Yekile 6:9 - BAEBOLO ANZƐƐ BULUKU NWUANZANWUANZA

⁹ Boaneralɛ ne eza wayele ɛyɛlɛ ne mɔɔ tɔ zolɛ nnu la. Na menwunle kɛ bɛdabɛ mɔɔ Nyamenle edwɛkɛ ne ati, nee bɛdabɛ mɔɔ bɛlile daselɛ nɔhalɛ nu la ati bɛhu bɛ la ɛkɛla ne mɔ dede azukponle ne abo.

Yekile 6:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:10

Ɛdɛnkɛma bizale ye kɛ, “Duzu debie a wɔyɛ la? Ɛ diema ne mogya ne mɔɔ gua azɛlɛ ne anwo la ɛlɛsu avɛlɛ me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:12

Fa ɛ sa ɛrɛlɛsɛka bɔ mogya ne anu na fa ka azukponle ne abati kpokpɔkoo ne mɔ azo na wola mogya ne mɔɔ kɛha la gua azukponle ne abo.

Sɛlɛ 4:7

Sɛlɛvolɛ ne bava mogya ne bie aha ɛyɛlɛ evuanlɛ ɛyelalɛ azukponle ne mɔɔ wɔ Ɛdɛnkɛma Ndanlɛ Sua ne anu la abati kpokpɔkoo ne mɔ azo, na yeawola mɔɔ kɛha la yeagua ɛyelalɛ azukponle ne mɔɔ wɔ Ɛdɛnkɛma Ndanlɛ Sua ne anuhɔlɛ ne la abo ne anwo.

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

2 Kɔl 5:8

Yɛlɛ akɛnrasesebɛ na yɛkɛhulo ye kpalɛ kɛ yɛkɛvi nwonane sua ɛhye anu na yɛ nee Awulae kɛhɔdɛnla.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:17

Saa bɔbɔ ɔba ye kɛ bɛfa me mogya bɛaye ɛdɛne bɛagua bɛ diedi azubɔlɛ zo bɛamaa Nyamenle a, anrɛɛ me nye die nwolɛ kpole na me nee bɛ di fɛlɛko.

2 Tem 1:8

Mmamaa Awulae anwo daselɛlilɛ yɛ wɔ nyiane; yɛɛ mmamaa medame noko mɔɔ Kelaese ati mela efiade la me nwo yɛ wɔ nyiane. Ɛdawɔ dua anwosesebɛ ne mɔɔ Nyamenle ɛva ɛmaa wɔ la azo nwu Edwɛkpa ne anwo amaneɛ ne bie.

2 Tem 4:6

Mame, mekɛ ne ɛdwu mɔɔ bɛfa me bɛabɔ azu a, mekɛ mɔɔ mefa meavi ewiade ɛhye anu la ɛbikye.

Kɛlata mɔɔ bɛhɛlɛle bɛhɔmanle Hibuluma la 12:23

Bɛra anyelielɛ ayia ne mɔɔ Nyamenle amra mgbanyinli ne mɔ mɔɔ bɛhɛlɛ bɛ aluma wɔ anwuma lɔ la a kɔ la bie. Bɛra Nyamenle mɔɔ le menli kɔsɔɔti ndɛnebuavolɛ la ɛkɛ, yɛɛ bɛra fɔɔnwoma mɔɔ bɛmaa bɛ sunsum ɛli munli la ɛkɛ.

Yekile 1:2

Dwɔn ɛha mɔɔ ɔnwunle ye la amuala. Ɔhanle nɔhalɛ ne, kɛmɔ Gyisɛse Kelaese yele hilele ye la nee nrɛlaleɛ mɔɔ ɔdele ɔvile Nyamenle ɛkɛ ne la amuala.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 14:18

Akee Nyamenle soanvolɛ ko, mɔɔ yemɔ a ɔnea senle ne la vi azukponle ne abo vindele. Ɔdeanle nu ɔzele mɔɔ lɛ ɛdedadeɛ nlane ne la kɛ, “Ewiade vanye ma ne ɛbolo na fa wɔ dadeɛ ne te bɛ muala!”

Yekile 16:7

Na mendele ɛnelɛ bie vi azukponle ne anwo ɛkɛ, ɔse, “Awulae Nyamenle Bedevinli, wɔ ndɛnebualɛ le nɔhalɛ, ɔle fɔɔnwo amgba!”

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 20:4

Eza menwunle arelemgbunli mbia, na bɛmanle bɛdabɛ mɔɔ bɛdede zolɛ la tumi kɛ bɛbua ndɛne. Menwunle bɛdabɛ noko mɔɔ ɔluakɛ bɛbɔle Nyamenle Edwɛkpa ne nee nɔhalɛ ne mɔɔ Gyisɛse yele hilele la nolo la ati bɛhunle bɛ la ɛkɛla ne mɔ. Bɛanzonle nane ne anzɛɛ ye ananze ne, yɛɛ bɛanyɛ bɛ nane ne nzonlɛ ne bie wɔ bɛ nwoma azo anzɛɛ bɛ sa anwo. Menli ɛhye mɔ ziale rale ngoane nu bieko na bɛ nee Kelaese lile belemgbunli ɛvolɛ apenle.

Yekile 8:3

Nyamenle soanvolɛ ko noko mɔɔ lɛ ezukoa nvutuke dwora mɔɔ bɛyela ɛyɛlɛ evuanlɛ nu la ragyinlanle azukponle ne anwo. Bɛmanle ye ɛyɛlɛ dɔɔnwo kɛ ɔva ɔboka Nyamenle menli ne nzɛlɛlɛ ne anwo na ɔkpu ye wɔ ezukoa nvutuke azukponle ne mɔɔ gyi belemgbunli ebia kpole ne anyunlu la azo.

Yekile 9:13

Nyamenle soanvolɛ ne mɔɔ tɔ zolɛ nsia la bɔle ye aweɛne tendenle ne. Na mendele kɛ ɛnelɛ bie vi ezukoa azukponle ne mɔɔ wɔ Nyamenle anyunlu ɛkɛ ne la mgbɛnezo nna ne mɔ anu vindele.