Yekile 6:5 - BAEBOLO ANZƐƐ BULUKU NWUANZANWUANZA

⁵ Boaneralɛ ne akee wayele ɛyɛlɛ ne mɔɔ tɔ zolɛ nsa la, na mendele kɛ tease abɔdeɛ ne mɔɔ tɔ zolɛ nsa la se, “Bɛla!” Na menwunle kɛ sonla lɛ tone ɔ sa nu na ɔde ɛkpɔnwɔ bile bie azo ɔlɛba.

Yekile 6:5 ပူးပေါင်းရင်းမြစ်များ

Gyɛlɛmaya Awolɛyelɛ 5:10

Yɛ nwo ɛlɔ kɛ fonlomo, ɛhɔne ngome ɛwie yɛ yela.

Yizikeɛle Buluku ne 4:10

Kenle ko biala ɛbali aleɛ ko ala, yɛɛ aleɛ ne mɔɔ ɛbali la ɛnlomboɛ ɔwɔ kɛ to tone nu gelamo ɛya nwiɔ abulasa.

Yizikeɛle Buluku ne 4:16

Na ɔvale ɔzɔle zolɛ kɛ, “Sonla ra, memaa ɛhɔne azi Gyɛlusalɛm. Bɛbava sulosulo bɛazuzu bɛ aleɛ na bɛali na bɛava arɛlebɔlɛ bɛazuzu bɛ nzule na bɛanlo.

Sɛlɛ 26:26

Saa metua, mɔɔ bɛnnyia aleɛ la a, mraalɛ bulu babɔ nu ado kpanwo fonlomo ko anu, na bɛazuzu bɛava bɛarɛlɛ bɛ; bɛbali, na bɛ ko ɛnrɛyi ɛlɛ.

Zɛkalaya Buluku ne 6:2

Konle ehwili ne mɔɔ lumua la, mgbɔnwɔ kɔkɔlɛ a ɛlɛtwe ye a. Mɔɔ tɔ zo nwiɔ la mgbɔnwɔ ne mɔ le bile,

Zɛkalaya Buluku ne 6:6

Konle ehwili ne mɔɔ mgbɔnwɔ bile ne mɔ ɛlɛtwe ye la kɔ ɛbɔ nu afoa nu maanle ne anu, wɔ Babelonia, mɔɔ mgbɔnwɔ fufule ne mɔ ɛlɛtwe ye la kɔ adɔleɛ afoa nu maanle ne anu, yɛɛ mɔɔ mgbɔnwɔ nzonle anwo ndetandeta ne mɔ ɛlɛtwe ye la kɔ nyiakɛ afoa nu maanle ne anu.”

Edwɛkpa ne kɛmɔ Mateyu hɛlɛle la 24:7

Maanle nee maanle baho atia bɛ nwo, arelemgbunli badwazo arelemgbunli nwo zo, sane bara, yɛɛ azɛlɛ bakpusu ɛleka muala.

Yekile 5:5

Na mgbanyima ne mɔ ko zele me kɛ, “Mmasu. Nea! Dwuda abusua nu awenade ne, mɔɔ le Belemgbunli Devidi ati anwo anlɔnra kpole ne, ɛli konim, na ɔkola ɔwaye ɛyɛlɛ nsuu ne mɔ na ɔbuke nwoma ne anu.”

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 6:1

Akee menwunle kɛ Boaneralɛ ne ɛwaye ɛyɛlɛ ne mɔɔ bɛva bɛsosɔ nwoma ne anloa fane nsuu la anu ko, na mendele kɛ tease abɔdeɛ nna ne anu ko lɛ ɛnelɛ mɔɔ ye kpole le kɛ ezule mɔɔ ɛlɛkulu la hanle kɛ, “Bɛla!”