Yekile 7:14 - BAEBOLO ANZƐƐ BULUKU NWUANZANWUANZA

¹⁴ Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.

Yekile 7:14 ပူးပေါင်းရင်းမြစ်များ

Dwobu Buluku ne 11:16

Ɛ rɛle bavi wɔ anwubɛnyunlu ne; ɛbahakye ye ala kɛ azuyilɛ mɔɔ ɛhwe.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 37:3

Ɔvale ezukoa nvutuke ɔyɛle ngɛba nna mɔɔ bɛbava mbaka bɛawulowula nu bɛazoa la ɔsosɔle ye mgbɛnezo nna ne, nwiɔ wɔ ye tɛbanu yɛɛ nwiɔ wɔ ye tɛbanu.

Ayezaya Buluku ne 1:18

Ɛdɛnkɛma se, “Bɛrɛla bɛmaa yɛbɔ yɛ avinli, bɛ ɛtane ne mɔ ɛla zo kɛ ɛbenle bɔbɔ ɛdeɛ, noko bɛbayɛ fufule kɛ ezukɔtweaba. Bɛ ɛtane ne mɔ ɛbolo kɛ ebo bɔbɔ ɛdeɛ, noko bɛbayɛ nwohyee kɛ boane enrinli.

Daneɛle Buluku ne 11:35

Bɛdabɛ mɔɔ bɛze nrɛlɛbɛ la bie mɔ badu koti, amaa bɛahakyi bɛ subane nee bɛ nyɛleɛ na bɛ nwo ade saanwu ahɔkpula kɛ mekɛ ne kɛdwu la, ɔluakɛ mekɛ ne mɔɔ Nyamenle ɛhyehyɛ ɛdo ɛkɛ ne la ɛtɛdwule.

Daneɛle Buluku ne 12:1

Nyamenle soanvolɛ ne mɔɔ wula Lenen tɛladeɛ ne la hanle kɛ, “Mekɛ zɔhane Nyamenle soanvolɛ Maekeɛle mɔɔ nea wɔ menli ne mɔ anwo zo la badwazo. Mekɛ zɔhane amaneɛnwunlɛ mɔɔ bie ɛtɛsile ɛlɛ la basisi, noko bɛbalie wɔ menli ne mɔ anu biala mɔɔ bɛkɛnwu kɛ bɛhɛlɛ ye duma wɔ Nyamenle buluku ne anu la ngoane.

Daneɛle Buluku ne 7:16

Membikyele menli mɔɔ gyigyi ɛkɛ la anu ko na membizale ye ninyɛne ɛhye mɔ abo. Yemɔti ɔhilele me ɔ bo na ɔhilehilele nu ɔhilele me.

Zɛkalaya Buluku ne 13:1

“Mekɛ ne anu bɛbabuke nzufeanvea bɛava bɛanrinzi Devidi abo zo amra nee Gyɛlusalɛmma amuala ɛtane nee evinli biala bɛagua.

Edwɛkpa ne kɛmɔ Mateyu hɛlɛle la 24:21

Ɔluakɛ anwongyelelɛ mɔɔ bara mekɛ zɔhane ne anu la, ye ɛzulolɛ, sumunli kɛ ewiade bɔle ɔ bo dedee mɔɔ yeradwu ɛnɛ la, bie ɛtɛsile ɛlɛ, yɛɛ bie noko ɛnrɛzi ɛlɛ na aloa abɔ.

Edwɛkpa ne kɛmɔ Maake hɛlɛle la 13:19

Ɔluakɛ mekɛ ne anu anwongyelelɛ ne bayɛ ɛzulolɛ kpalɛ mɔɔ sumunli kɛ Nyamenle bɔle ewiade toonwo mɔɔ yeradwu bekezɛ la, bie ɛtɛsile ɛlɛ, yɛɛ bie noko ɛnrɛzi ɛlɛ.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Wulo 5:3

Bɔbɔ wɔ amaneɛnwunlɛ nu yɛbali fɛlɛko, ɔboalekɛ yɛze kɛ nyanelilɛ maa sonla nyia abotane,

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

2 Tɛs 1:4

Zɔhane ati yɛfa bɛ yɛpɛ Nyamenle menli mɔɔ ɛha la anye zo. Yɛfa bɛ diedi nu kpundii mɔɔ bɛgyi wɔ nyanenwunlɛ nee abodelɛ mɔɔ bɛlɛnwu ye la anu la yɛtu yɛ nloa anu kpole.

Kɛlata mɔɔ bɛhɛlɛle bɛhɔmanle Hibuluma la 13:12

Zɔhane ala yɛɛ Gyisɛse wule suakpole ne kandiba lɔ, amaa yeava ye mogya ne yeanrinzi menli ne ɛtane ne mɔ.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

1 Pit 1:19

bɛvale Gyisɛse, mɔɔ le boaneralɛ mɔɔ anwo ɛnlɛ dɛne biala la mogya ne mɔɔ sonle bolɛ la a bɛkpɔnenle bɛ a.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 12:11

Yɛ mediema ne mɔ ɛlua Boaneralɛ ne mogya ne azo nee nɔhalɛ edwɛkɛ ne mɔɔ bɛlile nwolɛ daselɛ la azo ɛli ɔ nwo zo konim, ɔluakɛ bɛanzulo kɛ bɛkɛva bɛ ngoane bɛkɛdo aze.

Yekile 15:2

Eza menwunle debie bie mɔɔ le kɛ nyevile anye kɔngyekɔngye kɛ neanleɛ mɔɔ bɛva senle bɛkpoto nu la. Akee menwunle bɛdabɛ mɔɔ bɛlile nane ne nee ye ananze ne nee nane ne mɔɔ ye duma le nɔma la anwo zo konim la. Bɛdedɛ getaa mɔɔ Nyamenle a ɛva ɛmaa bɛ la bɛ sa nu, na bɛgyigyi nyevile anye kɔngyekɔngye kɛ neanleɛ la anwo.

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 7:9

Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.