Yekile 7:1 - BAEBOLO ANZƐƐ BULUKU NWUANZANWUANZA

¹ Ɛhye anzi menwunle Nyamenle soanvolɛma nna kɛ bɛgyigyi azɛlɛ ye muleɛ nna ne mɔ azo na bɛdedɛ ewiade anwoma ngakyile nna ne anu, amaa anwoma biala ambɔ azɛlɛ ye azo, nyevile nye anzɛɛ baka nwo.

Yekile 7:1 ပူးပေါင်းရင်းမြစ်များ

Ayezaya Buluku ne 11:12

Ɛdɛnkɛma bamaa maanle maanle ne mɔ sɛkɛlɛneɛ yeahile kɛ ɔlɛboɔboa Yizilayɛma mɔɔ bɛmbu bɛ bie, nee Dwudama mɔɔ ɛkponde la anloa yeavi azɛlɛ ye muleɛ nna ne mɔ azo yeara.

Ayezaya Buluku ne 27:3

Medame Ɛdɛnkɛma a menea zolɛ a. Mekɛ biala megugua nzule zolɛ. Amaa awie anzɛkye ye la, mesinza ye nɔɔzo nee ewiazo.

Ayezaya Buluku ne 27:8

Ngyikyi ngyikyi, ɛ nee bɛ lile na ɛmanle bɛhyele bɛ bɛhɔle nlɔnu, ɛvale wɔ aduduleɛ anwoma anloa ɛsesebɛ ne ɛvoanle bɛ.

Gyɛlɛmaya Buluku ne 49:36

Mebamaa anwoma vi sɔlɔ, nyiakɛ, aduduleɛ, yɛɛ adɔleɛ adu Yilam suakpole ne azo. Mebado ezuavolɛ ne meakponde anwoma nna zɔhane mɔ anu. Maanle biala ɛnle ɛkɛ mɔɔ menli mɔɔ bɛbavoa bɛ Yilam la bie ɛnrɛhɔdwu nu a.

Yizikeɛle Buluku ne 37:9

Na Nyamenle zele me kɛ, “Ka Nyamenle nrɛlaleɛ ne kile anwoma. Sonla ra, ka Nyamenle nrɛlaleɛ ne na se anwoma ne kɛ, ‘Awulae Nyamenle ne se: O sunsum, ɛvi anwoma nna ne anu bɛla bagu ɛnwomenle gua menli ɛhye mɔ mɔɔ bɛhunle bɛ la nu maa bɛnyia ngoane.’ ”

Yizikeɛle Buluku ne 7:2

Ɔse, “Wɔmɔ, o sonla ra, mɔɔ medame Awulae Nyamenle melɛ ye meka meahile Yizilayɛma la ɛne: Yewie! Azɛlɛ ye muleɛ nna ne amuala ɛzɛkyelɛ ala ɛne!

Daneɛle Buluku ne 11:4

Mekɛ mɔɔ ye tumi ne kɛyɛ kpole kpalɛ la akee ye belemgbunlililɛ ne bagua na ye maanle ne anu ahyɛ nna. Awie mɔ gyɛne mɔɔ ɛmbikye ebia ne fee la a banlea maanzinli ne mɔ azo a, yɛɛ maanle ɛbulɛ ne ɛnrɛdwu ye ɛdeɛ ne, ɔboalekɛ maanle ne anu bagyigya.

Daneɛle Buluku ne 7:2

Ɔse, “Menwunle ye wɔ me ɛlalɛ ne anu wɔ nɔe ne kɛ anwoma vi aduduleɛ nee adɔleɛ, ɛbɔ nu nee nyiakɛ ɛlɛbɔ na yemaa nyevile kpole ne ɛlɛbegye.

