛhɔne anzɛɛ nzuhɔne ɛnrɛhu bɛ, sɛnzɛne anzɛɛ anwoma wuluwulu ɛnrɛbɔ bɛ, ɔluakɛ ahenle mɔɔ nwu bɛ anwunvɔne la bali bɛ ti, yɛɛ ɔbava bɛ yeahɔ nzubula nwo.

Ayezaya Buluku ne 65:13

Yemɔti medame Awulae Nyamenle mese: Bɛnlea, me sonvolɛma ne bali debie, na bɛmɛ, ɛhɔne bahu bɛ; bɛnlea, me sonvolɛma ne banlo nzule, na bɛmɛ, nzuhɔne bahu bɛ; bɛnlea, me sonvolɛma ne anye balie, na bɛmɛ, bɛ nyunlu bagua aze;

Dwona Buluku ne 4:8

Sɛnzɛne ne kpogyale ɔ nwo zo la, Nyamenle manle aduduleɛ anwoma wuluwulu bie bɔle. Na ewia katekate bie vile bɔle Dwona ati mgbandanlama ne azo manle ɔ nwo yɛle ye bɛtɛɛ. Ɛnee akee Dwona akunlu a anrɛɛ yewu. Na ɔhanle kɛ, “Saa menwule bɔbɔ a anrɛɛ ɔle kpalɛ.”

Edwɛkpa ne kɛmɔ Mateyu hɛlɛle la 13:21

Noko edwɛkɛ ne ɛnzɔ ndinli wɔ bɛ nu la ati, ɔngyinla ɔngyɛ. Saa ɔlua edwɛkɛ ne ati bɛyɛ bɛ kpɔdekpɔde anzɛɛ bɛnwu amaneɛ a, ɛnee ɛkɛ ne ala bɛkpo aze.

Edwɛkpa ne kɛmɔ Mateyu hɛlɛle la 13:6

Na mɔɔ ewia bɔle la, bɛyelale, ɔluakɛ bɛ ndinli ne mɔ andwu azɛlɛ bo kpalɛ.

Edwɛkpa ne kɛmɔ Mateyu hɛlɛle la 5:6

“Nyilalɛ ɛha bɛdabɛ mɔɔ bɛ kunlu anu a anrɛɛ bɛkola bɛyɛ mɔɔ Nyamenle kpondɛ la; Nyamenle bamaa bɛ kunlu adwo bɛ nwo!

Edwɛkpa ne kɛmɔ Maake hɛlɛle la 4:17

Na kɛmɔ edwɛkɛ ne ɛnnyia debie mɔɔ le kɛ ndinli wɔ bɛ nu la ati, bɛngyinla bɛngyɛ. Saa anwongyelelɛ ba anzɛɛ edwɛkɛ ne ati aleɛabo amra yɛ bɛ kpɔdekpɔde a, ɛnee bɛkpo aze.

Edwɛkpa ne kɛmɔ Maake hɛlɛle la 4:6

na mɔɔ ewia ne vile hanle bɛ la, bɛyelale, ɔluakɛ bɛ ndinli ne andwu azɛlɛ bo.

Edwɛkpa ne kɛmɔ Luku hɛlɛle la 1:53

Yemaa bɛdabɛ mɔɔ ɛhɔne ɛlɛku bɛ la ninyɛne kpalɛ yemaa bɛ ko ɛyi, na yeye sukoavolɛma ali yemaa bɛlɛ bɛ sa mgbane.

Edwɛkpa ne kɛmɔ Luku hɛlɛle la 6:21

“Nyilalɛ ɛha bɛdabɛ mɔɔ ɛhɔne ɛlɛku bɛ kɛkala la; Nyamenle bamaa bɛ ko ayi. “Nyilalɛ ɛha bɛdabɛ mɔɔ bɛlɛsu kɛkala la; Nyamenle bamaa bɛazele.

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Gyemise Kɛlata ne 1:11

Sɛnzɛne ne tudu a ɔfi ye ewia wuluwulu ne ɔbɔ ndile ɔmaa ɔkyengye, ye ndotolo ne kpolo gua, na ɔminle ye kɛnlɛma ne. Zɔhane ala yɛɛ sukoavolɛ mɔɔ anye wɔ ye gyima nwo ala la baminli a.

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”