Yekile 6:2 - BAEBOLO ANZƐƐ BULUKU NWUANZANWUANZA

² Memanle me nye zo, na menwunle kɛ sonla de ɛkpɔnwɔ fufule zo na ɔlɛ ɛda ɔ sa nu ɔlɛba. Bɛbɔle ye abɔtile, na ɔvindele ɔhɔle kɛ katakyie mɔɔ ɛli konim dɔɔnwo na eza ɔlɛkɔ yeahɔho yeali konim bieko la.

Yekile 6:2 ပူးပေါင်းရင်းမြစ်များ

Edwɛndolɛ Buluku ne 110:2

Ɛdɛnkɛma bamaa wɔ belemgbunli kpɔma kpole ne vi Zayɔn ara. Ɔse, “Di wɔ kpɔvolɛma anwo zo belemgbunli.”

Edwɛndolɛ Buluku ne 76:7

Na wɔmɔ, ɛ nwo yɛ ɛzulolɛ kpole! Saa ɛfa ɛya a nwane a kɛhola kɛgyinla ɛ nyunlu a?

Edwɛndolɛ Buluku ne 98:1

O bɛdo edwɛne fofolɛ bɛmaa Ɛdɛnkɛma, ɔluakɛ yeyɛ nwanwane ninyɛne! Yeva ye tumi kpole ne, ye tumi nwuanzanwuanza ne yeli konim.

Ayezaya Buluku ne 25:8

Ɔbame ewule bɔkɔɔ, na Awulae Nyamenle ne bakyikyi awie biala anye anwo monle, na yeakpa bɛ nwo nyiane kɔsɔɔti yeavi azɛlɛ ye azo. Ɛdɛnkɛma ɔdaye a ɔse a.

Zɛkalaya Buluku ne 1:8

“Nɔe ne, menwunle kɛ nrenya bie de ɛkpɔnwɔ kɔkɔlɛ zo. Menwunle kɛ ɔgyi ‘mɛtele’ mbaka bie anu wɔ bɔnza bie anu, na ɔ nzi ɛkɛ ne, mgbɔnwɔ kɔkɔlɛ, ndetandeta, yɛɛ fufule gyigyi ɛkɛ.

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

1 Kɔl 15:25

Ɔluakɛ ɔwɔ kɛ Kelaese di belemgbunli kɔkpula kɛ Nyamenle kɛli ye agbɔvolɛ amuala anwo zo konim na ɔkɛva bɛ ɔkɛwula ɔ gyakɛ abo la.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

Yekile 11:18

Ɛya ɛwolo bɛdabɛ mɔɔ bɛnzonle Nyamenle la, noko wɔ ɛya kenle ne ɛdwu. Mekɛ ɛdwu mɔɔ ɛbua mɔwuamra ndɛne na ɛmaa wɔ sonvolɛma, kpɔmanvolɛma, nee wɔ menli kɔsɔɔti, ngakula nee mgbanyinli, mɔɔ sonle wɔ la ahatualɛ mɔɔ fɛta la a. Mekɛ ɛdwu mɔɔ akee ɔwɔ kɛ ɛsɛkye bɛdabɛ mɔɔ bɛsɛkye azɛlɛ ye la a.”

Yekile 14:14

Akee mendole me nye, na menwunle amungu fufule nwohyee bie, na debie bie mɔɔ le kɛ sonla la de zolɛ, ɔbɔ ezukoa abɔtile na ɔlɛ ɛdedadeɛ nlane bie ɔ sa nu.

Yekile 15:2

Eza menwunle debie bie mɔɔ le kɛ nyevile anye kɔngyekɔngye kɛ neanleɛ mɔɔ bɛva senle bɛkpoto nu la. Akee menwunle bɛdabɛ mɔɔ bɛlile nane ne nee ye ananze ne nee nane ne mɔɔ ye duma le nɔma la anwo zo konim la. Bɛdedɛ getaa mɔɔ Nyamenle a ɛva ɛmaa bɛ la bɛ sa nu, na bɛgyigyi nyevile anye kɔngyekɔngye kɛ neanleɛ la anwo.

Yekile 17:14

Bɛ nee Boaneralɛ ne baho; na Boaneralɛ ne bali bɛ nwo zo konim, ɔboalekɛ ɔle awulae mɔ Awulae yɛɛ ɔle arelemgbunli Belemgbunli. Menli mɔɔ li ɔ nzi la bɛkpa nu bɛye bɛ, yɛɛ bɛle menli mɔɔ di nɔhalɛ a.”

Yekile 19:14

Anwuma ɛlɔnema li ɔ nzi, bɛdede mgbɔnwɔ fufule zo na bɛwulowula adɛladeɛ fufule nwohyee.

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.

Yekile 9:7

Saa ɛnea abɛbɛ ne mɔ a bɛle kɛ mgbɔnwɔ mɔɔ bɛziezie bɛ kɛ bɛ nee bɛ kɔ konle la. Debie bie mɔɔ le kɛ ezukoa abɔtile la bobɔ bɛ ti, yɛɛ bɛ nyunlu maanle ne le kɛ sonla ɛdeɛ ne la.