Yekile 7:12 - BAEBOLO ANZƐƐ BULUKU NWUANZANWUANZA

¹² bɛzele kɛ, “Amen! Ayɛlɛyelɛ, anyunlunyia, nrɛlɛbɛ, moyɛlɛ, enililɛ, tumi nee anwosesebɛ kɔsɔɔti le yɛ Nyamenle ne ɛdeɛ wɔ mekɛ mɔɔ ɛnlɛ awieleɛ! Amen.”

Yekile 7:12 ပူးပေါင်းရင်းမြစ်များ

Nihɛmaya Buluku ne 12:46

Mekɛ tendenle mɔɔ ɛze ɛhɔ la, ɔvi Belemgbunli Devidi nee edwɛnekilevolɛ Esafe mekɛ zo ɛnee bɛle edwɛndolɛma mgbanyinli yɛɛ edwɛndolɛma ne ɛdo ayɛlɛyelɛ nee moyɛlɛ edwɛne ɛmaa Nyamenle toonwo a yeradwu ɛnɛ a.

Nihɛmaya Buluku ne 12:8

Livaema: Menli ɛhye mɔ a nea moyɛlɛ edwɛndolɛ zo a: Gyɛhyua, Benuwae, Kademeɛle, Hyɛlibaya, Dwuda, yɛɛ Matanaya.

Edwɛndolɛ Buluku ne 100:4

Bɛva moyɛlɛ bɛwolo ye nlenkɛ mgbole ne mɔ anu, bɛva ayɛlɛyelɛ bɛhɔ ye alie ne anwo. Bɛyɛ ye mo, na bɛye ye duma ne ayɛlɛ!

Edwɛndolɛ Buluku ne 106:48

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi tete kɔdwu mekɛ mɔɔ ɛnlɛ awieleɛ. Na menli ne amuala ɛha kɛ “Amen!” Bɛye Ɛdɛnkɛma ayɛlɛ!

Edwɛndolɛ Buluku ne 107:22

Bɛbɔ ye moyɛlɛ azu, na bɛdo anyelielɛ edwɛne bɛha ye nyɛleɛ ne mɔ.

Edwɛndolɛ Buluku ne 116:17

Mebabɔ moyɛlɛ azu meamaa wɔ, na meabɔ Ɛdɛnkɛma duma meazonle ye.

Edwɛndolɛ Buluku ne 147:7

Bɛva moyɛlɛ bɛdo edwɛne bɛmaa Ɛdɛnkɛma; bɛva getaa bɛbɔ edwɛne bɛmaa Ɛdɛnkɛma!

Edwɛndolɛ Buluku ne 41:13

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi aloamɔleɛ kɔdwu melɛ mɔɔ ɛnlɛ awieleɛ! Amen! Amen!

Edwɛndolɛ Buluku ne 50:14

Bɛbɔ moyɛlɛ azu bɛmaa Nyamenle; bɛye bɛ ɛwɔkɛ mɔɔ bɛbɔle Anwuma Anwumanli ne la.

Edwɛndolɛ Buluku ne 72:19

Bɛye ye duma nwuanzanwuanza ne ayɛlɛ dahuu; bɛmaa ye anyunlunyia ɛyi ewiade tɛkɛɛ! Amen. Amen!

Edwɛndolɛ Buluku ne 89:52

Ayɛlɛyelɛ ɛha Ɛdɛnkɛma dahuu! Amen, Amen!

Edwɛndolɛ Buluku ne 95:2

Bɛmaa yɛva moyɛlɛ yɛrɛla ɔ nyunlu; bɛmaa yɛva anyelielɛ yɛdo ayɛlɛyelɛ edwɛne yɛmaa ye!

Ayezaya Buluku ne 51:3

“Ɛdɛnkɛma bakyekye Gyɛlusalɛmma arɛle, ɔbakyekye bɛdabɛ mɔɔ bɛde azuadu nu la arɛle; ɔbamaa Gyɛlusalɛm fienemgbole ahakyi kɛ Yidɛn tola, yeamaa ɛsɛlɛ ne ayɛ kɛ Ɛdɛnkɛma tola nu. Fɛlɛko nee anyelielɛ bara ɛkɛ, na bɛado ayɛlɛyelɛ edwɛne bɛayɛ me mo.

Gyɛlɛmaya Buluku ne 33:11

eza bɛ nye ɛlie na bɛlɛdi fɛlɛko; bɛbade atɔfolɛ nrenya ne nee atɔfolɛ raalɛ ne ane; yɛɛ bɛbade edwɛndolɛma ane kɛ bɛlɛfa moyɛlɛ azubɔdeɛ bɛara Ɛdɛnkɛma Ɛzonlenlɛ Sua ne anu. Bɛbaha kɛ: ‘Bɛva moyɛlɛ bɛmaa Tumivolɛ Ɛdɛnkɛma, ɔluakɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ dahuu.’ Ɔluakɛ mebamaa maanle ne azia akpazi. Medame Ɛdɛnkɛma a mese a.” 118.1; 136.1

Gyɛlɛmaya Buluku ne 33:9

Na Gyɛlusalɛm bayɛ anyelielɛ, ayɛlɛyelɛ, yɛɛ anyunlunyia ɛleka amaa me wɔ maanle maanle kɔsɔɔti anye zo. Maanle biala mɔɔ bade kpalɛ mɔɔ meyɛ memaa suakpole ye la bazulo, ɔ nwo awozo ye wɔ nyele mɔɔ meyɛ memaa ye nee ɛkpazilɛ mɔɔ memaa suakpole ne ɛkpazi la ati.”

Dwona Buluku ne 2:9

Na mame, mebado edwɛne meaye wɔ ayɛlɛ, mebabɔ azu meamaa wɔ na meali me ɛwɔkɛ mɔɔ mebɔ la azo. Wɔmɔ Ɛdɛnkɛma ala a ɛdie ngoane a.”

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

1 Kɔl 14:16

Na saa bɛyɛ Nyamenle mo wɔ sunsum nu ala a, ɛnee kɛ ɔkɛyɛ na awie gyɛne mɔɔ wɔ nyianu ne anu la alie bɛ moyɛlɛ nzɛlɛlɛ ne azo “Amen” ɛ? Ɔngola ɔnyɛ ye zɔhane, ɔluakɛ ɔnde mɔɔ bɛlɛka la abo.

2 Kɔl 4:15

Ɛhye mɔ amuala lua bɛmɛ bɛ ti, amaa mɔɔ Nyamenle ɛlolɛ ne ɛlɛtɛlɛ ahɔ menli dɔɔnwo anwo zo la, bɛava moyɛlɛ bɛawula Nyamenle anyunlunyia.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

Kɔlɔ 3:17

Debie biala mɔɔ bɛyɛ, edwɛkɛ biala mɔɔ bɛka, nyɛleɛ biala anu, bɛyɛ ye wɔ Awulae Gyisɛse duma nu, na bɛlua ɔ nwo zo bɛyɛ Nyamenle Selɛ ne mo.

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 19:4

Mgbanyima abulanwiɔ nee nna ne nee tease abɔdeɛ nna ne dule guale na bɛzonlenle Nyamenle wɔ ye belemgbunli ebia kpole ne abo, na bɛhanle kɛ, “Amen! Bɛye Nyamenle ayɛlɛ!”