Yekile 6:8 - BAEBOLO ANZƐƐ BULUKU NWUANZANWUANZA

⁸ Meneanle, na menwunle sonla bie mɔɔ bɛfɛlɛ ye Ewule, kɛ ɔde ɛkpɔnwɔ nzonle bie azo ɔlɛba. Ɛbolɔ li ɔ nzi ɛkɛ ne ala. Bɛhyɛle azɛlɛ ye anu nna na bɛmanle bɛ tumi kɛ bɛva dadeɛ, ɛhɔne, anwonyane nee nanemgbole bɛhu menli mɔɔ wɔ ko azo la amuala.

Yekile 6:8 ပူးပေါင်းရင်းမြစ်များ

Mrɛlɛbulɛ Buluku ne 5:5

Ɔ gyakɛ ɛdudulɛ twehwe sonla kɔ ewule nu; sonla fa ye adenle zo a, ɔ nee ye dwu Ɛbolɔ.

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Gyɛlɛmaya Buluku ne 14:12

Saa bɛkye nwolɛ ɛhɔne bɔbɔ a, menrɛdie bɛ ɛzunlɛ, yɛɛ saa bɛfa ɛyelalɛ azubɔdeɛ anzɛɛ ma azubɔdeɛ bɛba me nyunlu a, me nye ɛnrɛzɔ ye. Mebava mealua konle, ɛhɔne, yɛɛ anwonyane nu meayela bɛ wee.”

Gyɛlɛmaya Buluku ne 16:16

Ɛdɛnkɛma se, “Bɛnlea, melɛto ɛsalɛ meavɛlɛ fɛlɛkyevoma dɔɔnwo meamaa bɛarahye menli ne. Ɛhye anzi mebavɛlɛ menli mɔɔ di ɛbɔlɛ la dɔɔnwo meamaa bɛahɔhwe menli ne bɛavi awoka mgbole nee ngyikyi ne mɔ azo, yɛɛ awolɛ mgbole ne mɔ avinli bɛara.

Gyɛlɛmaya Buluku ne 16:4

Ewule ɛzulolɛ bie a bahu bɛ a. Bɛwu a bɛnrɛzu bɛ yɛɛ bɛnrɛzie bɛ; bɛ avunli bagua azɛlɛ ye azo mgbane mgbane akpɔlɔ. Bɛbahu bie mɔ konle nu, yɛɛ ɛhɔne ngome bahu bie mɔ; bɛ avunli bayɛ nloma nee nanemgbole aleɛ.

Gyɛlɛmaya Buluku ne 24:10

Mebava konle, ɛhɔne, yɛɛ ewule meazi bɛ zo toonwo meamaa bɛ bo zo abɔ tɔɔ wɔ azɛlɛ ne mɔɔ menvale memanle bɛ nee bɛ ze mɔ la azo.”

Gyɛlɛmaya Buluku ne 29:17

Medame Tumivolɛ Ɛdɛnkɛma mese: Bɛnlea, mefa konle, ɛhɔne, yɛɛ ewulenzane meado bɛ nwo. Mebamaa bɛayɛ kɛ feege ma mɔɔ ɛkpɔlɔ mɔɔ bɛdi a ɔnyɛ boɛ la.

Gyɛlɛmaya Buluku ne 43:11

Ɔbaradua Yigyibitima kakɛ. Bɛdabɛ mɔɔ bɛfɛta ewulenzane la, bɛbawu ewulenzane nu; bɛdabɛ mɔɔ ɔwɔ kɛ bɛkye bɛ nuokɛ la, bɛbahye bɛ nuokɛ, yɛɛ bɛdabɛ mɔɔ ɔwɔ kɛ bɛwu dadeɛ nloa la, bɛbawu dadeɛ nloa.

Yizikeɛle Buluku ne 29:5

na meavuandi bɛ meagua ɛsɛlɛ ne azo lɔ, na ɛdawɔ nee fɛlɛ mɔɔ wɔ wɔ azule ne mɔ anu la baha ɛsɛlɛ ne azo, na awie ɛnrɛsesa bɛ ɛnrɛzie bɛ. Mebava bɛ meamaa azɛlɛ ye azo nanemgbole nee nloma mɔɔ wɔ anwomanyunlu la kɛ bɛli.

Yizikeɛle Buluku ne 5:12

Ɛhɔne nee ewulenzane bahyɛ bɛ nuhua nsa ahu ko; nwiɔ ne mɔɔ baha la, ko bawu konle nu; na meabɔ ko ne mɔɔ baha la asande na meava konle meazi bɛ zo.

Hozia Buluku ne 13:14

Memkpɔne bɛ menvi Ɛbolɔ tumi bo ɔ? Menlie bɛ menvi Ewule asa anu ɔ? O Ewule, wɔ bɔlɔ ne wɔ nienwu? O Ɛbolɔ, wɔ ɛzɛkyelɛ tumi ne wɔ nienwu? Anwunvɔnezelɛ ɛnle me nye zo bieko.

Habakɛke Buluku ne 2:5

Eza bɛnwu ye kɛ nwanye le ngunzi debie; adubɛnwonli ne ɛngyɛ; ye adidikpoku kpole le kɛ ɛbolɔ, ɔle kɛ ewule la, debie biala mɔɔ ɔlɛ la ɛnza ye. Ɔkuohua maanle maanle muala anloa, na ɔsesa maanle maanle kɔsɔɔti kɛ ɔdaye ye ɛdeɛ ɔ.

Zɛkalaya Buluku ne 6:3

mɔɔ tɔ zolɛ nsa la mgbɔnwɔ ne mɔ le fufule, yɛɛ mɔɔ tɔ zolɛ nna la mgbɔnwɔ ne mɔ le nzonle anwo ndetandeta.

Edwɛkpa ne kɛmɔ Mateyu hɛlɛle la 11:23

Na bɛmɛ mɔɔ bɛwɔ Kapɛnayɛm la, bɛkpondɛ kɛ bɛkɔ Nyamenle maanle ne anu ɔ? Kyɛkyɛ! Bɛbavuandi bɛ bɛagua ɛbolɔ senle nu. Nwanwane gyima mɔɔ bɛyɛle wɔ bɛ sua zo la, saa bɛyɛle bie wɔ Sodɔm a, anrɛɛ ɛnɛ nee ɛnɛ ala sua zɔhane tɛbɔ ɛkɛ.

Edwɛkpa ne kɛmɔ Mateyu hɛlɛle la 24:7

Maanle nee maanle baho atia bɛ nwo, arelemgbunli badwazo arelemgbunli nwo zo, sane bara, yɛɛ azɛlɛ bakpusu ɛleka muala.

1 Kɔl 15:55

Ewule, wɔ konimlilɛ ne wɔ ni? O, Ewule, wɔ bɔlɔ ne wɔ ni?”

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 9:15

Bɛzianyinle bɛ, ɔluakɛ bɛvale bɛ bɛziele ɛkɛ ne kɛ dɔnehwele ne ala anu, kenle ko ne ala, siane ne ala anu, wɔ ɛvolɛ ne ala anu, bɛhyɛ menli mɔɔ wɔ ewiade la anu nsa na bɛhu nuhua ko.

Yekile 9:18

Bɛvale senle ne, esike ne, yɛɛ sɔlefa ne mɔɔ vi mgbɔnwɔ ne mɔ anloa anu finde la bɛhyɛle aleɛabo amra anu nsa na bɛhunle nuhua ko.