Yekile 7:11 - BAEBOLO ANZƐƐ BULUKU NWUANZANWUANZA

¹¹ Nyamenle soanvolɛma ne mɔ amuala rabɔle yiale belemgbunli ebia kpole ne, mgbanyima ne mɔ nee tease abɔdeɛ nna ne. Bɛbutubutule bɛ nyunlu aze wɔ belemgbunli ebia kpole ne anyunlu na bɛzonlenle Nyamenle,

Yekile 7:11 ပူးပေါင်းရင်းမြစ်များ

Edwɛndolɛ Buluku ne 45:11

Wɔ anwofɛlɛko ne bahwe belemgbunli ne ahonle; ɔle ɛ menle, yemɔti tie ɔ ne.

Edwɛndolɛ Buluku ne 97:7

Bɛdabɛ mɔɔ bɛsonle ananze la anyunlu ɛgua aze; bɛdabɛ mɔɔ bɛfa mmonle bɛtu bɛ nwo la anyunlu ɛgua aze; nyamenle kɔsɔɔti bɔ bɛ ti aze maa ye.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Kɛlata mɔɔ bɛhɛlɛle bɛhɔmanle Hibuluma la 1:6

Noko mɔɔ Nyamenle bazoa ye belamunli Ralɛ ne wɔ ewiade la, ɔhanle kɛ, “Ɔwɔ kɛ Nyamenle soanvolɛma amuala sonle ye.”

Yekile 11:16

Mgbanyima abulanwiɔ nee nna ne mɔɔ dede bɛ arelemgbunli mbia zo wɔ Nyamenle anyunlu ɛkɛ ne la dule guale na bɛbutubutule bɛ nyunlu aze bɛzonlenle Nyamenle

Yekile 15:4

Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”

Yekile 22:9

Na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema Nyamenle kpɔmanvolɛma ne mɔ, nee bɛdabɛ mɔɔ bɛdi edwɛkɛ mɔɔ wɔ buluku ɛhye anu la azo la. Sonle Nyamenle na mmasonle me!”

Yekile 4:10

ɛnee mgbanyima abulanwiɔ nee nna ne ɛdu ɛgua mɔɔ de belemgbunli ebia ne azo la anyunlu, na bɛsonle mɔɔ de aze dahuu la. Bɛtudu bɛ abɔtile ne mɔ bɛgua belemgbunli ebia ne abo na bɛka kɛ,

Yekile 4:4

Mgbanyima abulanwiɔ nee nna noko mɔɔ ɛyɛ fufule na bɛbobɔ ezukoa abɔtile la dede arelemgbunli mbia abulanwiɔ nee nna zo ɛbɔ belemgbunli ebia kpole ɛhye ɛyia.

Yekile 4:6

Belemgbunli ebia kpole ɛhye anyunlu ɛkɛ ne, debie bie mɔɔ le kɛ nyevile anye kɔngyekɔngye kɛ neanleɛ la la ɛkɛ ne faanwo. Tease abɔdeɛ nna mɔɔ ɛnyelɛ duodua bɛ nyunlu nee bɛ nzi la gyigyi belemgbunli ebia ne anwo wɔ ye tɛbanu nee ye tɛbanu ne amuala.

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”