Yekile 6:4 - BAEBOLO ANZƐƐ BULUKU NWUANZANWUANZA

⁴ Na sonla ko mɔɔ bɛmaa ye konle dadeɛ kpole ko la de ɛkpɔnwɔ kɔkɔlɛ mɔɔ bolo kpalɛ la azo rale. Na bɛmanle ye adenle kɛ ɔye anzonudwolɛ ɔvi azɛlɛ ye azo, amaa menli ahu bɛ nwo.

Yekile 6:4 ပူးပေါင်းရင်းမြစ်များ

Edwɛndolɛ Buluku ne 17:13

O Ɛdɛnkɛma, dwazo, yia bɛ na ka bɛ gua. Fa wɔ dadeɛ ne die me ngoane fi amumuyɛma asa anu.

Daneɛle Buluku ne 5:19

Ɔlua kpole mɔɔ Nyamenle yɛle ye la ati menli nee maanle maanle kɔsɔɔti mɔɔ ka aneɛ ngakyile la dwu ɔ nyunlu a, bɛsulo na bɛ nwo wozo bɛ. Saa ɔse kɛ bɛhu awie a, bɛku ye, yɛɛ saa ɔse kɛ bɛdwula awie a, bɛdwula ye. Ɔkola ɔmaa awie gyinlabelɛ; ɔkola ɔka awie aze.

Zɛkalaya Buluku ne 1:8

“Nɔe ne, menwunle kɛ nrenya bie de ɛkpɔnwɔ kɔkɔlɛ zo. Menwunle kɛ ɔgyi ‘mɛtele’ mbaka bie anu wɔ bɔnza bie anu, na ɔ nzi ɛkɛ ne, mgbɔnwɔ kɔkɔlɛ, ndetandeta, yɛɛ fufule gyigyi ɛkɛ.

Zɛkalaya Buluku ne 6:2

Konle ehwili ne mɔɔ lumua la, mgbɔnwɔ kɔkɔlɛ a ɛlɛtwe ye a. Mɔɔ tɔ zo nwiɔ la mgbɔnwɔ ne mɔ le bile,

Edwɛkpa ne kɛmɔ Mateyu hɛlɛle la 10:34

“Bɛmmadwenle kɛ me nee anzonudwolɛ a rale ewiade a; kyɛkyɛ, meanva anzonudwolɛ meamba. Me nee konle a rale a.

Edwɛkpa ne kɛmɔ Mateyu hɛlɛle la 24:6

Bɛbade kɛ konle ɛzi na ɔbikye bɛ yɛɛ bɛbade kɛ bie noko ɛzi moa moa maanle bie anu, na bɛmmamaa bɛ ahonle tu. Ɔwɔ kɛ ninyɛne ɛhye mɔ sisi, noko ɛnee awieleɛ ne ɛtɛnyianle ɛtɛbale.

Dw 19:11

Gyisɛse buale ye kɛ, “Ɛlɛ me nwo zo tumi, ɔluakɛ Nyamenle yɛɛ ɛva ɛmaa wɔ a. Yemɔti sonla ne mɔɔ vale me rawulale ɛ sa nu la a di ɛzonle kpole kpalɛ a.”

Yekile 12:3

Nwanwane sɛkɛlɛneɛ ɛzulolɛ bieko vindele anwomanyunlu. Nane kɔkɔlɛ anwo ɛzulolɛ bie mɔɔ le kɛ ɛlɛnrɛne la lua anwomanyunlu lɔ. Ɔ ti le nsuu, ye mɛne bulu, yɛɛ etile ko biala bɔ abɔtile.

Yekile 13:10

Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.

Yekile 17:3

Sunsum ne rawolole me, na Nyamenle soanvolɛ ne vale me hɔle ɛsɛlɛ bie azo. Ɛkɛ ne, menwunle raalɛ bie kɛ ɔde nane kɔkɔlɛ bie azo. Nane ne bɛhɛlɛhɛlɛ aluma ɛtane ɛtane mɔɔ tia Nyamenle la wɔ ɔ nwo. Nane ne ati le nsuu yɛɛ ye mɛne le bulu.

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.