Daneɛle Buluku ne 8:8

Abɔnkye nyinli ne dule ɔ nloa anu kpole kpalɛ; na mɔɔ ye anwosesebɛ ne dwule aze kpole kpalɛ la, ye mɛne kpole ko ne bule na mɛne nna fifile ɔ bo zo ne. Mɛne nna ne, ko anye kɔ ɛbɔ nu, ko kɔ nyiakɛ, ko kɔ aduduleɛ, yɛɛ ko kɔ adɔleɛ.

Dwona Buluku ne 1:4

Na Ɛdɛnkɛma manle anwoma kpole bie dwazole nyevile ne anye. Ahumu ne dule kpole kpalɛ mɔɔ ɛnee asɛɛ azudulɛ ne ɛbubu meli ne ɛwie a.

Zɛkalaya Buluku ne 6:1

Eza memanle me nye zo na menwunle kɛ konle ehwili nna vi awoka nwiɔ avinli ɛlɛba. Awoka ne mɔ le kɔbele awoka.

Zɛkalaya Buluku ne 6:5

Nyamenle soanvolɛ ne buale kɛ, “Ɛhye mɔ hɔvale bɛ nwo hilele Ɛdɛnkɛma mɔɔ bɔle azɛlɛ ye la, na kɛkala bɛlɛkɔ anwuma anwoma nna ne anu.

Edwɛkpa ne kɛmɔ Mateyu hɛlɛle la 24:31

Bɛbabɔ aweɛne kpole ne anu, na mebamaa me soanvolɛma ahɔ ewiade muleɛ ne amuala azo, bɛahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔdwu ɔ bo.

Edwɛkpa ne kɛmɔ Maake hɛlɛle la 13:27

Mebamaa anwuma soanvolɛma ahɔ ewiade muleɛ ne amuala azo ahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔkpula ɔ bo.

Yekile 20:8

na ɔbahɔ yeahɔbɛlɛbɛla maanle maanle mɔɔ wɔ aleɛabo la amuala, meka Gɔgo nee Magɔgo, na ɔ nee bɛ ahɔ konle. Bɛ somaa bayɛ kɛ ɛnweazo anwea.

Yekile 6:6

Akee mendele debie mɔɔ le kɛ ɛnelɛ la wɔ tease abɔdeɛ nna ne mɔ anwo lɔ, ɔse, “Bɛbadɔ hwiiti ‘litili’ ko etaku nna, yɛɛ bɛbadɔ baale ‘litili’ nsa etaku nna. Na anrɛɛ bɛmmasɛkye nwole nee nwanye!”

Yekile 7:3

na ɔzele bɛ kɛ, “Bɛmmafa bɛ sa bɛka azɛlɛ ye, nyevile, anzɛɛ mbaka biala bɛsɛkye bɛ, kɔkpula kɛ yɛkɛwie yɛ Nyamenle ne sonvolɛma ne mɔ amuala nzonlɛ yɛ wɔ bɛ nwoma zo la.”

Yekile 8:7

Nyamenle soanvolɛ ne mɔɔ lumua la bɔle ye aweɛne tendenle ne anu. Na bɛwolale ezuawolɛ nee senle, mɔɔ bɛva mogya bɛfonla ye la bɛguale azɛlɛ ye azo. Azɛlɛ ye anu hyɛle nsa, na ko yelale bɔkɔɔ manle mbaka nee ndile mɔɔ wɔ zolɛ la dɔle nzonle.

Yekile 9:14

Ɛnelɛ ne zele Nyamenle soanvolɛ ne mɔɔ lɛ aweɛne tendenle ne mɔɔ tɔ zolɛ nsia la kɛ, “Sianyizianyi Nyamenle soanvolɛma nna ne mɔɔ bɛkyekye bɛ wɔ azule kpole ‘Yufileti’ anloa la!”

Yekile 9:4

Bɛzele bɛ kɛ bɛmmasɛkye ndile anzɛɛ mbaka nee nya amolɛ biala, na bɛkeka menli mɔɔ ɛnlɛ Nyamenle nzonlɛ ne bie bɛ nwoma azo la.